Ke Kumu Hawaii, Volume I, Number 1, 12 November 1834 — NO KA SABATI. [ARTICLE]

NO KA SABATI.

[I kakauia e L. S.] Kauoha mai la ke Akua i ka poe lse raela, E hoomanao i ka la Sabati, e malama hoi ia la e hoano ia." Aole nae ia i kauoha mai i ka poe Iseraela wale no, "E hoomaaao i ka la Sabati;" no ka mea, he mea mau loa no keia kanawai o ke Akua, no na aina a pau loa, a hiki loa aku i ka hopena, aole loa hoi e pau. He la maikai keia; he la hemolele no hoi; he la kapu Ioa no ke Akua. Aole ke Akua i kauoha mai, e hoomanao i ka la sabati e hana hewa—e hana ma ka kino; e kuai aku, a e kuai mai; e loaa'i ka waiwai; e paani no hoi; e IeaIea; e hula, e moe kolohe; e

aihue; e wahahee; e hoopunipuni; e hoohiki iho; a e kuko wale i na mea a ko lakou hoahuna. Aole ia i kauoha mai penei; e hoo manao i ka la Sabati, e hoakoakoa ai i ka hale paani e hoomaewa 'ku i ka ke Akua olelo, a me ka pono o Iesu. Aole ia i kauoha mai penei: E hoakoakoa ma ka hale paani, e nana i ka poe paani—a me ka poe haakei a me ka poa lealea. No ka oahaoa ino wale no kela mau poe a pau. Ua makemake lakou i na mea ino; ua. kamailio pu lakou ma na mea ino; ua hoike ak uno hoi lakou i na mea ino; ua hookauwa lakou i ka Diabolo; ua hahai lakou mamuli o ka Diaboio-ua hahai lakou i ke ala e hiki aku ai i ke ahi pio ole. He poe kina waie no lakou. Aole ke Akua i kouoha mai i na kanaka e hoomanao i ka la sabati e halawai pu i ka hale rama, e inu i ka rama e puhi i ka baka—e hanu ino kekahi i kekahi, a e hoohiki ino io hoi i ka inoa 0 lehova, o ko lakou Akua. Aole loa. Aka, kauoha mai la ke Akua i na kanaka a pau, ma na aina a pau, "E hoomanao i ka la aabati, e malama hoi ia la, e hoano ia. " Ua pono i na kanaka a pau ke hele i ka pule i kela sabati keia sabati, e hoolohe pono i ka ke Akua olelo He nui loa kanaka ma Hawaii nei i hele ole i ka pule. Aole lakou malama iki i ka la Sabati. Ua noho waie lakou i ka hewa. Aloha ino lakou! Kekahi poe hele i ka pule i ke kakahiaka; aka, aole lakou hele i ka pule i ke ahiahi. Ua manao lakou penei, paha; ua pono e malama i kekahi hapa o ka la sabati-i ekolu hora paha; alaila, ua oki, a e hana e like me ka lakou hana ana i na la eono. Aka, aole ke Akua i kauoha mai pela. Ua kauoha mai oia i na kanaka a pau ma na wahi a pau e hoomaaao i ka la Sabati, e malama ia la—e malama ia la a pau. Aole pono ke malama i ke kakahiaka wale no. Eia ka pono. E malama i ke kakahiaka, a me ke awakea, a me ke ahiahi, a me ka po no hoi. E malama i ka la Sabati a pau. Auhea oukou? Mai haalele oukou i ko oukou hoakoakoa ana e like me ka hana ana o kekahi poe. Aka, e hooikaika oukou i kela Sabati keia SabatiNo ka mea, "Ina e hana hewa oukou me ka ae o ka naau, mahope iho o ka loaa ana mai ia oukou ka ike ana i ka olelo oiaio, aole mohai hou no ka hala; aka o ke kali weliweii ana i ka hoopai ana mai, a me ka huhu wela, e pau ai ka poe enemi." Mai hopalaleha i ka hana ana ma ka

pono; aka e hooikaika a e hoakoakoa i ka halepule e hoolea'ku i ke Akua. O ka la sabati ma ka honua nei, he hoailona no ia o ka la sabati mau loa i ka lani. He sabati wale no i ka lani. Aole po akahi, aole po alua, aole po akolu, aole po aha, aole po alima, aole po aono malaila. He sabati wale no. Aole kakaikahi ka poe i malama i ka la sabati i ka lani; he nui loa ka poe i malama i ka la sabati. O ka poe anela a pau, a me ka poe haipuie maoli a pau, ua hoomanao lakou i ka la sabati, e malama hoi ia la, e hoano ia. Aole lakou e molowa; aole luhi iki—aka ua ikaika loa lakou.— Ua ikaika loa lakou i kn malama i ke Akua, aole molowa kekahi poe, e like me na kanaka ma ka honua nei. Hoomana'ku la lakou i ke Akua me ko lakou naau a pau a me ko lakou ikaika a pau i ke ola pau ole. Pomaikai loa lakou. Aole kekahi mea ino ma ka lani; aole mai; aole pouli malaila; aole hoi make kukui, a me ka malamalama 0 ka la, no ka mea, na ka Haku na ke Akua no e hoomalamalama ia lakou, a e lilo lakou i alii mau loa, i ke ao pau ole." Hoikeana xxii 5. O ka poe i malama ole i ka la sabati ma ka honua nei me ke pale wale aku i ka ke Akua kauoha, aole lakou e ola; aole lakou e lilo i ka lani e malama i ka la sabati mau malaila. E lilo lakou i ka po i ke ahi pio ole. Heaha ka lakou hana ana malaila? E kuai aku anei iakou, a e kuai mai no hoi e loaa ka waiwai? Aole waiwai ma ka po! E hoakoakoa anei lakou i ka hale paani, e hana lealea ? Aole hale i ka po. E halawai pu anei lakou i ka hale rama, e inu i ka rama, e puhi i ka baka, a e hoohiki ino kekahi i kekahi? Aole hale rama i ka po! Heaha ka lakou hana ana malaila? E hele anei lakou i ke kula, e heluhelu i ka palapala, a e loaa ke ano o kela pauku keia pauku? Aole kula i ka po; aole kumu malaila; aole palapala. E hoakoakoa ai anei lakou i ka luakini ma ka la sabati.? Aole luakini malaila, aole sabati; aole kahuna malaila; aole kekahi mea maikai malaila. He mea ino wale no. Pehea la uanei na kanaka e pakele ai i ka make mau loa, ke malama ole lakou i ka la sabati? ke mihi io ole lakou i ko lakou hewa? a ke manaoio ole lakou ia lesu Kristo? Aole paha lakou i pakele i ka make mau ke malama ole lakou i ka la sabati, i ka la kapu loa no ke Akua. Nolaila ua pono i na kanaka a pau, ke malama pono i ka la sabati, a ke malama i ka ke Akua kauoha a pau no;

hoi; malaila e pakele ai lakou i ka make mau loa; malaila no hoi e loaa ia lakou ke ola mau loa.