Ke Kumu Hawaii, Volume I, Number 1, 12 November 1834 — No ke Humu Hawaii. O KA PUNIWAIWAI. [ARTICLE]

No ke Humu Hawaii.

O KA PUNIWAIWAI.

[Na Fuller, i unuhiia e S. W.] He mea pono ia kakou e hoomanao

nui i ka mea a Iesu i ao mai ai i kanaka, "E manao, e malama ia oukou iho i ka puniwaiwai!" O ke kanaka a lesu i olelo ai ilaila, aole iia he aihue, he apiki, he mea hookaumaha aku i ka poe hune, aohe; aka peneia, "Ua nui mai la ka ai o ka aina o kekahi kanaka waiwai." Ka manao o ua kanaka la e loaa ia ia ka waiwai i mea e noho pomaikai ai i kona noho ana ia hope aku, aohe luhi, aohe kaumaha, aohe pololi, aohe hemahema, noho kino oluolu wale aku no. Pela paha ka poe i hapaiia'i c ka poe hewa, lakou ka i hoowahawahaia'i e ke Akua, Halelu 10. Ua loihi ko'u manao ana i keia hewa, a, ke manao nei no hoi au i ka puniwaiwai, oia no ka mea e make ai ka nui o ka poe e make mau ana noloko mai o na ekalesia o ka honua nei, no ka mea, oia no ka hewa nui e hiki no ke malama me ka hooki ole ia aku, mailoko aku o na ekalesia. Ina he inu rama kekahi hoahanau, he moe kolohe, he aihue, he powa, a he uhauha no hoi, ina no ua akaka, a ua kaawaleia e na hoahanau: aka e hiki no i ke kanaka ke aloha aku, a makemake aku, a malama aku hoi i keia ao ine ke akaka ole i na hoahannu he puniwaiwai ia. Ina aole i make ka hewa o ka naau kuhiko i ka lokomaikai o ka Haku a kaulia ma ke kea; ina no e ulu hou ai, a o ka puniwaiwai ka mea e hiki wawe a ulu mai. He manamana kekahi muliwai e kahe ana ka wai maanei a mao. Ina paha i paniia kekahi mana, e holo no ka wai ma ia mana aku a hohonu iho la; Me ia 1.0 hoi ka hewa iloko o ka naau o kanaka. Kekahi o na kanaka kahiko ua pau ka lealea o ka wa kamalii, aka, ua ikaika no ka puniwaiwai. E laa no kekahi ona ekalesia pono ole i ke Akua, ua waihoia aku ka inu rama, a me ka aihue, a ia hewa nui aku ia hewa nui aku; aka, e ulu ai no ka puniwaiwai a ikaika, a ua waihoia no hoi na mea a ke Akua, aole no i malamaia a hiki aku i ka la a ke Akua e hooponopono mai ai.