Ke Kumu Hawaii, Volume I, Number 1, 12 November 1834 — No ke Kumu Hawaii. KA HOPE O KA HOOPANEE MIHI. [ARTICLE]

No ke Kumu Hawaii.

KA HOPE O KA HOOPANEE MIHI.

[I unuhiia mailoko ae o ka buke o kekahi ka huna pule e S. W.] 1 keia mau makahiki i hala ae nei,

ua nininiia mai ka Uhane o ke Akua ma kekahi kulanakauhale ma ka aina o Nu loka. E noho ana no kekahi kanaka opiopio ilaila, nana i hooikaika, me ka manao, e imi io i ke ola no kona uhane. Ua hele no ia i ka hale pule, a me na hale halawai, e hoolohe i ka olelo a ka Haku. Pule aku no ia i ke Akua. Uwe iho la, a ninau aku la, He aha ka'u mea e hana'i i loaa ia'u ke ola? Nui no ka poe ma ia wahi ka i ae io aku i ka Haku, a hina ka naau o lakou, a paulele no maluna o lesu. Aka. o ua kanaka la, aole ia i mihi, he ue wale iho no i ka makau; aole hina kona naau; aole aloha; aole manaoio. Ua makau nae, ua pule; aka uahoopanee aku i ka mihi io ame ka ae pono aku ia lesu noloko mai o ka naau; a hala kekahi mau la ia ia nialaila, e noho ana no iloko o ke kanalua. A liuliu iho la manao no ia, e waiho au i keia imi ana i ka pono I keia manawa, a mahope aku, e mihi uu . 0 ka pule halawai ka i waiho mua ia. Hele no i ka la kapu, pule no; a liuliu iho ia ua ikea aole ia i launa Mai I ka poe pule, a me ka poe hooikaika. A MAhope iho waiHo no ia i kekahi pule, alaila haalele okoa no i ka hale o ke Akua, a hele no i ka paani i ka la pule, a po ia la ia ia i ka paani. Hele aku no ia mai ia kulanakauhale aku a i kahi e, kahi i nui ole o ka poe pule, kahi lealea, ilaila e hoomakaukau ana na kanaka i ka hula. Manao ikaika no keia kanaka e hele i ku hula. Ua makemake loa ia. I ka la pule he!e no ia i ka hale hana a lilo no ia,i ka hana a po ia !a, me ka manao e hoomakaiikau i ka hula. I ka Poalua ua kauia mai la ka mai maluna ona. Kiiia 'ku ke kahuna lapaau a hiki mni ia, olelo aku la ka mai, E ke kahuna. e lapaau inai oe ia'u a ola, no ka mea, e hele ana au i ka hula i ka poalima. I aku la ke kahuna, E waiho oe ia manao, he kanaka mailoa oe. Pane aku la ua kanaka nei, Ua makaukau au; i ka hele i ka hula, e hele no wau. aole e pono ke waiho. E lapaau ana oe ia'u a ola i keia mau la. E noho ana no kekahi kumu, ia ia ka pule ma ia kulanakauhule, a lohe, ua mai nui o ua kanaka la. I ka po aha hele no ia e ike e pule pu me ia, e hooikaika aku. Aole launa mai ka mai, ua lilo kona manao i ka hula, aole ike i ke kumu, aole manao, aole makemake i ka pule. A kakahiaka o ka lima o ka la hele mai kona kaikuwahine e ike, no ka mea, ua lohe ia, he mai ke kaikunane. I aku la ka mai ia ia, Ua hauoli loa au ia oe i ko hiki ana mai, no ka mea, e hele ana au i ka hula, a e hana oe i ko'u kapa a maikai. I ke awakea hele hou aku la ke kahuna lapaau e ike ia ia. Ninau aku la ka mai ia ia, Ea, pehea la wau '

E pono anei ia'u e hele i ka hula? Ua ola au. Ua pau ka eha. Ua ikaika au. Olelo aku ia ke kahuna, E waiho oe i keia manao. He mai nui kou: he mai make. I aku kela, E hele ana au i ka hula, he lealea ko'u ilaila: aole e pono ke hoole mai. Nana iho la ia i kona lima. Ninau aku la i ke kahuna, Heaha keia mea eleele ma ko'u mau lima? I aku la ke kahuna, O kou mai no ia, ua nui loa, ua make oe, aole e ola. Puiwa iho la ia i aku la, Aole paha, he wahahee kou. Pane aku la kela, Oia iho no ka'u i olelo ai ia oe, ua make oe, he mea wahahee ole keia. Aka iho ia ua kanaka nei i iho la, Aole, aole, he paani kau. Olelo hou aku la ke kahuna, Aole au paani, heaha ko'u pono ke hoomakau wale aku ia oe? Ninau mai la ka mai, He oiaio anei? E! no ke aha la oe i huna ia'u'? a olelo ole mai mamua. Ua olelo au ia oe mamua; i aku la au ia oe, He mai nui kou. Pela iho la ke kahuna. Nonoi aku la ka mai, E ke kahuna e, e lapaau mai oe ia'u,. I iho la ia, Aole e ua make oe. Kahea aku aole e pono ia'u e make, e kokua mai oe ia'u, aole au i makaukau i ka make. I aku la ke kahuna, E ka makamaka, aole e hiki ia'u e kokua aku ia oe. Alaila ue iho la ka mai, manao iho la no ia a me ka poe i ike mai, ua make. Ue no ia i kona uhane i ka make. Ua ike no ia, he hewa. Kahea aku la ia i ke kahuna lapaau, E pule oe ia'u. I aku la kela. Aole au i ike i ka pule. Olelo aku la ka mai, E kii i kekahi mea haipule e hele mai e pule ia'u. Kii aku no kekahi, a hoi mai, aole i loaa. He uuku ka poe pule ma ia wahi a ua pau i ka hele. Manao iho la ia i kana hana ino ana i ke kumu nana i hele mai e pule me ia i ka la mamua aku, a eha loa iho la ka naau. Manao no ia ua haalele inai ke Akua. e lilo a make ka uhane. la mau hora iho, i ka manawa e hula ana kona mau hoalealea, liele aku no ua kanaka la, iloko o ka ue nui, ame ka haalulu nui, i ka make. He oiaio no, "Ua oi aku ka hewa hope o ua kanaka la, i kona nohoana maamua."