Ke Kumu Hawaii, Volume I, Number 1, 12 November 1834 — HELU 1. HE OLELO HOOMOAKAKA I KA PAULO PALAPALA I KO ROMA. [ARTICLE]

HELU 1.

HE OLELO HOOMOAKAKA I KA PAULO PALAPALA I KO ROMA.

He mea ia e kokua i na kumu a me na haumana "Ai o ka La," a me na kula Bailala, a me ka poe a pau e imi ana i ke ano o ia palapala. Aloha oe e ka mea heluhelu: na ka Haku kaua e alakai. Ina e kokua mai ia ia'u, o ko'u manao e hoomoakaka i ke ano o keia palapala a Paulo i ko Roma. He pono ke imi pu, me ka noonoo ikaika, me ka hoopili ae i ke kahi olelo me kekahi olelo a ke A@, me ka pule aku, a me ka makemake e ike i ke ano, a e malama i ka io, a e hana hoi ina ke kauoha, me ka manao oiaio o ka ke Akua i olelo mai ai. Alaila makaukau kaua i ka ike. Alaila pomaikai io ko kaua mau uhane. Eia kekahi. E heluhelu naauao ae i keia palapala, a e hookaawale pono iwaena o ka olelo a ke Akua; ka mea nui, ka olelo hemolele, a me ko'u ma

nao, ka mea uuku, aole like kona pololei a me kona maikai me ko ke Akua. i ka wewehe ana i ke ano, e kakau no wau i kekahi olelo a ke Akua, a e hai aku i ke ano, ma ko'u manao paha, ma ka manao o kekahi poe.akamai paha, ame ka hoopili ana i kekahi mau olelo a ke Akua, e nana kaua i ka pili ana, ina he pono; e malama kaua i ka waiwai i loaa malaila. A i maopopo mai keia pono kela pono, ma ia palapala, oia ka kaua e hoopaa ai. Ina e kakauia ka olelo ninau no ka olelo io a Paulo, no ke ano paha i hoi keia, e noonoo pono oe i ka hua e pili pono i ka ninau. Pela paha e kokua ai keia hana a'u i na kumu a me na haumana ai o ka la, a me ka poe a pau e imi ana i ke ano o keia olelo. 0 ka unuhi ana i ka Paulo olelo i ko Roma, he mea paakiki ia, aka, ke hooikaika nei makou e hooponopono lea i ka unuhi ana, i like io ka olelo Hawaii nei me ka olelo Helene i ku pono ka manao i ole ai e hiki ia Paulo ke hoole mai, "Aole pela ko'u manao, aole pela ko ke Akua." O ke pai hou ana nei, aole e like loa me ka pai mua ana, aka, ua hoopono iki ae paha kela. A ina, i akaka ole ke ano ma keia pai ana, ame keia "olelo hoomoakaka," alaila e imi hou na kumu, a e hana a pono lea. Ke i mai nei Iesu, "Ina makemake kekahi e hana aku i kona makemake, e ike no ia i ka'u e ao aku nei." Na H. Binamu. Honolulu, Okatoba 23, 1834. Heaha keia olelo a Biaamu i kakau nei? He mea ia e kokua i ke aha? Owai la kana mea i aloha nei, a i paipai aei ma ia mau lalani maluna?