Ke Kumu Hawaii, Volume I, Number 2, 26 November 1834 — KAMAKAMAILIO 2. [ARTICLE+ILLUSTRATION]

KAMAKAMAILIO 2.

Wahou. Auhea oe Kekahiko. E paa mai oe i ke pani, a makia aku au i na ami. Kekakiko. A pau keia, alaila kanu kaua i ka uala, a me ka maia, a me ke kapiki, a me ke akaakai, i inea ai na kakou. W. Kahaha! Ka inoa he nui ka ai ma ka loi a me ka maia ma ke kuauna. Akahi kanaka manao nui i ka ai. K. Heaha hoi; o ka mea ia e ola ai ke kanaka. W. Eia ko'u manao. He nui ka ai a kakou, ame ka ia. A ina e hookupu mai ka mea nona ka aina, aole e nele ka aina. Aka, o kou kino he hele wale ia: aole kapa e uhi ai. Ue hemahema hoi ka hale, aole he wahi inea oloko, o na pa ipu wale no, a me na wahi moena Ke manao nei au e kanu i ka mea e kuai aku ui, a loaa mai i na mea e lako ai kaua. K. Aole paha e hiki, aole he awa ma Koolau nei e hiki mai ai ka moku haole A ina e halihali aku kaua i ka mea ai ma Kou, he pono ole no loihi. Pau e na mea ai i ka pala. W. E kanu hoi kaua i mea mama, pala ole, a lawe aku malaila. K. Heaha? W. 0 ka pulupulu

K. Auwe! me o ka luhi! W. Aole luhi loa. E waele ka mahakea a pau, kanu lalani iho. aole nae pilikia loa. I hookahi anana ke kaawale mawaena o na makalua anoano. Kiko iko la o Wahou ma ke one penei:— . . . . . . . . . . . . . . . . . . . . . . A olelo hou aku la, Pela e kanu ai. I hookahi anana, mai kekahi makalua a i kekahi makalua. I elima hoi anoano na ka makaiua hookahi. K. I ka manawa e kanu ai? W. Mawaena o ka hooilo, a pau ke poko. Ina paha e ua anu ika po, kakahiaka kanu. E kupu wawe no. ; A nahelehele wale aku. A ulu ae, i ka oloolo wawae paha, e uhuki aku i na laau iki a pau, koe hookahi wale no, ka mea nui a ikaika. K. Ahea waele hou? W. A i ka ulu hou ana o ka nahelehele. Eia kekahi mea nui; ina e kiekie ana ka laau a i ka umauma paha, alaila, ou i ka maka o na lala, o kiekie aunei aole e hiki ke lalau ae a ohi mai ka pulupulu. Eia kekahi inea, ina paha e make kekahi laau, pono e kanu hou. K. O ka nele hoi kekahi o ka anoano. W. Oia. O ko'u monao, e hele kaua e noi aku i ka mea pulupulu i anoano, na kaua e ohiki a hoihoi aku ka pulupulu na lakou, koe mai ka anoano na kaua. A ulu ka kaua. e lawe aku i ka haole, na lakou e ohiki. K. Pehea? W. He mea kaa ka ka haole, hiki wawe keia mea ia lakou ke hana. K. Pono io no la. W. Ke lewa pono nei anei keia pani a'u e hana nei? K. Ae. Pehea la e paa ai? W. "E hou ka puka ma ka laau ku, e papani aku ke pani, a hookomo i ke kui laau; a i kuai kaua i ka pulupulu, e loaa mai paha i ka lakapaa maikai. K. Pehea la ke kuai ana o ka pulupulu ? W. Eia ke kuai ana ma Honolulu, hookahi pika, he umikumamalima dala, no ka pulupulu wale no. K. Ina paha me ka anoano pu, aole i ohikiia, ehia dala o ke kuai ana? W. Hookahi pika, eono dala a me ka hapaha, a ina he paona, umikumamalua dala a me ka hapalua o ka paona hookahi. K. Ua like paha me ka iliahi?

W. Pela ke kuai ana ma ke kau paona, he puolo nui no hoi o k» pulupulu. O ko'u manao, aole luhi loa ka pulupulu e like me ka illahi; ua like me ka pa Iepo a kana i hana iho nei, he kokoke, aole hele ma kuahiwi loa e imi aku ai. K. Oiaio no paha la. Pono loa ka hoi ka pulupulu ke kanu. Ina hoi kaua e hele koke aku, a imi i ka anoano. W. Apopo no paha. K. E hoi kaua e paina.