Ke Kumu Hawaii, Volume I, Number 3, 10 December 1834 — NO KA ELEPANI. [ARTICLE+ILLUSTRATION]

NO KA ELEPANI.

O ka Elepani ka mea nui o na mea wawae eha a pau. Ina e ku kekahi kanaka maluna o ke poo o kekahi, alaila, like ko laua kiekie me ko ka Elepani. Ewalu kapuai ke kiekie o kekahi, a he umikumamalima ko kekahi. Aole i like ke ano o ka Elepani me Iko kekahi ilio e. Ua kiekie kona kua, a ua kuapuu; aole hoi i like me Kamelo. Ua nui loa kona kino; ua pokole kona ai, a ua nui hoi, ua palahalaha kona mau pepeiao aole nae i ku iluna, ua pili no i ke poo; ua uuku loa kona mau maka, e like paha me ko ke kao: ua nui loa kona mau wawae a ua loihi, a ua manamana hoi, elima no mana, ua pokole nae. He ano e wale no kona ihu, ua loihi loa me he laau la, a hiki loa ka nuku ilalo i ka lepo; a ma kela aoao, keia aoao o ka ihu, he niho nui loa. oia ka mea i oleloia he niho Elepani. Ua keokeo loa kekahi Elepani. aole nae i nui na Elepani keokeo, he ahinahina wale no ka nui. Ua manoanoa kona ili, a ua puupuu, a ua huluhulu Aia ma na ululaau o Inia kahi e holoholo ai, a ma Aferika no hoi kekahi. O na lau laawu a me na lala laau, a me na aa kana ai mea nui. E ai no hoi la 1 ka mauna me ka raiki a me E hiki wawe loa ke hoolaka i ka Elepani. Ina e manao kakou e hoola ka i na holoholona e, a laka loa, e pono no ke hana i ka wa uuku; aka, e hiki no ke hoolaka i ka Elepan i na manwa a pau i ka wa uuku, a i ka wa nui, a i ka wa elemakule no: a e hiki no ke ao koke aku ia ia, a hoolo he mai no ia i ka leo o ke kahu. Aole makemake ka Elepani i ka mehameha. ina i nui lakou, ka poe i noho pu, a hele pu, o ka lakou mea oluolu ia. Nolaila, ina i ikeia kekahi Elepani ma ka ululaau, ua maopopo i ka poe imi, ua nui no na Elepani kokoke mai, no ka mea, e hele pu wale no

lakou, i kekahi manawa he haneri no iakou ma kahi hookahi. He loihi ke ola ana o ka Elepani, he pokole ko ke kanaka. i : a oleloia, he haneri makahiki a me kanalima ke ola ana o kekuhi. He kakaikahi paha na mea i ola loihi pela; na nui na mea i hiki i ka haneri a me ka iwakalua o ka makahiki. Ua nui ka ka Elepani lawelawe ana, me kona ihu, ua uuku ka kakou lawelawe ana me na lima. Me ia no ia i hoiliili ai i kana ai, a hookomo no i loko o ka waha; a oia hoi kona huewai, a piha, ninini iho la no iloko o kona puu. Oia hoi kona pahikaua, a hiki ia ia ke hahau ikaika loa. Malaila no kona hanu ana, a me kona honi ana. E hiki wawe loa ka ka Elepani honi ana i ke ala a me ka pilau, a ua akamai loa i ka haha. Ina paha he iwakalua kanaka, a he ohia ko ke kahi maloko o kona eke. honi koke no ia, a kii aku e haha, a loaa no aole nalo. No kona akamai i ka haha ana, hiki no ia ia ke lalau i ka pine a me ke kuikele, a me ka hapaumi . a lawelawe no. Ina hakaka oia me kekahi holoholona e make no na holoholona a pau i kona mau niho nui ke ku. Me ia no e hiki ia ia ke hoolei iluna, a welu liilii ka bipi a me ka Liona a me ka Tiga. Aole mea ola ia ia, ke kuia i kona mau niho. Ina hana maikai ke kanaka i ka Elepani, he mea ekona laka,. a me kona lokomaikai. O na mea ulu wale no kana mea ai, nolaila, aole loa ia i luku aku i na holoholona i mea ai nana. Ua nui loa kona aloha i kona poe makamaka, a e malama no ia ia lakou maloko o ka eha a me ka make. A e hoomauhala no kekahi. aole loa e ole kona hoopai ana i ka hewa: aole e poina, e manao mau no. Ma Inia, a nie Aferika, he waiwai maikai loa ka Elepani. E hiki no ia ia na hana a pau ke ao ponoia. Nana no i kauo ka laau, no na moku, a no na hale; e hiki ia ia ke amo i na mea kaumaha loa, a lawe i kahi loihi; e wawahi no ia i ka hale kahiko, ke kauohaia; e kokua no hoi mamuli o ke kanaka i ka hemo ana o ka ukana o na moku, a e kauo i ka moku hou i kai, a hana no ia inea aku, ia mea aku ke ao pono ia.—Lama Hawaii.