Ke Kumu Hawaii, Volume I, Number 3, 10 December 1834 — KE KAAO NO IONA I ALEIA E KA IA NUI. [ARTICLE+ILLUSTRATION]

KE KAAO NO IONA I ALEIA E KA IA NUI.

He kaula no o lona e noho ana ma ka aina o ka Iseraela. Hiki mai ka olelo a lehova i ona la, i mai, "E ku ae oe, e hele i Nineva i ke kulanakauhale nui, a e hea aku ia ia, no ka mea, ua hiki mia ko lakou hewa iluna i ko'u alo." O ua Nineva nei, he kulanakauhale alii ia o ke aupuni o Asuria, a he poe kaua nui ko iaila poe alii a me na kanaka. Makau iho la o lona i ka hele malaila, o make. Ku ae la ia me ka manao e holo aku i Taresa, mai ke alo aku o lehova. iho iho la ia i Iopa; he kulanakauhale la o ka Iseraela ma kahakai, he awa no na moku. A loaa ia ia kekahi moku e holo ana i Taresa, ee aku la ia maluna e holo pu me lakou i Taresa.

Aka, huai mai la ka makani nui, mai o lehova mai ma ke kai, poi mai na ale, a ane poho ua moku ia. Alaila, makau ae la ka poe hooholo moku, a kahea aku la keia kanaka kela kanaka i kona akua iho, a hoolei aku la i ka ukana o ka moku iloko o ke kai, e hoolana ai i ka moku. Auhea o lona ia manawa make? E kahea ana ka poe hoomana kii i ko lakou mau akua. Aole anei o lona kekahi e kahea ana ia lehova ia manawa? Aole. Aia no ia iialo e hiamoe ana. Aohe ona manao, ua kokoke e make. Haalele kela i ke Akua, a ua haalele mai hoi ka Uhane o ke Akua ia ia; aka, aole ia i nalowale. Nona no ia makani i pa mai ai. Hele ae ke kahu moku ilalo io na la, i aku la, "Heaha kou manao, e ka mea hiamoe? e ala'e oe, e kahea i kou Akua; malia paha e manao mai ke Akua ia kakou, i ole e make kakou." I ae la lakou i kekahi i kekahi, "Ina kakou, e hookohokoho kakou, i ikeia ka mea nana i hiki mai ai keia ino maluna o kakou." Hookohokoho ae la lakou, a ua kohoia o lona. Alaila, i ae la lakou ia ia, "Ea, e hai mai oe ia makou, Nowai la e kau mai ana keia ino maluna o kakou. Heaha kau oihana? Nohea mai hoi oe? Owai kou aina a me kou hanauna kanaka?" I mai la o lona, "He Hebera no wau, a ke makau nei au ia lehova i ke Akua o kalani, nana i hana ke kai a me ka aina maloo.'' Alaila makau loa ihola na kanaka o ka moku, i aku la ia ia, "No ke aha la oe i holo mai nei mai ke alo o lehova?" I aku la hoi lakou ia lona, "Heaha ka makou e hana aku ai ia oe, i malie ai ke kai no kakou?" I mai la o lona. "E kaikai oukou ia'u iluna, a e hoolei aku iloko o ke kai; pela e malie ai ke kai no oukou: no ka mea, ke ike nei au, no'u nei no keia makani nui malu na o oukou." Aka, hoe nui ae la lakou e pae hou iuka, aole nae i hiki, no ka mea, ua nui loa ka ale i ka makani ikaika. Nolaila, kahea aku la lakou ia lehova, i alui la, "E lehova, ke nonoi aku nei makou ia oe, mai kuu oe ia makou i ka make no ke ola o keia kanaka, aole hoi e hooili maluna o makou i ke koko hala ole." Alaila, kaikai ae la lakou ia lona, a kiola aku la ia ia iloko o ke kai, a malie iho la ke kai i kona aleale ana. Alaila, makau nui loa iho la ua poe kanaka la ia Iehova, mohai. aku la hoi lakou nana, a hoohiki aku la ia ia. Aka, hoomakaukau iho la o Iehova i kekahi ia nui, a ale iho la ia ia Iona: a e waiho ana o Iona iloko o ka opu o ka ia nui, ekolu ao ekolu po Pule aku la o Iona ia Iehova mailoko mai o ka opu o ka ia nui i ka pule mihi.

Alaila, olelo mai la o lehova i ka ia nui, a luai mai la ia ia lona ma ka aina.