Ke Kumu Hawaii, Volume I, Number 4, 24 December 1834 — Untitled [ARTICLE]

Lahaina, Detemaba 6, 1834. Ke hai aku nei au i kekahi hakaka a ko Borabora kanaka ma keia wahi. Ku mai la kekahi moku o kohola, o Generale lakesona ka inoa. O Kemika (Capt. R. Smith) ke aiii o ka moku. I ka la 16 o Novemaba e kuai i ka ai a me na mea hoi e ae. Haalele iho la ia ia na kanaka Borabora elua me ka manao, e noho loa maanei. Olelo aku la ua mau kanaka la i ke alii o ka moku, "E hookaa mai oe i kau aie anaia maua, no ka mea, aole loa maua e holo hou aku me oe. "Olelo mana ke alii o ka moku ia laua. "Alia, a hiki aku kakou ma Amerika, no ka mea, pela kakou i hoolimalima ai. A ina e haalele oluaia'u, alaila aole loa au e uku aku ia olua." Nolaila huhu loa ua mau Borabora la a ohumu pu aku la me na Borabora e e hoohalua a e lalau ia ia. Hoohalua no iho la lakou, aole i lalau ia ia, no ko lakau makau paha, aka hapai ae la lakou i kona waapa a lawe aku la iuka. Holo wikiwiki kekahi kanaka, a hai aku la ia Hoapili i ka lakou hana ana Kauoha mai la o Hoapiii i kona poe kanaka, e hele koke a e hooki ia lakou, a e hoihoi i ka waapa. la, ke hookolokolo aku nei au ia lakou,

penei, O ua mau Borabora la elua, i haalele i kou moku, na'u ehoopaa ia laua i ka hao, iloko o ka papu, i na la a pau au e noho maanei. A holo kou moku, na laua e hooponopono i ke alanui, ma Launiupoko a hiki ma Olowalo. O nai Borabora e kekahi, ka poe i hana hewa pu me laua, ke kauoha aku nei au ia lakou, e haalele loa i keia wahi, i keia manawa a me keia manawa, a na moku, e ku mai maanei." 0 ko'u manao, aohe uuku ka hewa ma keia hana ana. Ina e aihue na kanaka i ka waapa, mamuli paha olohani lakou a e lilo kekahi moku ia lakou. Eia kekahi manao. He hoailona keia, he mea e hoike ai i ka mana o na alii. Ina e haalele ia mau Borabora i ka Hoapili olelo a hoopai ole oia ia lakou, malaila paha e akaka ai ka hemahema o ke kanawai; aka, ina e hoopai pono ia lakou e like me ka Hoapili oleio, alaila maopopo ka hiki ole o na kanaka ke hoowahawaha i na'lii. Aole nae au i ike pono i ka hope o keia mea. A.C