Ke Kumu Hawaii, Volume I, Number 4, 24 December 1834 — HKLU 7» [ARTICLE]

HELU 7.

KA EPISETOLE A PAULO I KO ROMA.

MOKUNA l-2.-PAUKU 3»-»-1~3. Dek. 22—28. 29 Ua piha lakou i na hewa a pau, i ka moe kolohe, i ka opuinoino, i ka puniwaiwai, a me ka hauaino; ua. paapu hoi i ka huahua, i ka pepehi kanaka, i ka hakaka, i ka hoopunipuni, a me ka manao ino; 30 . he poe aki, he poe, olelo hoohe-

wa wale, he poe inaina ke Akua, he poe kuamuamu, he he haaheo, he haanui, he poe imi i na mea ino, he poe malama ole i na makua; 31 he poe hoohemahema, he poe lawehala i na mea i hoohikiia, he poe aloha ole, he poe makona, he poe lokoino; 32 ua ike lakou i ke kanawai o ke Akua, o ka poe e hana pela, he pono lakou e make, a ke hana nei no lakou ia mau mea, a ua mahalo no hoi i ka poe e hana ana maiaiia. MOKUNA ii. 1. Nolaila hoi, e ke kanaka, ka mea nana e hoohewa aku, aole ou mea e hoaponoia'i, no ka mea, i kon hoahewa ana i kekahi, ua hoahewa oe ia oe iho; no kau hana ana i na mea au i hana hewa aku ai. ' 2 Ua ike no kakou ma ka pono ka ke Akua hoahewa ana mai i ka poe e hana ana ia mau mea. 3 E ke kanaka, ka mea nana e hoohewa i ka poe e hana pela a ke hoohalike oe me lakou, ke manao nei anei oe e pakele i ka ke Akua hoohewa ana mai? KA HOOMOAKAKA ANA . 29 Ua piha, ua paapu loa i na hewa na kanaka i malu ole i ka olelo a ke Akua. I ka moe kolohe. Moe i ka hai. Haalelo i kekahi, moe i kekahi— aole nialama i ka oihana mare. I ka opuinoino, i ka huhu, i ka inaina, i ka manao e kolohe ia hai. i ka puniwaiwai, i ke kuko hewa i ka hai waiwai, me ka makemake nui i ke kala a me ke gula. I ka huahua, ka pono ole o ka naau i ka pomaikai o kekahi. ' I ka pepehi kanaka-i ka powa, i ke umi kamalii, i ka pepehi hala ole, i ka pepehi huhu, me ka manao hewa. He nui hoi ka hakaka, a me ka wahahee a me ka manao hewa o ka poe malu ole i ka olelo a ke Akua. 30 Ua aki ia hai, ua wahahee malu i kekahi, a wahaee ma ke akea, a ua hoowahawaha me ka huhu ia lehova, ana hailili i kanaka, ho hookano, e nana maka kiekie aaa, me ka hoowahawaha ia hai; haanui hoi me ka oiaio ole, aole hoi i lohe, a i malama pono i na makua; ua haalele a ua kiola kekahi i na makua e make.

31 Ua hoonaaupo, a me ka hoohemahema, a ua haalele i na mea i ae likeiaʻi ua pale i na berita a lakou i hoohiki ai, - aole ku paa me ka oiaio o ka lakou olelo, he aloha ole, me he mau makuawahine la i pepehi i ka lakou mau keiki iho; he poe hoomauhala, huhu mau, aole e hoolauleaia a launa hou; aole lokomaikai me ke ahonui, o ka lokoino ka maopopo. 32 Ua ike hoi, maloko o ko lakou naau iho, i ka maaao paa o ke Akua, peneia. "O ka poe i lilo ma ia mau hewa he pono lakou ke hoopaiia," a me ia ike, hana no lakou malaila, a ua hoapono aku i ka poe e hana hewa ana peia. Malaila ua maopopo lea ka hewa nui oka naau o na kanaka malu ole i ke kanawai o lehova. ii 1. No ia mea, he hewa io keia kanaka kela kanaka, o ka ludaio, a' o ko na aina e, ke hoahewa ia mau hana, a hana pu hoi malaila, aole o ke kanaka mea e hoaponoia'i, no ka mea, ua ike ia i ka hewa, a hana no malaila, me ka ike. 2 He maopopo hoi ia kakou ka pololei o ko ke Akua hoopai ana i ka poe i hana hewa pela me ka ike. 3 A o ke kanaka ike, a i hoohewa aku ia mau hana, a hana hoi ia malaila, aole ia e pakele i ka hoopai ana, ika'wa e hoohewa mai ai ke Akua i ka poe hewa a me ka poe hookamani wale. HE MAU NINAU. O na kanaka hea i hoomaopopoia ma ia mau pauku? 29 Heaha ke ano o ka poe i malu ole i ka ke Akua olelo? Heaha ko lakou mau hewa i kakauia ma keia pauku? 30 Heaha ko lakou hewa i hoikeia'ma ke 30? 31 Heaha ko lakou mau hewa make 31 ? 32 Ike lakou i ke aha? Mahea la ia kanawai o ke Akua, ia manao paa paha? Mahalo lakou ia wai? ii. 1. Pehea la e hoaponoia'i ke kanaka nana i hoohewa aku i ka hewa a hana hewa no ia pela? 2 Pehea ko ke Akua hoopai ana ia mau hewa? 3 E pakele anei ka mea hoohewa, ke hana ia ma ka hewa?