Ke Kumu Hawaii, Volume I, Number 8, 18 February 1835 — Page 63

1835.) KUMU HAWAI I . 63

ia kakou, penei e pule ai, "Mai hookuu oe ia makou i ka hoowalewaleia mai." A i pono ia kakou ke pule pela, e malama hoi ia kakou, mai hele iki ma ia mau wahi. E hookaokoa oukou i ka poe nana oukou e alakai ilaila. E holo oukou mai na wahi aku o ka poe inu rama, a me na wahi o ka poe moe kolohe, a me ka poe uhauha. Mai hoopa iki aku i ka mea haumia. O ko lakou alanui, ua alakai aku ia ilalo i ka po, a o ka poe e iho iho ilaila, aole loa lakou e puka hou mai iwaho?

NO KE KIAI ANA I KA NAAU.

                E kiai mau oukou i ko oukou naau iho. E hookolokolo ia oukou i kela la i keia la i na manao ana o ka naau, na olelo a ka waha, a me na hana a ka lima. E hoomaemae i ko oukou naau imua o ke Akua, i na manao hewa, i na lia hewa a me na kuko hewa a pau. O ka mea naau maemae, ua kapaia oia e ka Haku, "he pomaikai,'' "no ka mea, e ike auanei ia i ke Akua.'' Aka, ke i mai nei ka olelo a ke Akua. A i maemae ole ke kanaka, aole loa ia e ike i ka Haku; oia hoi, aole ia e ola. E makau e hikilele oukou i na hanahewa a pau, a me na manao ino o ka naau. Ua lilo ka naau o ka poe haipule i luakini e noho ai ka Uhane o ka Haku, a ua laa hoi ko lakou mau lala a pau nona. He pono anei e noho ka mea haumia iloko o ka luakini o ka Haku? He pono anei e hoolilo i na mea laa nona, i mea kokua mamuli o ka hewa? Aole loa. Aole loa e noho ka Uhane Hemolele iloko o ka naau i piha i ke kuko hewa a me ka haumia. Nolaila, e na hoahanau, e kiai oukou, me ka hoomaemae iho i ko oukou naau, i lilo ia i noho ana no ka Uhane, a i makaukau hoi oukou no ka hiki ana mai o ka Haku, i kona manawa e kii mai ai ia oukou e lawe aku. "No ia mea ea, e na hoahanau, i hooiaioia ko oukou heaia mai a me ko oukou koho ana; no ka mea, ina e hana oukou i keia mau mea, aole loa oukou a haule.'' ''Pela e hookomo lokomaikaiia'ku ai oukou iloko o ke aupuni mau loa o ko kakou Haku e ola'i, o Iesu Kristo. Amene.'' A. B.

NO KO KE AKUA IKE.

                Kena kekahi makuakane i kana keiki, he haumana no ia ma ke kula Sabati, i aku la,
                "E lawe aku oe i keia mea mao."
                I mai la ke keiki, "O ka la kapu keia."
                Olelo hou aku la ka makuakane, penei,
                "E uhao paha ia mea iloko o kau eke i ike ole ia."
                Pane hou kela keiki, "E hiki no i ke Akua ke nana iloko o ka'u eke."

NO KA MEA AIHUE I KE KULINA.

                "Ke nana mai nei ke Akua ia'u."
                Ua oluolu ka poe aihue i ka waiwai ke ike ole ia oukou e kanaka. Ua lohe au i keia olelo. O kekahi mea nana i aihue pinene i ke kulina a kono hoalauna, kono aku oia i kana keiki kane, ewalu paha kona mau makahiki, e aihue hou.
                I mai la ka makua, "E ka'u keiki, e mao ike mai paha kekahi ia kaua.''
                Alaila pii aku oia maluna o ka pa i nana pono mawaena o kela lalani keia lalani o ke kulina, aka aole ia e ike i kekahi kanaka. A lele iho la mai luna o ka pa, a haule ilalo, a lalau i ka hinai, a hoomaka i kana hana hewa ana.
                I aku la ke keiki, "E ka makuakane, ua poina paha ia oe i kekahi aoao, aole i na
                Puiwa ae la ua kanaka la, a hoolei iho la ka hinai, me ka manao, ua ikeia mai ia e kekahi, a ninau mai i ke keiki, "O ka aoao hea?"
                I aku la ia, "Ua poina ia oe ka aoao maluna, o ka lani, aole oe i nana. Aia no ke Akua malaila e nana mai ia oe.''
                A lohe ka makua i keia olelo ana mai a kana keiki, makau iho oia, a haalele iho la i ke kulina, a hoi aku la i kona hale, aole i manao e aihue hou ma ia hope mai; no ka mea, ua hoomanao pono oia i ka mea a kana keiki i papa mai ai ia ia, i ko ke Akua nana mau ana mai ia kakou.
                "Ke nana mai nei ke Akua ia'u,'' he mea keia e papa mai ai i ka kakou hana hewa mau, ke manao pono ia.
                E ka Haku, ua ike no oe i na mea a pau. Ioane xix. 17.
                Ua ike no i ke Akua kana hana a pau mai kinohi mai. Oiha. xvi. 18.
                Aole mea nalo i kona maka, aka ua weheia, a ua akaka loa na mea a pau i ka mea ia ia kakou e hai aku ai. Heb. iv 13.
                Ua oi aku ke Akua i ko kakou naau, a ua ike oia i na inoa a pau. 1 Ioane iii. 20.
                Ua ike mai no ka Haku i kona poe ponoi. 2 Tim. ii, 19.
                E hoakaka na mea i uhiia a pau, aohe ko- e, a e hoikeia na mea i hunaia a pau, aohe koe. Mat. x. 26.
                He Akua ike o Iehova, nana no i kaupaona na hana. 1 Sam. ii. 3.
                Mai hoohewa e i kekahi mea a hiki mai ka Haku, nana no e hoomaopopo mai i na mea i hunaia ma ka pouli, a e hoike mai hoi i na manao o na naau. 1 Kor. i. 5.
                Ke nana nei o Iehova i ka naau. 1 Sam. xvi. 7.
                Kau pono mai ka maka o Iehova i ka aoao o ke kanaka, ua ikeia no hoi kona aoao a pau. Sol. v. 21.

MA RE.

                Feb. 5. Ua mare ma Waialua nei, o Alebereti Robaki, (Albert Robinson,) haoli, me kii, ke wahinekanemake a Pai. Na Emekona i mare. J. S. E.

MAKE.

                Ua make ma Ferani, Mei 20, 1834, o laila Lunakoa nui o Lafate. He kaulanaolelo naauao loa ia. He kakaolelo akamai. He lunakaua koa loa. He mea ku e ia Bonepate a me na'lii hooluhihewa i kanaka. He mea ia i aloha i kanaka i hooluhihewaia ma na aina pau. He kokua no Amerika Huipuia i ka wa e ku okoa ai. Ua aloha nui ia e ko Amerika, a me ko na aina e, no kona imi ikaika ana i ka mea e malu ai ke kino o na lahuikanaka.
                Ua make ma Waialua nei i ka malama o Ianuari umikumamahiku mau kanaka. Hookahi wale no ke keiki i hanauia mai. Pela i hai mai ai o Gideona Laanui.