Ke Kumu Hawaii, Volume I, Number 9, 4 March 1835 — Page 66
66 KUMU HAWAII (MARAKI.
Pehea kona lauoho i ka hooilo, a ike kau hoi?
Mahea kahi i noho ai ka Reinadia?
Heaha ka waiwai o ka Reinadia?
Heaha kana mea ai?
Heaha ka ai a kona kahu?
Heaha ke ano o ka limu ma Lapelani?
Ina e laweia ka Reinadia i na aina e, pehea ia?
E hiki anei ia ia ke noho ma na aina wela?
Owai na kanaka waiwai a me na kanaka hune ma Lapelani?
Ehia ko lakou mau Reinadia?
Pehea ka like a me ka like ole o ka Reinadia, a me ka Dia maoli?
Owai ka mea e kauo i ka hoolua o kanaka ma Lapelani?
O ka mooolelo no ka Reinadia he mea ia e ao mai i ke aha?
HE UI MISIONARI.
E nana i ka aoao 58.
HAKINA 7.
No ka pono o ka hoolaha ana i ka olelo a ke Akua a puni ka honua.
1 He mea pono anei, a he mea hewa paha ke hoolaha aku i ka olelo a ke Akua iwaena o ka poe naaupo?
He mea pono no; na ka poe Kristiano e ao aku i kanaka a pau ka i ike ole ia Iehova
2 Nohea mai ka pono o ia mea?
No ke aloha mai, oia kekahi, "E aloha oe i kou hoalauna e like me oe iho." A o ke kauoha mai a Iesu ka nui. "E hele hoi oukou e hoohaumana aku i kanaka o na aina a pau; - E ao hoi ia lakou, i malama lakou i na mea a pau a'u i kauoha aku ai ia oukou.''
3. Heaha ka maikai nui o ka olelo a ke Akua?
Malaila i hoopomaikaiia'i kanaka i keia ao; a ina oiaio ko lakou huli ana i keia mea, e loaa ia lakou ke ola no ka uhane i kela ao pau ole.
4 Pehea la e hoopomaikai ai ka olelo a ke Akua i ka poe naaupo ma ke ao nei, ke loaa ae ia lakou?
Ua hoike ae la ka olelo a ke Akua i ka lapuwale o ka mohai ana o ka poe naaupo, a me ka hooeha ana i ko lakou kino iho i mea e hoola'i ka uhane, a me ka hoomana ana i na kii. Ua hoolaha no ia i ka ike, a me ka hooponopono ana o kanaka; he pono ia lakou ke aloha aku kekahi i kekahi; he mea oluolu ua olelo la i ka wa e hoohihiaia ai, a oia hoi ka mea e hoolana ai ka manao i ke ola mau loa.
5 Pehea la e hiki ai i ka olelo a ke Akua ke hooikaikai mai i kanaka i kela ao pau ole?
Ua hoike mai ia i ka aoao o ke ola.
6. Pehea la?
"E manao oiaio aku ia Iesu Kristo, alaila e ola oe'' Oih. 16 - 31.
7 No ke aha la ka manaoio ka mea e pono ai?
No ka lilo ana o kanaka a pau i poe hewa, a pono ia lakou ke loaa mai ke kala ana o ka hala; a o ka manaoio wale no ka mea e loaa'i.
8 Aole anei i ao mai ka palapala a kekahi poe ike ole ia Iehova i ka aoao o ke ola?
Ua pau ka lakou ao ana i ka wahahee; aia wale no ka aoao oiaio ma ka olelo maikai a ke Akua.
9 Pehea ka hopena o ka poe ike ole i ka olelo maikai, aole hoi i hoolohe aku?
Penei mai ka olelo a ke Akua; "O ka mea e manaoio, - e ola no ia, a o ka mea i manao ole mai he oiaio, e hoehewa oia" Mar. 16—16. "Pehea lakou e manaoio aku ai i ka mea a lakou i hoolohe ole ai?" Rom 10-14.
10 Aohe anei he mea hoopono i ka poe ike ole ia Iehova ma ka naaupo ana?
I mai o Paulo; "O kana mau mea i ike maka ole ia, oia hoi kona mana mau, a me kona akua ana; ua maopopo ua mau mea la mai ke kumu mai o ka honua nei ma ka manaoio ana i na mea i hanaia; nolaila, aole o lakou mea e hooponoia'i." Rom. 1-20. "O na mea kanawai ole a pau i hana hewa, e make kanawai ole lakou." Rom. 2-12.
11 Inahea i mai ai Iesu e hai aku i ka olelo maikai i kanaka a pau?
I kona pii ana ae iluna i ka lani; o ka hopena ia o kana ao ana i kanaka.
12 Pehea la ia kauoha?
Penei; "E hele aku oukou i na aina a pau, e hoike aku i ka olelo maikai na ko ke ao nei a pau loa." Mar. 16-15.
13 Ia wai la i haawiia mai ai keia kauoha?
I ka poe haumana a Iesu.
14 Aole anei i pili ia lakou wale no?
Aole; no ka mea, he poe uuku lakou, aole loa i hiki ia lakou ke malama pono i ua kauoha nei. Ua kakauia kela olelo i mea e ao mai i ka poe ike i ka olelo a ke Akua i keia manawa e noho nei, a ma keia hope aku no hoi. Ua nele hoi ka poe naaupo i keia manawa i ka olelo maikai ole.
15 Owai la ka pono i keia manawa e noho nei ke hooikaika ma ka malama i keia kauoha?
O na kanaka a pau loa ka i loaa ia lakou ka olelo maikai: a na ka poe kahuna pule nui.
16 Pehea la e hiki ai i ka poe kahuna pule ke malama malaila?
O ka waiho wale i ka lakou iho, a me ka hele aku i na aina naaupo e ao aku i ka olelo a ke Akua, a me ka hooikaika hoi i kela mea keia mea e kokua aku mamuli o ia mea maikai.
17. Heaha ka ke Akua olelo hooluolu i ka poe kahuna pule ka i malama i keia kauoha?
"O ka mea a pau i haalele aku i na hale, i na hoahanau, i na kaikuwahine, i ka makuakane, i ka makuwahine, i ka wahine iho, i na kamalii, a i ka aina no ko'u inoa, e loaa ia ia kekahi haneri o ua mea la, a me ke ola mau loa." Mat. 19-29. Eia hoi e noho mau loa au me oukou a hiki aku i ka hopena o keia ao." Mat. 28-20.
l8 Pehea la ka poe e ae, ke loaa ia lakou ka olelo maikai?
He pono ia lakou ke haawi nui aku i ka lakou waiwai i mea e mahuahua ai ka poe kahuna pule; i mea hoi e lako ai ka poe kahuna pule; i mea noho ana ma na aina naaupo, a pono hoi e pule mau no lakou.
19 Heaha ka ke Akua olelo hooluolu i ka poe hoomahuahua ae i ka pono?
"O ka mea lokomaikai aku i ka mea nele, ua haawi aku la oia ia Iehova;
A o ka mea i haawi aku ia ia ia,
Nana no ia e hoopai mai." Solomona 19-17. "E haawi aku no hoi, me ka manao ole aku i ka uku, a e nui no auanei ko oukou uku." Luka 6-35. "E haawi aku, a e haawiia mai ia oukou." Luka, 6-38. "O ka mea e haawi mai i ke kiaha wai huihui e inu, - no ka mea, he haumana ia, oiaio ka'u e olelo aku nei ia oukou, aole loa oia e nele i kona uku." Mat. 10-42.
20 Ehia makahiki mai ke kauoha ana mai o Iesu i neia mau mea na ka poe Kristiano e hana?
Ua hala aku na makahiki hookahi tausani awalu haneri a keu, mai ka manawa a Iesu i kauoha mai ai i ka poe a pau i heaia ma kona inoa, a na lakou no e hoolaha aku a hiki i na kihi o ka honua nei.
21 A ma kela manawa mai, aole anei i nui ka poe i make me ka lohe ole i ka inoa o Iesu?
Oiaio no; kanaono hanauna kanaka a keu i make; ua hoi hou ko lakou poe uhane