Ke Kumu Hawaii, Volume I, Number 9, 4 March 1835 — MARE. [ARTICLE+ILLUSTRATION]

MARE.

Honolulu, Feb. 18. Ua mareia e B. o Robert Hatheway me Laia, no Maui. Ua mareia ma Ewa, Feb. 25, e ka Mika o Pelika Hakawai, (Felix Hathaway,) haoli no Honolulu, me Kahawahine, ma Waiawa.

Honolulu - I ka la 21, o Feberuari nei, emo ole ka make ana o Lota Kauloawaiwi, ma Honolulu nei. Aole ona mai. Aole i ikea kona nawaliwali ana. E hana ana ia i kana hana. Hina koke iho la. O ka make no ia. Koe mai kana wahine, a me na keiki ewalu. Ua bapetisoia ia Iune 19, 1831. Ma kona make ana, ua hoomaopopo mai ke Akua he pono ke noho makaukau kakou, i pomaikai ka uhane ke hiki wawe mai ka make o ke kino. I ka la 25 o keia malama, make kekahi hoahanau ma Honolulu nei, o Richard Kalaaiaulu, he kanaka paipalapala. Ua komo ia i ka ekalesia maanei Dekemaba 4, 1825, i ka wa i komo ai o Kaahumanu, a me Namahana a me Kalaimoku ma. O ka mua ia o ke komo ana maanei. Noho ekalesia o Kalaaiaulu i na makahiki eiwa; eia ka umi. Aole makou i ike i kona hihia ana. Ua ike makou he paahana molowa ole ia, he hoalauna oluolu, he kane lokomaikai, he makuakane aloha, he hoahanau malama i na oihaoa, e hele ana me ke ahonui, e manao ana ia Iesu Kristo i kona mea e ola'i. Oia kona ano i ko makou nana ana ia ia, a loaa ka mai, a pau ka hanu. O ke kuni, o ke kumu, o ka wela ma ke ake mama, o kona mai ia. A i kona nawaliwali ana, noi mai ia i kana kumu e pule nona, me ka hoakaka mai i kona manao hilinai ma ke Keiki a ke Akua. O ka ha ia o na mea i make o keia poe ewalu i komo mua maanei. I ko kakou manao aku ia kokooha, ua hele pomaikai lakou i ka Ekalesia nui maluna, ma kahi e malu mau ai ia leau. He pono no kakou e hoomakaukau koke e hahai aku i ka poe i hele e i ka lani; e paulele maopopo ko kakou naau ma na mea maluna, aole na mea o ka honua.