Ke Kumu Hawaii, Volume I, Number 10, 18 March 1835 — Page 74
74 KUMU HAWAII. (MARAKI,
I ka emi ana o ka honua, ike aku la au i ka mahina ua nui loa. Ninau aku la au i ke ohokui i ke ano o ia mea: i mai la kela, "E holo ana kaua i ka mahina, a ua kokoke ilaila." He oiaio no, hiki koke aku la maua i ka mahina, a ike aku au, he honua okoa no ka ia e like me ko kakou honua e noho nei ; me na kuahiwi, na muliwai, na moana, a me na kanaka e noho ana malaila. Ua like na mea malaila ma kau wahi me ko ka honua nei, a ua like ole ma kau wahi. A manao iho la au, ua like ka hana ana kanaka olaila me ka na kanaka o ka honua nei. Aka, aole au i lohe iki aku i ka lakou olelo ana, aole hoi lakou i ike mai i ka'u i olelo aku ai. Nolaila, haalele maua i ka mahina, a i aku la au i ke ohokui, "E haele kaua e ike i ka la." I mai la kela, "Ka! he oho wale no au, a he ahi kela, e pau paha uanei au i ka wela.'' A hele ole no maua i ka la.
I ko maua hiki ana i ka mahina, ua like ka nana ana mai i ka honua nei, me ka kakou e nana aku nei i ka mahina. He poepoe no ka honua ia lakou, a he mahina hoi. Hoomalamalama aku la ka la i ka honua, a laelae ka honua, a hoomalamalama ae la ia i ka mahina, e like me ka ka mahina e malamalama mai nei ia kakou ma ka honua nei.
I ka hoi hou ana mai ma ka honua, ua ike au, i ka manawa i malamalama ai kekahi aoao, ua pouli hoi kekahi aoao o ka honua. I ka napoo ana o ka la, ua like no ia ia kakou me ka pio ana o ke kukui ; aka, aole i pio ka la, e hoomalamalama ana no ia i kela aoao o ka honua, a ua pouli ko kakou aoao. E laa no hoi kela aoao, i ke kau ana o ka la maluna o kakou.
A hiki mai la maua a kokoke i ka honua, a ikeia iho la o Bosetona, paipai aku la au i ka ohokui i kona manao e poai i ka honua, i aku hoi au "O kaua pu paha mai kela, "Aole au i loli hou i kuu manao, aka e haele kaua mamua i ka welau akau, a i ka welau hema o ka honua; mahope iho, e ike kaua i na wahi e ae.
Alaila maua i hele aku ai; - lele ae la maua maluna o Nuhamesire, a me Kanada, a me ke kaikuono o Bafina, a mahope ike wale iho no au i na aina paapu i ka hau, e waiho neoneo wale iho ana. Aohe kanaka, aohe holoholona ma ia mau aina anu. O ka bea keokeo, a me ka hau wale no ke kanaka, a me ka makani e uwo ana.
Haalulu iho la au i ke anu, a noi aku la au ia Keohokui e hoi. Alaila, lele iho la ia mailuna iho o kuu poo, a noho aku la maluna o kekahi puu hau kiekie. I mai la kela ia'u,
''E Mika Pale, E ae pono mai oe ia'u i kekahi mea a'u e noi aku nei ia oe, alaila, e hoi pu kaua; aka i ole, haalele loa au ia oe i keia wahi anu, a e hoi wale aku oe ma kou mea e hiki ai. E malama pono mai oe ia'u ma keia hope aku. E hanai mai ia'u i kela la a i keia la i ke poho a me ka aila, a e kahi pinepine mai ia'u.''
E haalulu nui ana au i ke anu, a ae koke aku la au i kana mea a pau i noi mai ai. Lele hou mai la kela maluna o kuu poo, a hoi hou mai la maua. Lele aku la maua maluna a Amerika akau a o Amerika hema; e like me ka lele ana o ka uila ka hiki wawe o maua i ka welau hema o ka honua. Ua like ke anu o neia wahi me ko kela welau. Nolaila, aole maua i noho iki, aka hoi hou mai la i Bosetona.
NA INIKINA O AMERIKA AKAU.
Mahope, lele hou aku la maua e ike ia Kina i ka aina o ka Pake. Aia no ia aina ma kela aoao o ka honua e ku pono ana i Amerika. E hiki no i ka moku ke holo malaila, ma ka moana Atelanita a poai i ka aoao hema o Aferika, a holo aku, i ka hikina ma ka moana Iniana, a ke kai o Kina, a ku ma Makao. E hiki no hoi ia ke holo a poai ia Amerika hema ma Kepa Hone, holo aku no a Hawaii, a mai Hawaii aku e lilo i ke komohana ma ka moana Pakifika, a ku hoi ma Makao. No kuu makemake e ike i ka Pakifika, lele no maua ma ka lewa, a holo i ke komohana.
Aole i emo, a hala hope o Amerika akau. Ike no wau i na Kuahiwi Pohaku o Amerika Akau, me na hale ili o ka poe Inikini, a me Kolumebia Muliwai. Alaila, ike hoi au i ua moana nui la, o Pakifika. He umi na tausani mile o kona laula, mai Amerika aku a Kina.
NA INIKINA O AMERIKA HEMA.
I ko maua holo ana maluna o na ao, ike iho la au, he makani e hoa-