Ke Kumu Hawaii, Volume I, Number 11, 1 April 1835 — Page 86

86 KUMU HAWAII. (APERILA.

                21 Heaha ka waiwai a me ka pomaika mamuli o ka hewa, mamuli o na mea a na haumana pono i hilahila io ai na mea a kanaka i hana'i ke kokua ole ia e Iesu? No ka mea o ka hope o ia mau mea he make mau no ia.
                22 Ano i ko oukou malama ana i ka pono, ua kaawale aku ka hewa, a i ko oukou kauwa ana na ke Akua, he waiwai io ko oukou, he maluhia, he pomaikai ano, ma ka noho pono ana, a o ke ola loa ka hope.
                23 A hoopai mai ke Akua i ka hewa i haalele ole ia, he make mau loa ka uhane, a o ka haawina a ke Akua i haawi mai i kana poe kauwa, i malama ia ia, o ke ola ia, (he makana, aole he uku maoli,) o ke ola mau loa ia, ma ka make a me ka pono o Iesu Kristo, ko kakou Haku. Rom. iii. 23; v. 1, 8.
 

HE MAU NINAU.

10 Ehia ko Iesu make ana?
Make hookahi wale ia no ke aha?
Ke ola nei ia no wai?
11 Heaha ka make o ka Iesu mau haumana no ka hewa?
E ola ana lakou no wai?
Heaha ko lakou ola ana no ke Akua?
12 Aole pono ke lanakila ke aha?
Aole pono ke hoolohe i ke aha?
13 Aole pono ke lanakila ke aha?
Kauoha o Paulo ia lakou i haawi ia ia kou iho pehea?
Me he poe hea la anei?
14 Ina pela, heaha ka mea lanakila ole maluna o lakou?
No hea la e ole ai?
Heaha ka noho ana malalo o ka lokomaikai?
Heaha ka noho ana malalo o ke kanawai?
Ina ma ke kanawai wale no lakou, aole i kokuaia mai e Iesu, heaha ka mea lanakila?
15 Mamuli o Kristo, ua kaawale anei kakou aohe kanawai e hoolohe ai?
Ina makemake kakou e hana hewa hou, aole anei e pili ke kanawai o ka Akua?
16 Ina malama oukou i ka hewa, he mau kauwa oukou nawai?
Heaha ka hope?
Ina he mau kauwa oukou na ka pono heaha ka hope?
17. 18 Manao o Paulo e hoomaikaiia'ku ke Akua no ke aha?
Mahalo anei o Paulo i ko lakou kauwa ana na ke aha?
19 Me ka hua olelo hea i olelo ai o Paulo?
Nawaliwali na kanaka i ke aha?
Haawi lakou i na lala i aha?
E pono ke haawi kakou i na lala i aha?
20 Ka wa hea i kaawale ai ka pono?
21 Ka hua o na mea hea?
Heaha ka hope o ia mau mea?
22 I ka wa hea e kaawale ai ka hewa?
Heaha ka waiwai mamuli o ka pono i keia ao?
Heaha ka hope o ka malama ana i ke
Akua?
23 Heaha ka uku o ka hewa?
No ka poe hea ia uku?
Heaha ka haawina a ke Akua?
No ka poe hea ia haawina? ma o wai la?
 

O KA HOPE O KE KUKO HEWA.

                Eia neia wahi mea naaupo a'u i lohe ai i kekahi malama i hala aku nei. Hele mai la kekahi kanaka i ko'u hale, a i mai la ia,
                "Ua lohe anei oe i ka hana a kela wahi kahuna lapaau ma Kohala?"
                "Ka! he hana kaulana loa ia mao; aole hana like i hanaia'i maanei i keia mau la. Ua hoi hou paha lakou i na mea kahiko. Ua kuhi au ua lohe oe.
                "Aole, e noho pu kaua ilalo, a e hai maopopo mai oe ia'u.'
                A noho iho la ia, a hoakaka mai i ua hana ino la. A lohe au, kakaha iho la kuu naau, i aku la au,
                "Auwe na kanaka naaupo! pehea la ka loihi o ko lakou naaupo ana?"
                Eia no ke ano o ua hana kupanaha la. He wahi mai ko kekahi kanaka no Kohala, me hehena la. Aloha aku la ka makuakane ia ia; i iho la ia,
                "Ka! ua mai kuu wahi keiki, a make paha auanei ia; auhea la ke kahuna maoli? Owai la ke kii aku ia ia? O wau no ha."
                A kii aku la ia, a loaa, i aku la ia
                "E; he mai kuu keiki, a ua kii mai au ia oe."
                I mai la kela, "Aia la ihea?"
                "Aia io: e haele pu kaua e ike." Ae mai la kela; a haele pu laua me ke kahuna lapaau; a olioli iho la ka naau o ka makuakane i ke kuhi ana, e ola paha kana keiki. Aole ka oia i ike i ka lokoino a me ka hoopunipuni o ua kahuna lapaau la.
                Aole paha oia i noi aku i ke kahuna nui, ia Iesu, e hoola mai i ka mai, aole hoi paha i manao, he mai nui maloko, e pili ana i ka uhane me he moonihoawa la; he mai nui, he mai make hoi ke lapaau ole ia o Iesu; poina ka! ia mau mea nui me na kanaka he nui wale.
                A hiki laua la i ka hale o ua mai la, nana aku la ke kahuna ia ia, i aku la, "Aloha ino ka oe, he mai nui kou ea!
                Ae mai la kela, "Ae, he mai nui no ko'u; aole okanamai o ka nui.
                I aku la ke kahuna, "Mai makau oe; e ole paha oe ia'u".
                Ninau aku la ka makua, "Heaha kau e hana nei i oia ia? ahea hoi e hana'i?
                Pane mai la ke kahuna, "Alia: mai holo kiki kaua, e kii aku au i na hoa o'u; a aumoe, alaila paha hoi mai a hana.''
                Kii aku la no ia i na hoa, a hoi mai, a aumoe ae la, i aku la ia i na kamaaina ma ka hale, ''E, o hele oukou mawaho; he hana malu ka makou e hana nei."
                Pau no lakou i ka hele mawaho, o ka makuakane wale no e koe. Makau ae la ia, a i aku la, "Kahaha, e hana ino paha oe i kuu keiki."
                Hoole mai la kela, "Aole, e nana oe i ike."
                A kahu iho la na kahuna i ke ahi, aole hoi i wela loa; a kau aku la i ka mai maluna iho, ilalo kona poo. Auwe ka mai la! Nani ka hewa o ua hana la! Waiho wale no oia pela, i hookahi paha hora, alaila kuuia iho la ia ilalo; a kau hou ae la i ka kau paku ma ka ai; mahuahua ke ahi, a lapalapa ae la malalo iho ona. Makau ka makuakane, a hooho iho la, Ua wela paha ia. Hoole mai la lakou, Aole. He akua ka ia malama ona. Nui ae la ka wela, a hookiekei kela i kona leo me ka uwe ana peia, "Ua pau ia i ke ahi, a pau ia i ke ahi. Pakiki iho la ka naau o ke kahuna me he pohaku la, i mai la ia.
                "Aole, e noho malie oe, akua ia, he akua ia.''
                Pela no kau ai ua hehena la: a eha loa kona mau wawae i ka ahi, alaila kuu iho la ia ilalo, a lawe ia 'ku la mawaho, kohiia'e la ka lua ma ka lepo, kahi i kanuia'i ua mai la. Kanuia oia a malo loa i ka mauu a me ka lepo, o ke poo wale no i koe, a liuliu iki weheia'e la ka lua; a hemo mai la ua kanaka la, aole make. A kanu hou iho la ma kahi lua e ae, a pela ua kahuna