Ke Kumu Hawaii, Volume I, Number 14, 13 May 1835 — Page 111
110 KUMU U HAWAII. (MEI,
kou iho, a ua waiho lakou i ko lakou mau aoao hihiu.
12. Aole anei i hoomaauia mai ka poe misionari ma Aferika Hema?
Ua hoomaauia mai no, i kahi wahi ua hooawahiaia ko lakou mau punawai a me na kahawai; a i kekahi, ua aihueia ka lakou poe bipi, ua welaia hoi ko lakou mau hale, a ua make no kekahi o ka poe i huli mahope o lakou.
13. Pehea ko lakou noho ana ia manawa?
I keia mau makahiki i hala aku nei, ua huli io i ka pono kekahi poe i hoomaau nui mai ai ia lakou, a noho maluhia kekahi ohana me kekahi.
Kaiwainahonua.
14. Ehia ka poe misionari i hounaia i na moku o ke Kaiwaenahonua a me na aina a puni?
He iwakalua; he poe naauao loa lakou, he nui hoi ko lakou pono.
15. Ai la mahea na wahi kaulana nui i noho ai ka poe misionari?
Aia ma Melita, a me Ierusalema, a me Semurena; no Amerika aku kekahi o ia mau misionari.
16. Heaha ke ano o kanaka i noho ilaila?
He poe Mahometa kahi, he poe Iudaio kekahi, a he nui hoi ka poe i kapaia he Kristiano, a ua naaupo no nae.
17. Heaha ka hana a ka poe misionari ma ia mau aina?
O ka lawe i ka olelo a ke Akua i ka olelo a ka poe kamaaina kekahi, a o ka hai aku i ka olelo kahi, a me ka hoolaha i ka palapala maikai.
18. Ai la mahea kahi i hoolaha nui ia'i ka olelo maikai?
Aia ma Ierusalema, a ma Betelehema, a me Nazareta; a me ka nui o na kulanakauhale i oleloia'i ma ka Olelo Hou. Ua hui pu kahi poe hoolaha i ka olelo ma Atenai kahi i ao aku o Paulo; a ma Melita hoi kahi i ili ai ka moku i kona wa i holo ai i Roma; a ma Semurena kahi i noho ai ka poe ekalesia i oleloia e Ioane ma ka Hoikeana.
19. Pehea ke ano e kanaka e noho ana malaila?
He nui ka ninaninau i ka pule oiaio. Ua mahele wale ka manao o ka poe Mahometa kekahi i kekahi, aole hoi lakou i paulele nui i ke Korana. Makemake kekahi poe Iudaio e loaa ia lakou ka Olelo Hou, a na mahuahua iki ka pono iwaena o ka poe i kapaia he Kristiano.
No Asia Akau.
20. Pehea ka hana a ka poe misionari ma Asia Akau?
Ua hele ilaila kekahi poe misionari no Sekotia aku, a me na aina e ae hoi, ua lawe lakou i ka olelo maikai i ka lakou olelo iho me ka hoolala aku; ua ao aku lakou i ka poe pio i hookuuia, ua hele makaikai lakou i ka noho ana o ka poe Taretara.
HELU 20.
KA EPISETOLE A PAULO I KO ROMA.
MOKUNA 8, - PAUKU 1 -17.
Mei 18 - 29.
1 Ano hoi, aole he hoolawaia no ka poe iloko o Kristo Iesu.
2 No ka mea, na ke kanawai o ka Uhane ola iloko o Kristo Iesu wau i hooku, mai ke kanawai o ka hewa a me ka make.
3 No ka mea, o ka mea hiki ole i ke kanawai, no kona nawaliwali ma ke kino, na ke Akua no ia, i kona hoouna ana mai i kana Keiki ponoi ma ke ano o ke kino hewa, a ma ka mohai no ka hala, ua hoahewa mai la ia i ka hewa iloko o ke kino;
4 I hookoia ke kauoha o ke kanawai iloko o kakou ka poe hele ole mamuli o ke okino, mamuli no o ka Uhane.
5 No ka mea o ka poe mamuli o ke kino, manao lakou i na mea o ke kino, aka o ka poe mamuli e ka Uhane, i na mea o ka Uhane.
6 No ka mea, o ka manao ma ke kino he make ia, aka o ka mana, ma ka Uhane, he ola ia, a me ka pomaikai.
7 No ka mea, o ka manao ma ke kino, he mea ku e i ke Akua, aole ia i malama i ke kanawai o ke Akua, aole loa e hiki.
8 Nolaila o ka poe ma ke kino, aole e hiki ia lakou ke hooluolu i ke Akua.
9 Aole hoi oukou ma ke kino, ma ka Uhane no ke noho ka Uhane o ke Akua iloko o oukou. Aka i loaa ole i kekahi ka Uhane o Ksisto aole nona ia.
10 Ina o Kristo iloko o oukou, ina ua make ke kino no ka hewa, aka o ka uhane ke ole no ka pono.
11 Ina e noho ana ka Uhane o ka Mea nana i hoala mai ia Iesu mai waena mai o ka poe make, nana no e hoola ae i ko oukou kino make ma kona Uhane e noho ana iloko o oukou.
12 No ia mea, e na hoahanau, aole he poe aie kakou i ka ke kino e noho ai mamuli o ke kino.
13 No ka mea ina e noho oukou mamuli o ke kino, e make no oukou aka ina ma ka Uhane e hoomake ai, oukou i na hana a ke kino, e ola no oukou.
14 No ka mea, o na me a apau i alakaiia e ka Uhane o ke Akua o lakou no ka poe kamalii na ke Akua.
15 No ka mea aole i loaa ia oukou ka manao o na kauwa hooluhi e makau hou aku ai aka ua loaa ia oukou ka manao o na keiki hookama i mea e kahea aku ai kakou e Aha ka Makua.
16 Ke hoike mai nei ua Uhane la i ko kakou mau uhane, ua keiki kakou na ke Akua.
17 Ina he poe keiki kakou, he poe hooilina hoi, he poe hooilina nae na ke Akua a he poe hooilina pu me Kristo a i hoino pu ia mai kakou me ia, e hoonani pu ia no hoi kakou me ia.
KA HOOMOAKAKA ANA.
1, 2, Aole e hoopaiia ka poe iloko o Kristo, aole lakou e make i ka hewa, aole e hoopiliia ke kanawai ia lakou. Ua kaawale ia poe.— Rom. vii 4,6. Aole lanakila ka hewa maluna o lakou. aole e pio e like me ke kanaka i hoakakaia mai ma ka mokuna vii. Ua hookuia lakou e ke kanawai o ka Uhane e ola'i, i kaawale ke kanawai o ka hewa e make ai.
3, Aole hiki i ke kanawai ke hoopau i ka hewa, no ka ikaika o ka naau hewa o kanaka, ua nawaliwali ke kanawai, aole hiki ia ia ke hoolilo ia kakou i hewa ole; Na ke Akua ia hana, ua hoouna mai i kana Keiki, me ke kino e like me ko kakou, a ma ia mohai ua hoahewa mai la oia i ka hewa iloko o ko kakou mau kino i pau ai ka hewa, aole ulu hou, aole hoi e hoopaiia.
4 Pela ke kokua ana mai o ke Akua i ka poe iloko o Kristo i hiki ai ia lakou ke malama i kona makemake; i hooloheia hoi ka mea a ke kanawai i kauoha mai ai e ka poe hele mamuli o ka Uhane aole mamuli o ka naau hewa o ke kino.
[O ka lalani hope o ka pauku 4 ua kakauia ma ka pauku mua ma kekahi palapala, aole paha malaila i kinohou, ua maopopo nae ma ka ha.]
5 O ka poe ma ke kino, mamuli o ka naau hewa, ua lilo ko lakou manao ma na mea e lealea ai ka naau kanaka; a o ka poe ma ka Uhane, mamuli o ka pono, ua lilo ko lakou manao i na mea a ka Uhane i hoike mai.
6 He make ka manao ma ke kino; o ke kuko hewa ana, o ka mea ia e make ai. O na kanaka malaila, aole lakou i