Ke Kumu Hawaii, Volume I, Number 17, 19 August 1835 — Page 131

1835.) KUMU HAWAII. 131

                I ka makahiki 1760 ma Laberadora, a ma Ainamaomao i ka makahiki 1732. I keia manawa e noho nei, hookahi kanaha misionari no Moravia mai.
                56. Heaha ko lakou mea hiki nui mawaena o ka poe Esikimo a me ko na Ainaomaomao?
                O ke anuanu loa o kela mau aina, a me ka molowa a me ka noonoo ole o ka poe kamaaina.
                57. Aole anei i huli kekahi o lakou i ka pono?
                Ae, ua huli no; nui ka poe i make, a ua maikai ko lakou hopena, ua lana ko lakou manao ia Iesu; nui hoi ka poe e noho koke ana me ka poe misionari i lohe i ka olelo a ke Akua.

NO AMERIKA HUIPUIA.

                58. E noho ana anei ka poe ike ole ia Iehova ma Amerika Huipuia?
                Ke noho nei no kekahi poe ike ole ia Iehova ma Amerika Huipuia, oia ka poe kamaaina kahiko, ka poe i noho ilaila mamua i ka manawa i holo ai ilaila mamua i ka manawa i holo ai ilaila ko Europa poe. Ua kapaia lakou, he poe Inikini; ua puunauwe mai ia lakou i na ohana he nui wale.
                59. Mahea ko lakou wahi e noho ai?
                Ma na moku aoao hema kekahi, ma na moku komohana kekahi, aka, ma ke komohana o ka muliwai o Misisipi ka nui o lakou.
                60. Ehia wahi e noho ai a ka poe misionari?
                He iwakaluakumamaiwa.
                61. Heaha ka hana nui a ka poe misionari?
                O ka hai aku i ka olelo maikai a me ke ao aku i ka poe haumana ma na wahi kula.
                62. Aole anei i huli kekahi i ka pono?
                Mamua, aole i huli; aole i hoolohe i ka olelo a ka poe misionari, noho molowa no, aka, i keia mau makahiki i hala i iho nei, nui ka poe i hoolohe, a nui hoi ka poe i huli, me ka haalele i ka hewa nui, a 500 a kanalima keu ka poe i paa ma ka pono, a ua komo iloko o ka ekalesia. O ka poe i huli ma ka pono, pau ko lakou malowa, a me ko lakou palaualelo, hooikaika lakou ma ke kula, a me ka hana hoi; ua maikai ko lakou hale, a me ko lakou aina a pau hoi ka inu rama. Ai i lawe aku ilaila ka poe haole i ka rama hookupu no ka poe alii.
                63. Ehia haumana iloko o ka lakou mau hale?
                Hookahi tausani a keu; a o kamalii ka nui o lakou.

NA NA KAMALII.

NO E AINA A ME ABELA.

                O Kaina he hewa.
                O Abela he maikai.
                Na hoahanau elua.
                He Maka huhu.
                He newa kaumaha.
                He Lima hapaiia.
                Hina o Abela.
                Makau o Abela.
                Aloha ino o Abela.
                He kuahu.
                He ahi.
                He uwahi.
                He mau hoahanau laua.
                O Kaina ka inoa o kekahi.
                O Abela ka inoa o kekahi.
                He kanaka hewa loa o Kaina.
                He kanaka maikai loa o Abela.
                Aole o Kaina i aloha aku i ke Akua.
                Aole ia i malama aku i ke Akua.
                Aka, ua aloha aku o Abela i ke Akua, me ka malama aku ia ia.
                Ua aloha ke Akua ia Abela, nolaila i inaina ai o Kaina ia Abela.
                Ua huhu o Kaina i kona kaikaina ia Abela,—a halawai pu, a ua hoohinaia o Abela e Kaina.
                E hahau ana o Kaina ia Abela me ka newa kaumaha. E pepehi ana o Kaina i kona kaikaina, a make no o Abela i kona kaikuaana.
                Mai pepehi kanaka oe.—Mataio 19:18.
                E inaina mai o Iehova i na lima hookahe koko hala ole. - Solomona.
                O ka Diabolo - he pepehi kanaka i amai ke kumu mai.—Ioane 8:44.
                Aole like me Kaina, na ka mea ino no oia, a pepehi iho la ia i kona kaikaina a make: no ke aha la i pepehi ai ia ia? no ka mea, ua hewa kana hana iho, a ua pono hoi ka kona kaikaina.
                O ka mea e hoomaau ana i kona hoahanau he mea pepehi kanaka ia; ua ike no oukou, o ka mea pepehi kanaka aole ana ola loa e noho ana iloko ona.—I Ioane 3: 12, 15.