Ke Kumu Hawaii, Volume I, Number 17, 19 August 1835 — Page 136
136 KUMU HAWAII. (AUGATE,
ho ra 12 i ke awakea, alaila make loa ia.
Auhea oukou, e ka poe malama ole i kala Sabati? "Mai kuhi hewa oukou;" no ka mea, ke nana pono mai nei ke Akua ia oukou i ka la a me ka po. A pehea la e pakele ai oukou i kona inaina, ke malama ole oukou i ka la Sabati - i ka la kapu no ke Akua? L. S.
Waipio. O Iepeta Kahakumaka no Waiawa, ua make ma Waipio, i ka la 12 o Augate nei. Emo ole ka make ana, oia ohua no K risto. Ala ae la ia i kakahiaka nui a hele pu me kekahi hoahanau ma Waipio mauka, i ka pule me kekahi poe e launa ana i ka pono i keia wa. A pau ae la ka pule, puka ae la laua, ai iho la i ka laua ai, a manao iho la e kii i ka laau ma ka ululaau. Kii aku laua; nawaliwali iki nae o Kahakumaka, a haule ia mahope. Hele aku no ka hoahele, aole ia i manao, o ka make keia. A hiki kekahi kanaka io na la, e hanu ana no ia me ka make; a laweia'e ia i ka hale, o ka make loa ia. Ua hele kona uhane. Ua hele pomaikai, ko makou manao.
Hookahi makahiki a me na mahina elua i noho ohua ai ia iloko o ka ekalesia ma Honolulu. Ua kokua no hoi ia i ka hana a ke Akua ma Ewa. Oluolu ke Kumu malaila i ka maopopo ana o ko Kahakumaka aloha ana i ke Akua a me kona malama ana i ka Ie su mau kauoha. Minamina pu kakou i ka pau koke ana o kana hana maikai ana i kanaka. Aka ua maha, pomaikai ia.
Nani ka pomaikai o ka poe i noho mau me ka makaukau. Ina hiki wawe ka make o ke kino, hiki wawe no hoi ka pomaikai o ko lakou uhane. Ina kakou e hoomakaukau e i ole e poino kakou ke hiki koke mai ka make.
Auhea oukou ka poe mihi ole i ka hewa. Pehea ka oukou uhane, ke haule koke ko oukou kino e like me ko Kahakumaka?
NA SOLOMONA.
O ka mea hoolohe mai ia'u, e noho oluolu no ia, E noho no ia me ka makau ole i ka hewa.
E kuu keiki, ina e lawe oe i ka'u mau olelo, a e waiho i ko'u kanawai iloko ou;
E huli mai i kou pepeiao i ke akamai, a e huli kou naau i ka ike;
Ina paha e hewa aku oe i ka ike, a e pane aku kou leo i ke akamai;
Ina e imi aku oe ia ia me he kala la, a e huli holi me he waiwai huna la;
Alaila, e ike oe i ka makau ia Iehova, a e loaa ia oe ka ike i ke Akua.
No ka mea, na Iehova mai ke akamai, mai kona waha mai ka ike a me ka noiau.
Hoomakaukau oia i ke ola no ka poe pono, he paku no oia no ka poe hele pololei;
E malama i na ala o ka hoopono, e kia hoi i ka aoao o kona poe haipule.
Alaila, e ike oe ika pololei a me ka hoopono, a me ke kupono a me na aoao maikai a pau.
KAHI MELE.
KA HAI ANA I KE OLA. - Rom. x. 15.
He nani no na kapuwai,
Ma ko Ziona puu,
Ke ku nei e hoike mai,
He ola no kakou.
He leo lea ko lakou,
He olelo nani e;
"Ziona, eia ke 'Lii ou,
Ke lanakila nei."
Pomaikai no na pepeiao,
I keia leo hou:
Na maka nei, pomaikai pu,
I keia nani mau.
Hookani mai nei na kiai.
Memele lea no,
Hapai Ierusalema nei,
Hosana ko ke ao.
Na Iesu e hoomalu no
A malu keia ao;
E ko ke ao, e ike pu,
Iesu ke Ola mau. A. B.
WAILUA, KAUAI, Iune 2, 1835.
E na hoahanau; Ua halawai makou maloko o ka hale kula ma Wailua nei he nui na kane a me na wahine. Ua hoike aku au ia lakou i ka olelo a ke Akua a me ke ola iloko o Iesu. Ma ka manaoio e pono ai kakou ke hele aku io na la. Ina he pono ka kakou pule i ke Akua, a me ko kakou mihi ana, a me ko kakou haalele ana i ka ino o keia ao, alaila, i ko kakou make ana, pau ka luhi, pau ka eha, pau ka ino o keia ao. O ke ao o ke Akua, aole loa he luhi olaila, aole he eha aole he ino, he maikai wale no ko laila.
Auhea oukou, e na makaainana o Wailua nei a me Anahola, a me Kalihi, a me Kolau. Eia ka manao o Kaikioewa. "Auhea oukou, e na makaainana mai Wailua nei, a Anahola a Kolau, a me Kalihi. Apopo kakou halawai hou. Mai holo aku kakou ma ka nahelehele. Aole o kakou opuweuweu e nalo ai, o ke Keiki a ke Akua, oia ko kakou opuweuweu e nalo ai."
Ua lohe oukou i ko Kaikioewa manao. He ohi kanaka; he umi kanaka o Wailua nei a me na keiki elima; he umi o Anahola elima keiki; hookahi o Aliamanu; elua o Papaa; ehiku o Kalihi, elima keiki.
I ko'u hoakaka ana aku i keia manao ia lakou, kahaha iho la ka naau o na makua i ke aloha i ka lakou mau keiki i ka lilo i ka ohiia.
I mai la kekahi poe ia'u, "He mea ano e keia. Ina paha i hele ke keiki, haalele makou i ka aina."
I aku la au ia lakou, "E pule aku kakou i ke Akua mana e hoopono mai i ko ke ao nei. Oia ko kakou mea e pono ai e kulanalana ole ai ko kakou noho ana."
O na kanaka makua kekahi. Ua makau lakou me ka pilihua, no ka ohi kanaka. I mai la kekahi poe ia'u, "Pehea makou?"
I aku la au ia lakou, Aole e hiki ia'u ke hoole aku i ka na alii hana; aka ma ka pono a ke Akua i hoakaka ia mai ai ia kakou, malaila kakou e hele ai, e makau aku kakou ia Iesu, i ka mea nona ka mana.
Auhea oukou, e na alii a me na makaainana mai Hawaii a Kauai nei. Eia k kakou mea e pono ai. O ka olelo a ke Akua a me kona kanawai. Nolaila ua malu kakou. Aole he kaua aku kaua mai. Ua malu ia mea. Aka, o ka naau o kanaka, aole paha ia i malu.
I ko'u ike ana i kekahi aina ia Nuuhiwa; aole he olelo a ke Akua malaila; aole he kanawai; aole i pono ko lakou noho ana. Ua kaua aku lakou, kaua mai. Ua pepehi wale aku i kekahi i kekahi me ke aloha ole; no ka mea, aole lakou i ike ia Iehova. He o eleele ko lakou. Ua like me ko kakou po eleele ana mamua. Aka i keia manawa ua malamalama kakou i ka Haku. No ka mea o ka hua na ka malamalama oia ka maikai a pau. Epeso V. 8,9.
Na Simeona Kaiu.
OAHU:—MISSION PRESS. R. TINKER, Editor. E. O. HALL, Printer.