Ke Kumu Hawaii, Volume I, Number 19, 16 September 1835 — Page 148
148 KUMU HAWAII. (SEPATEMABA,
O KO KE AKUA MAU KANAWAI A MOSE I HOIKE AI.
Ua olelo mai la ke Akua ia mau olelo a pau i ka i ana mai la e, Owau no Iehova kou Akau, nana oe i lawe mai nei mai ka aina mai o Aigupita, noloko mai hoi o ka hale hooluhi.
I.
Aole ou akua e ae imua o ko'u alo.
II.
Mai hana oe i kiikalai nou, aole hoi i ke kii i like ai me ko ka lani iluna, a me ko ka honua ilalo, a me ko loko o ka wai malalo i ka honua: mai kulou oe ilalo ia lakou, aole hoi e malama ia lakou: no ka mea owau no o Iehova o kou Akua, he Akua lili e hoopai ana i ka hala o na makua i na keiki a i ke kuakahi a i ke kualua o ka poe inaina mai ia'u, e aloha ana hoi i na tausani o ka poe i aloha mai ia'u, a i malama mai hoi i ka'u mau kauoha.
III.
Mai hoohiki ino oe i ka inoa o Iehova o kou Akua; no ka mea, aole e hoapono o Iehova i ka mea e hoohiki ino i kona inoa.
IV.
E hoomanao i ka la Sabati i hoano ai ia la. Eono la e hana'i oe i kau hana a pau; aka o ka hiku o ka la, he Sabati ia no Iehova no kou Akua, aole oe e hana, aole oe, aole hoi ko keikikane, aole hoi ko kaikamahine, aole hoi kau kauwakane, aole hoi kau kauwawahine, aole hoi kou holoholona, aole hoi kou kanaka e i komo iloko o kou mau ipuka: no ka mea, i na la eono i hana iho ai o Iehova i ka lani, a me ka honua, a me ke kai, a me na mea a pau maloko o ia mau mea, a i ka hiku o ka la oia i hoomaha ai; nolaila hoi i hoomaikai iho ai o Iehova i ka la Sabati i hoano ai ia.
V.
E malama oe i kou makuakane, a me kou makuwahine, e loihi ai kou mau la maluna o ka aina a Iehova a kou Aua i haawi mai ai ia oe.
VI.
Mai pepehi-kanaka oe.
VII.
Mai moe kolohe oe.
VIII.
Mai aihue oe.
IX.
Mai hoike wahahee oe e hewa ai kou hoalauna.
X.
Mai kuko wale oe i ka hale o ko hoalauna, aole hoi oe e kuko i ka wahine a ko hoalauna, aole hoi i kana kauwakane, aole hoi i kana kauwawahine, aole hoi i kona pipi kauo, aole hoi i kona hoki, aole loa hoi i ka mea a kou hoalauna.