Ke Kumu Hawaii, Volume I, Number 19, 16 September 1835 — Page 149
1835.) KUMU HAWAII. 149
NA NA KAMALII.
NO KO KE AKUA WAHI NOHO OLE AI.
Ninau aku kekahi kanaka i ka haumana ma ke kula Sabati, penei;
"Ea, e hiki ia oe ke hoike mai ia'u i kahi i noho ole ai ke Akua?"
Pane mai la ke keiki, "Ae. Aole ia e noho ai iloko o ka naau o ka poe hewa."
NO KE KANAWAI MUA
Ninau ae la ke kumu i kekahi keikikane, "Ua aloha anei oe i ko'u mau makua?"
Ae mai ia, "Ae."
"Ua aloha anei oe i ko'u hoahanau, a me ka'u kumu?"
Ua ae koke oia, "Ae, ua aloha pono wau ia lakou."
Ua olelo hou aku ke kumu, "Ua aloha aku anei oe i ke Akua?"
A kulou iho la i kona poo ilalo a mumule loa iho la ia.
Aole ae mai, no ka mea, aole akaka ia ia kona aloha. Aole paha ia i malama'i i ko ke Akua kanawai mua, "E aloha aku oe ia Iehova me ka naau a pau."
Auhea oukou, e na kamalii, ua aloha anei oukou i ke Akua maikai me ka naau a pau?
NO KA WELA ANA O SODOMA.
He kanaka.
O Lota.
Elua kaikamahine.
O Lotawahine.
He kia paakai.
He kulanakauhale.
O Sodoma.
He wahi hewa.
He pa kiekie.
He pukakomo.
He papu.
He ahi nui.
He lapalapa.
He wahi eleele.
He uila.
O na wahine elua, he mau hoahanau laua.
Aole akaka ko laua, inoa. O ka mea mawaena o laua, oia ko laua makuakane, o Lota kona inoa.
He kanaka maikai ia.
E holo ana'e lakou a ekolu mai kela kulanakauhale ae, i pakele lakou i ka make.
O Sodoma ka inoa o ua kulanakauhale la.
E wela ana i ke ahi mai ke Akua mai.
O Lota wahine aia ma ka papu. Ua make ia.
He wahine puni waiwai ia.
Ua lilo iho la oia i kia paakai, no ka mea, aole ia i malama i ka Iehova.
HE BIPI.
1. Kakaikahi na aina i noho ole ia e ka Bipi. Noho no ia ma na aina anu a me na aina wela no hoi.
2. O ka aina, aole i nui ka wela, aole hoi i nui ke anu, oia kahi oluolu i ka Bipi. Malaila ua nui kona kino, aka, ma na wahi anu loa a ma na aina wela loa no hoi ua uuku iho kona kino.
3. O kona maikai, ke nana'ku, aole i like me ko kekahi mau holoholona. Aole ona nani a me ka hanohano e like me ko ke Tigra a me ka Leopadi. O kona maikai, he mea oiaio ia, aole ma ka nana wale ana'ku no.
4. Aole holoholona e pono ai na kanaka e like me ka Bipi. O ka Bipi kane, ua kokua nui mai ia i ke kanaka, aole nae i like kona maikai me ko ka Bipi wahine. O ka waiu, oia ka waiwai nui loa.
5. Ma Irelani a ma kekahi mau aina e ae, aole i nui ka ai a ka poe ilihune, a o ka waiu o ka Bipi, oia ko lakou mea e ola'i. Aole paha e ola kekahi poe hune, ke ole ka