Ke Kumu Hawaii, Volume I, Number 19, 16 September 1835 — Page 152

152 KUMU HAWAII. (SEPATEMABA,

KAHI MELE.

HE ALOHA I KA HAKU NO KONA MALAMA ANA MAI.

E Iesu, e kuu Kahu,

I lokomaikai mai,

Kuu ai, a me kuu kapa,

Nau ia i haawi mai:

Ua malama i kuu kino,

I ke ao a me ka po,

I ole ai e lilo

I kahi make mau.

 

Nau no kuu mau makua

I haawi mai nei ia'u,

A me na hoahanau:

O kuu mau mea nani,

A me kuu ola nei,

No luna o ka lani,

I hoounaia mai.

 

He nani no kou pono,

E kuu Akua, e,

Owau no ke hoolono

I kau kauoha nei;

Kou leo hemolele,

Kau palapala nae,

Malaila kua paulele,

Ma kahi e ola'i

 

Himeni Kamalii.

 

NO KA ONA.
NO KA BAKA.

                O ke kanu ana o ka baka, he meapanoa no ka lepo. Aole e ulu pono na mea ai ke kanu pu me ka baka. E pono ke uhuki i ke Kawowo, mai noho o kanu hou, - o hahai loa mai keia mea ino.
                Eia no keia hewa o ka baka. O ka huhu o ke kane i ka wahine, a me ke keiki, a me kekahi mea e ae i ka pau o ka baka. Pela no ke alii i ka pau o ka baka. Oia ka mea ino imua o ke Akua. He mea hakaka ka baka, a ku e aku ke kanaka i kana wahine, a me kana mau keiki.
                Eia ka pono, e na hoahanau, a me na hoalauna; e haalele kakou i ka baka.
                Olelo ae la kekahi poe hoahanau, "Aole i palapalaia ka baka iloko o ka ke Akua olelo."
                Penei hoi ka olelo a kekahi poe hoahanau, "Aole e pono ke haalele i ka mea a ke Akua i haawi mai ai."
                Oia hoi, aka, ea, ua haalele oukou i ka awa. Na ke Akua hoi i haawi mai i ka awa. Na ke Akua hoi i haawi i ka auhuhu. Aka ua haalele oukou i ka auhuhu. Na ke Akua hoi i haawi mai i ka ipu awaawa. Ua haalele oukou i ka ipu awaawa. Aole lakou i lawe i na mea awaawa a pau a ke Akua i hooulu ma ka nahelehele. No ke aha la hoi i lawe kapakahi ai kakou i ka baka? Mai hoopunipuni kakou ia kakou iho.
                Eia hoi kekahi. Ua i mai ka olelo a ke Akua, "O ka poe ona aole loa lakou e komo i ke aupuni o ke Akua. Aka o ka baka kekahi mea ona. Oia hoi ke ano o ko kakou puni baka ana, o ka ona. Lalau ke kanaka i ka ipu baka, a puhi, a moni ka uwahi, oia ka mea i ona ai, ka moni ana. Aloha ino kanaka puhi baka. Puhi lakou, a ona, a eku i ka lepo e like me ka puaa. Oia ka mea i makemake ai e na kanaka puhi baka, o ka ona i ka baka. Oia hoi ko lakou mea e hiki ole ai i ke ola. Aole i i mai ke Akua, O ka poe ona ma ka rama; - Aole. – Aole hoi ka poe ona i ka uwala awaawa, aole. Aka "O ka poe ona aole loa lakou e komo i ke aupuni o ke Akua." Ina paha ona lakou i ka rama; ina paha ona lakou i ka uwala awaawa; ina paha ona i ka baka, ua like pu. E noonoo oukou i keia mau mea o hiki ole aku ai oukou i ke ola mau loa.
Na SOLOMONA.
Kaawaloa, Hawaii, 1835.

                E kuu keiki, mai hoole oe i ke aoia mai e Iehova, mai hopohopo oe i kona hooponopono ana mai.
                No ka mea; o ka mea i alohaia e Iehova, nana ia e paipai aku, e hoeha hoi i ke keiki ana i makemake ai.
                Pomaikai ke kanaka ke loaa ia ia ke akamai, a o ke kanaka hoi i makaukau i ka ike.
                No ka mea, ua oi aku ka maikai o ia mamua o ka maikai o ke kala a o ke kuai ana hoi mamua o ke gula.

NO NA MOKU.

O KA HOLO ANA MAI.

                Sep. 7. O Diana, Carter, mai Kina mai, 92 mau la.
                11. Midas, Spooner, Nu Bedefoda, 1200 bar. aila, 22 mal.
                11. Gom. Rogers, Taber. Nu Bedefoda 2000 bar. 28 mal.
                12. Convoy, Bancroft, mai Nowete mai, 4 mal.
                12. Rasselas, Brewer, mai Kina a me Kamekaka.

HOLO AKU.

                Sep. 15. Com. Rogers, Taber, i Amerika Huipuia.

                Died at sea, August 14, Captain John Ebbets of Brooklyn N. York, aged 60. He was returning from Canton on board the brig Diana, Captain Carter.
                Captain Fitch of the Ship Superior, his third officer and a boat steerer, were killed at sea, between January and March last, by the explosion of a keg of gun powder in the cabin.
                The English ship Corsair, Cap. Venable, was wrecked January 13, on a reef, about nine miles from Drummond's Island, Kingsmill Group. The Surgeon and five men were drowned, the Captain and six others, it is supposed, were killed by the natives; the remaining eighteen escpaed in three boats to Guam, where they arrived after a passage of about a month.

                Ua paaia KE KUMU HAWAII ma ka mea Paipalapala a na Misionari, Honolulu, elua hebedoma hookahi pepa, o Wenede ka la e pai iho ai.
                Eia ke kuai ana, HOOKAHI MAKAHIKI $1 00, a na mea e lawe i ka pepa a pau.