Ke Kumu Hawaii, Volume I, Number 21, 14 October 1835 — Page 161
KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinaia'i na aina."
Buke 1. HONOLULU, OAHU, OKATOBA 14, 1835. Pepa 21.
[E nana i ka aoao 156.]
HAKINA 12.
1. Heaha ka mea e hoomaopopo ia e pau auanei kanaka i ka huli i ka Haku?
O ke ano o ka hana a kanaka i keia manawa ma na aina naauao a me na aina naaupo.
2. Pehea ka hana ana a kanaka ma na aina naauao?
Hoolaha nui ko laila poe i ka make ana o poe naaupo i ka ike ole ia Iesu: nui wale hoi ko lakou aloha, a mahuahua ka haawi wale i ka lakou iho i hoolahaia ae hoi ka hoi ka poe misionari; o ka hoomau ana o ka poe pono ma ka pule i hiki wawe mai ke aupuni o Iesu, a o ke ao ana aku i kamalii ia mau mea.
3. Pehea la i hoomaopopo mai ai ke ano o ka poe malama ole i ka olelomaikai a Iesu?
O ka makemake o kekahi poe Iudaio e huli i ka Olelo Hou; hoowahawaha no hoi kekahi poe Mahometa i ka lakou palapala laa i ke Korana, a hopohopo hoi ka manao o kekahi poe ike ole ia Iehova i kela ao aku.
4 E hooikaika anei ko na aina Kristiano ma keia hana?
Ua manoia e hooikaika lakou malaila. Ua mahuahua i kela la i keia la ka manao, he mea pono ia.
5. Aole anei e hoonawaliwali ka poe Kristiano ma keia hana maikai?
Aole; mai ka hoomaka ana i ka hana a ka poe misionari a hiki ikeia manawa, he kanalima paha makahiki, ua mahuahua nui ae nei ka lakou hana ana i kela makahiki i keia makahiki. A ua lawa nui lakou e like me ko lakou haawi wale ana i pono ai kanaka.
6. Ina i nui ke kala mahea i loaa ai i ka poe misionari?
Aia no la ma na aina naauao he poe kanaka ui he nui loa, he haipule hoi e ake no lakou e hele i kela aina i keia aina e ao aku i kanaka, a nui wale hoi ka poe i loaa auanei ia.
7. Aole anei e keakeaia keia hana e ka mai a me ka make paha o ka poe misionari?
E hiki no i keia mau mea e keakea wale no, aole loa e hooki. Ina i make kekahi misionari, he nui no ka poe i hoomakaukauia e pani i kona hakahaka.
8. Aole anei e hiki i ke huhu o kanaka a me ka ka diabolo e hooki ae ia mau hana a ka poe pono?
Aole; Penei mai ka olelo a ke Akua; - "O ka mea e noho ma ka lani, e aka mai no ia; a e hoomahua mai no hoi o Iehova ia lakou." Hal. 2: 4.
"Aole loa e hoohioloia" kou ekalesia "e ka mana o ka po." - Mat. 16: 18.
"E kanaka,
E kukakuka pu oukou, a e lilo ia i mea ole,
E hai aku oukou i ka olelo, aole ia e kupaa,
No ka mea, me makou no ke Akua." - Isa. 8: 10.
9. Aole anei e hoowahawaha mai aole manaoio i ka olelomaikai?
Na ka uhane o ke Akua e hoomakaukau i ke ala.
"E ake ana kou poe kanaka I ka la o kou mana." - Hal. 110: 3. "E kakali no na moku i kona kanawai." Isa. 42. 4.
"Ua hoohiki iho la au, ia'u iho, Ua holo ka olelo ma ka pono mai kuu waha aku,
Aole e hoi hou mai.
E kukuli mai ia'u na kuli a pau,
A e pau e hoi na olelo i ka hoohiki. - Isa. 45: 23.
10. Aole anei he mea oiaio ma ka olelo a ke Akua e huli mai na kanaka a pau ia ia?
Ae; ua paa kana olelo, a i kona manawa nana no ia e hana mai ai-
"E haawi aku au ia oe
I na lahuikanaka i hooilina nou,
A i waiwai hou nou na welelau o ka honua." - Hal. 2: 8.
"E hoomanao iho, a e huli mai no ia Iehova,
Na welelau o ka honua a pau;
E pau no na lahuikanaka
I ka hoomana imua ou" - Hal. 22: 27.
"No ka mea e piha auanei ka honua i ka ike i ka nani o Iehova." -Hal. 2: 14.
"E ku ae, e anapu mai,
"No ka mea, ua hiki mai kou malamalama,
Ua pii ae la ka hanohano o Iehova maluna ou,
E hele mai na lahuikanaka i kou malamalama,
A o na'lii hoi i ka alohilohi o kou pii ana." - Isa. 60: 1-3.
HE KAMAKAMAILIO. - HELU 3.
Maanu. Aloha oe, e Naili, nohea mai oe, i hele mai nei?
Naili. Ua hele au i ke awakea, i ka hookolokolo: - a no ka nui o ka poe hihia aole pau ka hookolokolo a po ka la.
N. Aloha ino. Ua mahuahua ka hewa i kela la i keia la. No ko lakou hewa, make kekahi poe, i neia mau