Ke Kumu Hawaii, Volume I, Number 22, 28 October 1835 — Page 170

170 KUMU HAWAII. (OKA TOBA.

 

ilalo, no ka mea, manao au, o ka make paha keia, alaila, kupu iloko o'u keia manao, Heaha ka mea maikai a'u i hana'i i ko'u ola ana? aole loa, he hewa wale no; no ia mea, aole au e pii iluna i ka lani, e pono no au ilalo i ka po. Nui ko'u makau, no ka mea, aole au i ike, ia manawa, i ka mea e ola'i; manao au e ola i ka'u hana ana.''

I aku la au, "Auwe! heaha ka mea e ae e loaa mai ia kakou ka naau hou a me ke ola, o ka kakou hana maikai wale no?"

I mai kela, "Ma ka hana ana i ka ke kanawai, aole e pono ia mai kekahi kanaka imua ona.'' "Aole no na hana pono a kakou i hana'i, aka ma kona aloha wale, ua hoola oia ia kakou ma ka holoi hoohanauhou ana, a ma ka hana hou ia e ka Uhane Hemolele, ana i ninini nui mai maluna iho o kakou ma o Iesu Kristo la, o ko kakou ola.''

A i ka manawa i loaa'i ia'u kela eha nui, manao au e pule, aka, aole paha oe i lohe i kekahi pule e like me ia. Eia ka'u, E ke Akua, he kanaka hewa wau, aole loa au i hana i kekahi mea maikai i ko'u ola aua; a ke makau nei au o make a poho ilalo i ka po i ke ahi pio ole: aka, e ke Akua, ina e hiki ia oe, e hoola mai ia'u. E kakali iki ia'u, a e hana maikai au a oi aku i ka Davida. Ehiku kana pule ana i ka la hookahi; e pule au i ewalu pule ana, a e heluhelu au i na mokuna he umikumamalua. Aka, manao au e heluhelu i na pule ewalu iloko o ka palapala pule o ko'u makuwahine."

I aku la au, "Heaha ka pule pono i oi aku i kela mau mea iloko o ua palapala la?''

I mai kela, "E hiki ia oe ke heluhelu i na pule a pau loa a kanaka i kakau ai; e hiki ia oe ke kakau i na pule nou, a e hiki paha ia oe ke kakau i na pule no kanaka, aka, aole loa paha oe e pule iki i kou ola ana.''

I aku la au, "He mea kupanaha keia!  Heaha ka pule, ea?''

I mai kela, "O ka hai ana i ke Akua mana i na mea a kakou i makemake nui i haawi mai ia ia kakou, o ka pule no ia! A maha iki ko'u eha, hoomaka au i kau pule ana, aka, ike iho au, aole pono iki o kau pule. Aka i ko'u haalele ana i keia hana pono ole, aole au haalele i ka heluhelu ana ma ka palapala hemolele. I ko'u heluhelu ana mahuahua ko'u eha. Ia manawa, manao nui au i keia mau pauku.

"E ka noe moo, e ka ohana moonihoawa, pehea la auanei oukou e pakele ai i ka make ma ka lua ahi?''

"I kahi, aole loa e make ko lakou ilo, aole loa e pio ko laila ahi.''

"E hoikeia mai ai o ka Haku, o Iesu mai ka laui mai, me ko na poe anela me ke ahi e lapalapa ana, e hoopai ana i ka make i ka poe ike ole i ke Akua, a me ka malama ole i ka olelo maikai a ko kakou Haku a Iesu Kristo."

Nui ko'u makau ma keia wahi. Aka, i ko'u heluhelu hou ana, ike au i keia pauku, aia ma ka palapala a Ioane, "O ke koko o Iesu Kristo, o kana Keiki, e huikala mai ia ia kakou i ko kakou hewa a pau,'' a heluhelu au i keia, ua maha ko'u eha; a manao au---Ua pau na mea kahiko, he ano hou na mea a pau. Alaila, mihi au i ko'u hewa, manaoio aku ia Iesu, makemake nui i ke Akua, alaila, e hiki no ia'u ke make no ko'u aloha i ko'u Haku.''

I aku la au. "He mau mea kupanaha au i olelo mai ia'u, aka, no ke aha i hoike mai ke Akua ia oe i keia mau mea? No kou hooikaika ana paha ma ka heluhelu ana i ka palapala hemolele?" I mai kela ma ka leo ikaika, "O ka mea nana kakou i hoola, a i wae mai hoi ma ka wae hemolele, aole hoi mamuli o ka kakou hana ana, aka mamuli no o kona manao iho, a me ka pono i haawiia mai ia kakou iloko o Kristo Iesu, mamua loa o keia ao." I aku la au, "Pehea, ua manao mai anei ke Akua nui ia oe i ke kanaka ilihune, oopa, mamua aku o kana hana ana i keia ao?"

I mai kela, "Oiaio no, i ole pela, no ke aka i palapalaia penei--"I wae mai a kakou, i hemolele ai kakou, a i hala ole imua ona?'' I aku la au, "Aole paha oe i hewa mai ia manawa mai.'' I mai kela, "Ua hewa pinepine kakou a pau.'' "Ina e olelo kakou aole o kakou hewa, ua hala ko kakou manao ana, aole he oiaio iloko o kakou.''

I aku la au, "Ina e hewa hou oe mahope o keia mau mea, a poho ilalo i ka po, pono paha oe ke noho mau ma ka naaupo e like me au.''

I mai kela, "Ua maopopo ko'u manao i keia mea, o ka mea nana i hoomaka i ka hana maikai iloko o oukou nana no ia e hoomau a hiki i ka la o Iesu Kristo.'' "Ke hoolohe mai ka'u ohana hipa i ko'u leo, ua ike hoi au ia lakou, a hahai mai la hoi lakou ia'u. E haawi aku hoi au ia lakou i ke ola mau loa, aole loa lakou e make, aole hoi kekahi e kaili ia lakou mai ko'u lima aku.'' "Nana no i halihali i ko kakou hewa ma kona kino iho ma ka laau.''

I aku la au, "Pono paha oe ke noho ma ka hewa, no ka mea , ua lilo mai Iesu kou mea ola e ola'i."

I mai kela, me ka maka pihoihoi, a me ka leo ikaika, "Aole loa, a o kakou ka poe i haalele i ka hewa, pehea ia kakou e noho hou ai ma ia mea?'' "Ke koi ikaika mai nui ke aloha o Kristo ia kakou, no ka mea, ua akaka i ko kakou manao, ina i make kekahi no na mea a pau, ina ua make na mea a pau. A make no ia no na mea a pau i ole e noho hau ai no lakou iho, ka poe e ola ana, aka no na mea nona ka make a me ke ala hou mai no lakou.''

I kana olelo ana pela, nana mai ia ia'u, a ike ia i ko'u waimaka, no ka mea, aole hiki ia'u ke uumi iho i ko'u aloha,--olelo koke mai no ia, aole paha o oe ka mea a'u i manao ai ia oe mamua; ke kauoha aku nei au ia oe e hai mai oe i kou ano, a me kau mea i hele mai nei e ike ia'u!

I aku la au, "Oiaio no, aole au ka mea au i manao ia'u mamua, e kuu hoahanau aloha. He kanaka hewa wau, a ua alakaiia au e ka Uhane Hemolele io Ie su la e like me oe, e paulele aku ia ia i ka mea nana i make ma ke kea no ka poe hewa.''

I mai kela, "Ua lohe au i kekahi hoalauna o'u i ka hele ana o kekahi kanaka e i ka hale o Davida Terumana, a ua kapa lakou ia ia he Meteridate, [he inoa hoowahawahaia] a o kekahi inoa like, aole anei o oe ua kanaka la?

I aku la au, "Ae, e kuu makamaka aloha, owau no. I keia ahiahi, ua hoakaka aku au i kou poe hoalauna i keia olelo, "O ka uku no ka hewa, o ka make no ia, aka o ka makana a ke Akua, oia ke ola mau loa ia Iesu Kristo, ko kakou Haku.''

Aole loa e poina ia'u kona maka, a me kana hana ana. Ku koke ia iluna, lalau ia i kekahi lima o'u me kona mau lima, kukuli ia ilalo i kona mau kuli, alawa ae la kona mau maka, me ka olioli, i aku la, E ko'u Akua, ke hoomaikai aku nei au ia oe, no ka mea, ua oi aku kau mea i haawi mai i ka'u mea i noi aku. Pule au i haawi mai oe ia'u e ike i kekahi kanaka ou, aia hoi, ua hoouna mai oe ia'u i kekahi kahuna o Iesu. Alaila, olelo mai ia ia'u, e kuu mea i alohaia, e hai mai oe ia'u i kela olelo au i olelo aku ai i ko'u poe hoalauna, no ka mea, aole loa au i lohe i kekahi olelo maikai a Iesu."

Ae aku au i kona makemake, a i ko'u hai ana i keia olelo, ua like ia, i ka nana aku, me he mea pololi la e paina ana i ka mea ono loa! A pau ka'u olelo, i mai keia Aole paha oe i ike i kau mea i hele mai i keia kulanakauhale e hai mai i ka Iesu olelo, aku ua ike no au. Mai ka wa o ko'u hanau hou ana, na pule au i kela la i keia la i ko'u Makua ma ka lani, i hoouna mai ia i kekahi kahuna o Kristo e hai mai i kana olelo i ko'u poe hoalauna makapo, a ua hoouna mai no ia