Ke Kumu Hawaii, Volume I, Number 22, 28 October 1835 — Page 172
172 KUMU HAWAII. (OKA TOBA,
hanau, waiho wale iho la ke kaikuwahine, oia wale no. A ae la ke ahi i ka hale, pau kela wahine i ke ahi a make loa. I ka la 8 o ka malama Okatoba nei ka make ana. Oia ka'u mea i lohe maopopo ai.
Eia hoi, ua akaka loa keia, he mea ino ka baka, ---o kona manao e puhi i ka baka oia paha kona mea i make ai.
Na ENOKA EHU.
NO NA BELE.
Ua hanaia ka bele mua, no ka hale pule, ma Italia. Aole akaka ka manawa. Ua laweia ua bele i Farani, M. H. 550; i Hele vitia, 1020. He bele nui loa ma Mo seko. Ua hanaia M. H. 1653. Eia kona mau pauna, 443,772
Eia ka pauna ana o kekahi ma Moseko, 127,836
Eia kekahi, 39,872
Eia hoi kekahi (o kona haku 2116) 179,200
O kekahi bele ma Parisa, 38,800
He iwakalua a me kumamalima kapuai o ke ana puni o ia bele.
O kekahi bele ma Viena, 39,640 O kekahi bele ma Okefoda o Toma Nui kona inoa, 17,000
O kekahi bele ma Ladana, 8,400
O kekahi bele ma Nanekina, 50,000
Ehiku bele ma Pikina, pakahi, 120,000
O kekahi bele maikai loa ma Geremania o Susane kona inoa, 12,870
Ua bapetisoia o Susane e kekahi kahuna o ka Pope. Eia ka manao o ka poe Pope. Ina i bapetiso lakou i ka bele, a hookani i ka manawa o ka ua, a me ka hekili, a me ka uila, alaila, ua paleia ka hewa a pau.
HE MAU NINAU.
Ehia bele ma keia papa maluna?
Ina e houluuluia ka lakou pauna a pau, ehia na puuna o lakou?
Heaha ke kumu kuai i ua mau bele la a pau ke make hookahi pauna i 48 keneta?
Ehia bele ma keia pae aina?
Ehia ma Hawaii, a me Maui, a me Molokai, a me Oahu, a me Kauai?
Heaha ke kumu kuai i ka bele ma Moseko, ke make na pauna 500 i 200 dala?
Mahea la o Toma Nui?
Mahea la o Susane?
NO NA KAMALII.
NO KE KEIKI HOOLUHI.
E na haku, e haawi aku na na kauwa i ka mea pono, a me ka ewaewa ole, ua ike oukou he Haku ko oukou ma ka lani.---Kol. iv. 1.
Ua hai aku kekahi poe misionari i ka olelo maikai ma A ferika. Makemake kekahi keikikane hooluhi e lohe i na mea a Iesu. A ma ke ahiahi, hele ae oia; aka, ike aku aku la kona haku ia ia, a ninau aku la ia ia, "Mahea la oe e hele ai?"
Ua makau ua keiki la, a pane mai la, "E ka haku, e hele au e hoolohe i ka olelo a na misionari.
I aku la kona haku, "U'oki, aole oe e hele malaila. Ina paha e hele oe, e hahau au ia oe i na kaula he kanakolukumamaiwa, a e paa oe i ke kaulahao."
Kulou iho la ka maka ilalo o ke keiki ili eleele, a kaumaha kona naau, a i aku la ia i kona haku; "E hai aku au i ka Haku; e hai aku au i ka Haku nui."
I aku la kela kanaka, "E hai aku anei oe i ka Haku nui? Heaha ia mea? aole akaka kou manao."
Pane mai la ke keiki, "E hai aku au i ka Haku
nui, i ke Alii o ka lani i makemake au e hoolohe i kana olelo, aka, aole ae mai oe."
Puiwa kona Haku ma keia olelo, a ae aku oia, i aku la, "E hele oe, e hoolehe i na misionari."
NO KO NOA HALELANA.
He halelana.
O Noa ka mea nana i hana.
Mai ka hoomaka ana