Ke Kumu Hawaii, Volume I, Number 22, 28 October 1835 — Page 176
176 KUMU HAWAII. (OKA TOBA,
mai ia i ko kakou noho ana. Ua pau keia manao.
N. Ua pau anei kou manao? Aole hiki ia oe ke hoakaka hou mai na mea e pono ai? Aloha ino!
M. E hiki no paha. Ke manao nui au e kakau, ma ka pepa i keia mau mea a kaua i kamailio ai, a e hoouna aku ia Mi Tineka. Ina manao ia he mea paha keia olelo e pono ai kanaka, nana i e pai. Alaila, e hooakaka aku ai au i ka waiwai o ka manawa. E hoopomaikai mai ke Akua ia kaua, a me ke Alii nui kona ka aina---a me ka poe makaainana a pau loa. Amene. Aloha oe.
N. E hoopaa mai ke Akua i kau olelo iloko o ko'u naau i ola pu kaua a me kanaka a pau loa ia Iesu. Aloha no paha.
KAHI MELE.
HE KANIKAU NO KAAHUMANU.
Mihalanaau i kuakahiki ka newa'na,
Ke kaha'na ka leina aku nei liuliu,
Liua paia aku nei i kunolia,
I analipo i analio.
Lilo aku la i ka paiakuakane,
I ke ala muku maawe ula Kanaloa,
Keehi kulani aku la ka hele ana,
Ke'lii i kuluhiolani aui newa aku nei,
I lele aku na i ko kohi ana o ka pawa,
I ke anohia kohikohi an'o ka po,
Ka lilo ane', ia;
iala, o---i---e.
Oia hoi, he uwe, he aloha ia oe, a---
A aloha liua lio paiauma ka manawa,
Pakoni hui ke aloha loku i ke ake,
Wehe wahi ka pilipaa o ka houpo,
Naha ka paa, ka pea kua o ke kanaka,
Helelei, hiolo ka pua o ka waimaka,
Lele leio, he loko i ka mihi,
Mihi a ke alohi o kuu haku maoli,
A kaawale okoa ia'loha ana,
Aloha aku o ke aloha hoahanau,
Aole he hoahanau ponoi no'u,
He hanauna ku okoa ilo'ika Haku,
I haupuia e ka Uhane Hemolele,
E ka Makua hookahi o makou,
I pilikana ilaila e wena aku ai,
Ilina inoa kaiakwahine no'u,
Auwe no hoi kuu kaikuwahine,
Kuu hoa hooikaika'ka luhi leo e, ia,
iala, o---i---e.
Oia no o oe ke aloha, ka u'aloko a,
A, aloha oe ka hakukau o ka manao,
Ke kookoo'ka leo e ili aku ai,
E imi pu ai o ka waiwai ka pono, e ia,
iala, o---i---e.
O ka wahine alo ua wahila o Kona,
Nihi makani alo ua, kukalahale,
Noho anea kula wela la o Pahua,
Wahine holo ua hoao auanu e, ia,
Holo a nele i ka pono, ua paoa,
Ua hihi aku hihi mai, ke aloha ole,
Aole pono, he enemi noho pu e, ia.
Aha, aia'ku la i he lani,
Ka Uhane a ke kino wailua,
Oiwi haona hiona e,
Hailiaka, kino ano lani,
Hea anei'o ka lani ma,
Ke luana wale la i ka lani,
Ua luakaha ka noho ana,
Ke halelu ia la ilaila,
Iloko o ka paredaiso nani,
I ke ao mau loa o ka Haku e, ia.
O ko lakou mau Haku no ia.
O ka Haku mau no ia, oia no,
O ka manao ia loko e ake nei,
E ake aku nei e, e.
LAHAINALUNA, MEI 22, 1834.
DAVIDA MALO.
NO KEKAHI HANA MA KA LA SABATI.
E hoolohe mai oukou i kekahi mau mea e hana'i ma ka la Sabati.
O ka hooakoakoa ana ma ka luakini e hoomana aku i ke Akua. I mai la ke Akua ma ka Oihana kahuna 23. 3--penei. "Eono la e hanaia'i i ka hana, aka, o ka hiku o ka la, oia ka Sabati no ka hoomaha ana, a no ka halawai hemolele ana." Oia ka ke Akua olelo.
Ua akaka ma ia olelo, o ka halawai ana oia no kekahi hana pono ma ka la Sabati. Pehea la ka pono o ka halawai?
Eia no ka pono. E pule e mamua o ka halawai ana---e pule ma kahi mehameha, i makaukau oukou, i pau ka manao pono ole, ka manao no ke kino a me na ke Akua, ma Iesu, a me ka Uhane Hemolele, a me ka ke Akua olelo, a ma na mea e pono ai ka Uhane, a i lohe pono hoi ka pepeiao i ka mea hoakakaia'--ku e ke kumu, a e pule hoi i iho mai ka Uhane e noho mai maloko o ko oukou naau, a maloko hoi o ka luakini e wehewehe ae i ka naau o na kanaka i ike lakou i ka nui o ko lakou hewa a i weliweli hoi lakou no ka lehulehu o ko lakou kina, a i mihi io no hoi lakou i ko lakou hewa, me ka haalele a me ka hoopailua, i lilo ae lakou i poe pono, i poe malama i ke Akua, i poe paulele ia Iesu ka mea e ola'i.
E pule no hoi i mahuahua'e ka pono a i hiki wawe mai ke aupuni o Kristo ma kela wahi keia wahi, ma na wahi a pau ma ka honua nei. Pela oukou e pule e ai mamua o ka halawai---a pau ka pule ma kahi mehameha e hele kuoo oukou i ka luakini Iehova. Mai hele mama---me ka manao ole a me ka akaaka a me ka lilo ana i ka pono ole---e hele pololei, me ka haipule a me ka makaala, e hele hoi me ka hoomanao ana ia Iesu i kona make ana, a i kona alahou ana, i kona aloha, a i kona makemake. A e hele no hoi me ka makau i ke Akua nona keia la. Pela oukou e hele ai i ka hale pule a pau aukou i ke komo, iloko o ka luakini alaila e hoomanao oukou, aia no oukou e noho ana maloko o ko ke Akua hale he wahi eehia he wahi weliweli---he wahi hoi e hoomana aku ai ia Iehova me ka naau pono. Ua kukuluia, e keia hale nona iho. Eia no kona wahi e noho ai ma ka la Sabati, nolaila e pono no ia oukou ke noho malie, me ka walaau ole, a me ke kamailio ole---no ka mea, eia no ke Akua maoli, ke alii nui o ke lani a me ka honua, nona ka mana a me ka ihiihi a me ka hoonani mau loa ia. Nolaila e hamau oukou a e hoomana'ku ia ia me ka makau a me ka haalulu. L.L.
NO NA MOKU.
O KA HOLO MAI.
Sep. 30, Cheviot, Bateman, Ladana, 14 mai. 450. bar.
O ct. 3. Samuel Enderby, Lysle, Ladana,12 mal. 600 bar.
5. Tu scan, Stavers, Ladana, 1700 bar.
7. Elbe, Whippey, Pokepesi, 26 mal.900 bar.
7. Luminary, Gardner, Warena, 34,1,250. 12. Audley Clark, Paddock, Nupota, 22. 800.
O KA HOLO AKU.
O ct. 5. Adaline, Buckley i Iapana.
5. Unity, Shaw, Kalifonia.
12. Audley Clark, Paddock,
14. Midas, Spooner,
16. Vineyard, Tobey, i Amerika Huipuia.
O KA HOKU WELOWELO.
Ua hiki mai kekahi hoku welowelo i na la 13, 14, 15, 16, o keia malama Oka toba. He hoku kaulana no ia. Ua ikeia mamua e ka poe kahiko i na makahiki o ka Haku 1456, 1531, 1607, 1682, 1759.
I na makahiki kanahiku kumamaono e hiki hou mai ai.
Oahu: Mission Press. R. TINKER, Editor. E. O. HALL, Printer.