Ke Kumu Hawaii, Volume I, Number 24, 25 November 1835 — Page 188
188 KUMU HAWAII. (NO VEMABA,
noho nei iloko o keia hale. E malama oukou a e hoolohe i na mea a ke Akua i olelo mai ai, i na uhane o ke poe i make i ka lumilumiia e ke kaikoo nui, a me ka wiliau, a i lilo hoi i ka wai kahe nui a i lauiliia e ka makani, a i make hoi i ka ponalo. E hele mai kakou e ukuhi i ka wai puna ola, a e ukuhi hoi i ka aila alo maikai hemolele loa o ka lani.
Mai hookuli kakou a malama ole i na mea a kakou i lohe ai a me na mea a kakou i ike ai, ua ike oukou e ko Hawaii nei i ka mana o ke Akua, a me ka hanohano a me ke hiwahiwa, a me ka li makau e makau aku oukou i ka luna kanawai akamai; nana kakou e hookolokolo pololei i ka la mahope aku a e hoopai pololei mai i ka hana ana a kela mea keia mea o kakou, a pau loa. E hoike ana kakou, e ko Hawaii nei, i ka hana a pau a e kahea ana hoi kakou i na kuahiwi e uhi mai maluna o kakou a e holo hoi i ke ana e pee ai, aka e hoike mai auanei ka mana o ke Akua ia kakou aole e nalo. Aka i halele kakou i na mea ano ino a pau, a mihi koke iho e like me Petero i mihi koke iho ai i kona iho aole i ko hai.
E haalele kakou, e ko Hawaii nei, i na mea ano ino a pau loa i papaia mai ai e ka Haku ke Akua mana loa.
Auhea oukou e ka poe hoomaloka ana i ka naauao a me ka pono o ke Akua. E waiho aku i ka hoomaloka a me na mea ino e ae he nui loa. Ua make kakou i ka hoomaloka ino wahahee. A ua make no hoi i ka mihi ole, noho wale.
Ua make kakou i ka lealea ino, pono ole, hewa loa. A ua make kakou i ka palaualelo, hana ole, ua make kakou i ka manaoia ole ai ka paulele ole, ua hewa kakou i ke ku e aku i ke Akua. Ua hihia kakou i ke kipi aku i ke aupuni. A ua hihia no hoi kakou i ka holo ole aku io Ie su Kristo la.
Ke kauoha mai nei ke Akua ia kakou a pau, e ko Hawaii nei, e holo kakou ano, mai lohi kakou o make, o make kakou.
Na PUAPUAKEA.
NO NA KAMALII.
HE KULA.
He kumu, he noho, he buke, he papa.
He ipuinika, he kula, me na keiki ekolu.
Ua ao aku ke kumu i na kamalii ma ke kula.
Ma ka buke kona ao aku ana ia lakou.
Pomaikai ka poe i ike i ka heluhelu palapala.
Pomaikai loa ka poe malama i ka pono.
Ma ke kula kahi e loaa ai ka ike.
Nani ka poe kamalii, ke imi i ka naauao.
A i kani mai ka pu, e hele i ke kula.
Ua pee ke keiki naaupo,
Ua mahuka, ua hele no;
Aole ona imi mai,
Ka pono, e pomaikai ai.
Buke, kula, kumu, inika, pomaikai, mahuka, kamalii, heluhelu, palapala, malama, buke, pomaikai, ike.
Kumumua.
LAHAINALUNA, NOV. 6, 1835.
No ke ahonui ana mai o ke Akua ia kakou, i ko kakou noho kipi ana aku ia ia. Auhea oukou, e na haumana o na kula nei i kapaia o ke Kulanui, o ka poe kahiko a me ka poe hou mai. Ua maopopo ko ke Akua ahonuiia kakou, ua akaka ko kakou kipi ana aku ia ia.
Auhea oukou, e ka poe kahiko, i koe mai nei a hiki i keia la, ua ahonuiia mai nei kakou e ke Akua, a kaa hope ae nei na la, a me na malama, a me na makahiki mahope o ko kakou mau kua, no kona aloha wale mai no, aole no ko kakou pono, aole o kakou wahi lihi iki ma ka pono, aole wahi kauna iki, aole wahi pilipilikana iki o kakou ma keia mea o ka pono. O ka hewa oia no ko kakou ano mau. mai ko kakou wa i hanau mai ai a hiki loa i keia la; nolaila, ua akaka ka kakou i keia manawa he poe kipi aku i ke Akua. I mai kela, "E mihi oukou," aole kakou i mihi, noho wale iho no. I mai, "E malama i ko'u kanawai," aole kakou i malama aku. Heaha aku auanei ua mea i koe e maopopo ole ai ko kakou kipi ana aku ia ia? Ua maopopo loa, ma ka kakou hana ana kekahi, ma ka kakou olelo ana kekahi, ma ko kakou hua kekahi, he nui na mea a kakou i kipi aku ai i ke Akua, aole e pau i ka heluia, he hapa na kulu o ke kuaua hookahi mai ka la a po, he nui loa aku no.
Auhea oukou, e na hoahanau, ma ka makemake hookahi o ka pono, he hunahuna keia no ka pono a kakou e kapa nei he pono, a he ole loa no hoi , ke noho kakou me ka naau kahiko, aka i loaa ia kakou ka naau hou, o ka makolukolu ia a me ka peekue o ka pono o ka naau hou ana, aka hoi i loaa ole ia kakou ka naau hou, he hana inea ka kakou e hana nei, kahe hewa ka hou o ka lae.
E o'u hoahanau ma ka waiwai hookahi o ka pono, e noho nei i keia wahi. O kakou ka poe i pu