Ke Kumu Hawaii, Volume I, Number 25, 9 December 1835 — Page 196
196 KUMU HAWAII. (DETEMABA,
Makeia papainoa, eia ka nui o na haumana mai kela wahi keia wahi i
NIIHAU Puuwai, 1
KAUAI, Waimea, 7
Koloa, 1
Kapaa, 1
Hanalei, 1
Lumahai, 1
Wainiha, 1
Waioli, 1
13
OAHU, Honolulu, 14
Kapalama, 2
Waialua, 3
Ewa, 1
20
MOLOKAI, Honouli, 1
Kaluaaha, 1
Keawanui, 1
3
LANAI, Kaunolu, 1
Paomai, 1
Palawai, 2
Kamoku, 1
5
MAUI, Lahaina, 18
Wailuku, 5
Oloalu, 3
Koolau, 1
Waikapu, 1
Keanae, 1
Hana, 1
Kula, 1
Hamakualoa, 1
Honuaula, 1
Ukumahame, 1
38
HAWAII, Kailua, 4
Punahoa, 4
Waipio, 2
Lanihau, 1
Kona, 1
Kohala, 1
Kaawaloa, 2
Waimea, 2
Keauhou, 2
Pueo, 2
Punahawai, 3
Kawela, 1
Kukuihaele, 1
Kiholo, 1
28
TAHITI Paofai 1
109
A hala keoa makahiki e noho nei, hoomaka ka makahiki hou [o ke kula nui] ma ka lua i ka Poakolu i Iulai, a oia ka manawa pono e komo ai na haumana hou o ia makahiki.
Ekolu ni hoonaha ana ma ka makahiki hookahi. Eia ka mua, mai ka Poakolu hope o Mei a hiki i ka Poakolu lua o Iulai. Eia ka lua, mai ka lua o ka Poakolu o Okatoba, elua hebedoma ka hoomaha ana. Eia ke kolu, mai ka lua o ka Poakolu o Feberuari elua hebedoma ka hoomaha ana.
Elua no hoike ana i ka makahiki hookahi. Ma Okatoba kekahi, ma Mei kekahi, na na Kumu no e hoike .mai.
NO KE ALAHOUANA.
Ua noho pu alua kanaka ma ka hale hookahi, o Iwihilo laua Hokahoka. A ua make no hoi kekahi hoahanau haipule o laua, o Paulele kona inoa. Kukakuka pu laua no ua hoahanau nei. Ninau aku la o Iwihilo ia Hokahoka, Pehea Paulele ka hoahanau o kaua? I mai la Hokahoka, Aia no ma ka lua kupapau.
Iwihilo. Aia kona kino paha malaila. Hokahoka. Ae ka hoi, ua lilo no ka uhane, ke ola nei me ka pomaikai; o ke kino wale no ka i waihoia'i ma ka lua,
I. He oiaio kou, ua hoohemolele no ia na uhane o ka poe pono, e like me ka mea i palapalai ma ka Hebera xii. 23. Nolaila ke ake ana o Paulo e hele a e noho me Kristo., Pilipi. i 23. Aka pehea la ke kino o ko kaua hoahanau?
H. Aia no ke waiho la, he opala wale no ia.
I. E ola hou anei kona kino?
H. Aole paha, he lepo wale no ia, a e lilo auanei i lepo maoli.
I. Ua kuhi hewa paha oe.
H.Kahaha! Ua kanuia kona kupapau, a anahulu, a ua pilau loa. Pehea a e ola hou ai?
I. E hiki no i ke Akua ka mea hiki ole kanaka. E hiki no ia ia ke hooala mai i ka poe make, mai ka make mai.
H. Ae, ina makemake mai ke Akua hiki no ia ia ke hooala mai i ka poe make; aka aole i hana mai ke Akua i na mea a pau e hiki pono ia ia ke hana. E hiki no i ke Akua ke hoohaahaa mai i na kuahiwi o Hawaii nei, aole nae i hoohaahaaia mai na kuahiwi.
I. Pela no. E hiki io no na mea a pau i ke Akua, Mat xix, 26; nolaila ke hana mai la oia i kona makemake a pau.
H. Makemake anei ke Akua e hooala mai i na kupapau, mai ka make mai?
I. Ae, makemake no.
H. Aole kaua i ike i na kupapau ana i hooala mai ai. Auhea na kupuna kahiko o kaua? aole i ola hou mai.
I. Nui wale na mea, a kaua i ike maka ole ai. Aole kaua i ike maka i na ainapuniole, ua lohe nae na pepeiao nolaila ke manao io nei kaua i na ainapuniole. Pela hoi, ua lohe kaua i ka palapala hemolele, he ola mau loa ko ka poe manaoia ia Iesu, a e auhulihia ka poe hewa ilalo i ka po, nolaila ke manaoio kaua i keia mau mea.
H. Ae, ke manaoio no wau i na mea a pau a ke Akua i hoike mai ai, no ka mea, he olaio maoli kana olelo.
I. Ke olelo paka mai nei iesu, Ioane V.28, 29, "E hiki mai auanei ka manawa e lohe ai ka poe a pau iloko o na ilina i kona leo, (i ka leo o Iesu) a e hele mai iwaho; o ka poe hana maikai e ala mai lakou i ke ola; a oka poe hana ino e ala mai hoi lakou i ka hoehewaia mai. Ua hoakakaia mai no hoi ke alahouana, ma ke Korineto mua xv. l3, 20. "Ina aohe ala ana mai ka make mai, ina aole i ala o Kristo; aka ua ala io no o Kristo mai ka make mai, a ua lilo oia i hua haawi mua ia, o ka poe, i moe.'' Pela no hoi ke Tesalonike mua iv. l4, 16. "Ina i manaoio kakou e, ua make aku la o Iesu a ua ala hou mai, pela no hoi ke Akua e lawe pu mai ai me ia i ka poe e hiamoe ana iloko o Iesu. E iho io mai no ka Haku mai ka lani mai me ka hooho, a me ka leo o ka luna anela, a me ka pu a ke Akua, a o ka poe make iloko o Kristo ke ala e mai. Nolaila ea, hakaka lea, e hooala hou ia mai auanei ua kupapau a pau; o ka poe make mai ka wa ia Adamu a hiki loa ka hopena o keia ao.
H. Ua heluhelu au i ka palapala hemolele, me ka noonoo ole, me ka naau hawawa. Akahi au e ike i ke ano o ke alahou ana.
I. E ike maka hou auanei kaua ia Paulele, i ka hoahanau o kaua. E ha- lawai kino no me ia, a me na kanaka a pau loa, i ka la nui mahope.
H. Nolaila paha he pono ke waiho i ke kaumaha nui i ka make ana o kekahi hoahanau.
I. Ae, he huakai hele na haumana a Iesu ma keia ao ke noho malihini nei lakou, me ka manaolana e noho mau me kahi hoano o Iesu i kela ao pau ole. Halawai olioli no lakou me ka make ana o ke kino, no ka mea, ua aleia ka make e ka lanakila. Nolaila, hea lanakila aku lakou, "E ka make, auhea kou lanakila ana? W.P.A.
NO KA HOLO ANA AKU O NA HOAHANAU.
Ua hoi aku nei, mai Honolulu aku nei, i Amerika Huipuia, o Kauka Kapina, a me kana wahine, a me ka laua kaikamahine. No ka mai loihi ana o Kauka wahine, nolaila ko laua hoi ma Amerika. Ma ka moku, Mariner, Coleman, i holo aku ai, i ke kakahiaka nui o ka la 28 o Novemaba, 1835. Ke nonoi aku nei kakou i ke Akua e malama mai oia ia lakou, ma ka moana, a me kela wahi, keia wahi, a hiki mai ka hopena.