Ke Kumu Hawaii, Volume I, Number 25, 9 December 1835 — Page 200
200 KUMU HAWAII. ( DETEMABA,
kona manao he pono ke hai aku i ka ke Akua olelo ma kahi i lohe ole ia'i ia?
22. No ke aha i hiki koke ole ai o Paulo Roma?
23. - 24. Heaha ka mea koe ole ia Paulo? Loihi kona makemake e aha? Manao ia e hele mahea? E ike a e oluolu ia wai? Manao no ia e kokuaia e wai?
25. Heaha kana hana okoa ia manawa? Houluuluia ia waiwai e kokua ia wai?
26. No wai mai kela waiwai e kokua ia wai? Houluuluia ia waiwai e kokua ia wai?
27. No ke aha la lakou i manao ai he mea pono ke kokua pela? He aha ka pono nui i loaa aku i ko na aina e mai ka poe Iudaio aku? Ina pomaikai na uhane o ko na aina i ka poe Iudaio, pehea la e ulu ai lakou?
20. Na wai i hali a haawi io aku ia waiwai? Manao ia e hele i hea, mahope iho o ka pau ana o ia hana?
29. Loaa ia Paulo ke aha? Maopopo ia ia e hele i ko Roma me ke aha? Pehea la e hele ai na kahuna a Iesu i hooheke ai i kela manawa a i keia manawa?
KAHI MELE.
E HOOMANAO IA'U.
1. Ua ahonui wake mai,
Iesu ka Haku mau;
E imi au oi kou maikai,
E hoomanao ia'u.
2. E Iesu e, e nana mai;
Ua hewa loa wau;
Pehea la e pono ai?
E hoomanao ia'u.
3. O oe no kuu alakai,
Ma keia ai a pau;
O oe no ke ao mau mai;
E hoomanao ia'u.
4. A pau kuu wa e ola nei;
A make aku wau,
E lokomaikai nui, e,
E hoomanao ia'u.
L.L.
I ka la 24 o ka malama o Novemaba i hala iho nei, ua ku mai nei kekahi moku o kohola o Awaahunks ka inoa, no Pelimauta, Amerika Huipuia, ua make kekahi poe o ka moku i ka pepehiia e na kamaaina o ke kahi aina moku i kapaia o ko Barina, o kona lonitu 168, E. a o kona latitu 5 36, N. Eia ka poe i make, o ke alii moku, me ka mua a me ka lua o na mea malama moku, a me na haole e ae o ka moku eha. Ua make lakou a ehiku i ka pepehiia. Ua eha hoi kekahi mau mea e ae, hookahi no o lakou i make i ka holo ana mai o ka moku. Ua lele kekahi mau Bolabola i ke kai, aole i ike hou ia, ekolu o lakou.
Me nei ka hana ana. Holo ka moku a kokoke i ka aina, aole i manao ke alii e ku. Holo mai na waa me na kamaaina e lawe ana i maia a me na niu a me na mea e ae e kuai. Ee kanaka maluna ma ka moku, he kanakolu paha o lakou. Manao ke alii moku ua hele mai me ke aloha, aole i makau. Mahope ua ikeia lakou e helu ana i na luina o ka moku, a ua manaoia no ka pepehi keia hana. Alaila makau ke alii, a hahau aku i ke kahi kanaka me ka ohi nana. O ka houka i ke kaua no ia. Lele mai ka poe kamaaina a kakau i ke alii i kekahi hoe o lakou a palaha ia ilalo. Kii koke aku na kanaka a me na haole i na oo maka oi mea okipki ai i ka io o kohola e lawe ia mea e kaua ai. Loaa ewalu i na kanaka maoli a elima i ko ka moku. Oki na kanaka i ke poo o ke alii moku a pepehi aku a make loa i na haole e ae eono. Lalau ke alii o ko uka poe kanaka i ka hoeuli me ka manao nona ka moku, alaila ku mai i ka poka a make ia; no ka mea ua iho ilalo i ke keeina hope ke kolu o na mea malama moku me kekahi poe me ia, a loaa ia lakou na pu aku i ko lakou poe make. Pela i pakele ai ka moku a me ke koena o na haole i koe ma ka moku. Z
NO KA PULE ME KA PAPAAINA.
Lawe ae la Iesu i na popo berena ehiku, hoomaikai aku la, wawahi iho la, haawi ia i kana poe haumana, e kau aku imua o ka ahakanaka. Mareko 8:6.
Ma Lebanona, Nu Ioka, noho iho la kekahi kanaka hewa. He kanalina kona maukahiki. Ua ku e aku oia i ka olelo maikai a lka Haku nui, a me ka ninini ana mai o ka Uhane Hemolele.
Eia ka mea e hilu ai ia. I kekahi ia, hiki mai ke kanakamalihini e hele ana. He puolo nui malunao kona kua. Komo ae la i ailoko o ka hale o ua kanaka hewa la. Ua makaukau ka aina awakea ma ka papaaina, a ai pu iho la keoa malihini me ka poe kamaaina.
A pau ka ai ana, i nai la ka malihini, "Mai poina ia kakou o ke Akua. E pono kakou e aloha aku i ke Akua no ka ai ana." Nolaila, hoomaikai aku ia i ke Akua, a hele aku la ia.
Ua hilahila ka mea nina ka hale; ua hoomanao mau oia i kahana a ua malihini la. Ua manao ia, "He kanaka hewa loa wau, no ka mea, poina ia'u ke Akua, nana au i malama mai." Ua akaka ia ia kona lawehala he nui loa; a kaumaha kona naau; a imi aku ia i ke kala wake ana ma ke pono o Iesu la; a loaa, alaila ua oluolu ka pule, a me ka hoomaikai ana aku ia Iehova.
O KA HOIKE ANA O KE KULA I KOKUAIA E KA POE HAOLE MA OAHU NEI.
Ua hoikeia na haumana o na kula la i ka la 25 o Novemaba. Maoaila ke Kanikela Berikania a me Kanikela Ameika, a me kekahi mau Kapena moku, a me kakahi mau wahine a me na kane o Honolulu, a me kekahi mau misionari.
He 53 haumana malaila, a ua hoikeia ma ka heluhelu, a me ka helu, a me ka palapala lima, a me ka himeni.
A pau ka hoike, olelo aku la o Kanikela Amerika, a pule aku la o Mi. Diela.
Pai hewa -- Ma ka aoao 164, ua hewa keia olelo, "ma keia ohanapuaa, ma kela ohanapuaa."
Eia ka pono; ma keia ahupuaa ma kela ahupuaa."
HALE PAIPALAPALA, Dec. 4, 1835,
Ua paiia, a paa, Hoikeholoholona, Nehemia a me Esetera.
Ua pai hou ia Piapa maoli, a me ka Piapa kamalii.
O ka hooino o Iehova aia ma ka hale o ka mea hewa, ua pomaikaiia hoi kahi noho ai ka poe pono.
E hoowahawaha mai oia i ka poe hoowahawaha aku, e haawi mai oia i ka lokomaikai i ka poe haahaa.
E hooilina lakou i ka hanohano a me ke akamai, o ke kiekie ana o ka poe hewa he mea ole ia.
Ua paiia KE KUMU HAWAII ma ka mea Paipalapala a na Misionari, Honolulu, elua hebedoma hookahi pepa, o Wenede ka la e pai iho ai.
Eia ke kuai ana, HOOKAHI MAKAHIKI $1, a na mea e lawe i ka pepa a pau.