Ke Kumu Hawaii, Volume II, Number 4, 17 February 1836 — Page 16
16 KUMU HAWAII. (FEBERUARI,
a ua kukulu iho la lakou i hale noho, a i hale kuke no ke kumu hou; he mau hale kukulu wale ia, aole uku. Ke aloha paha ia. A ke pule la no hoi na hoahanau olaila e hoouna wawe mai ke Akua i ke kumu io lakou la. Malia paha e hoolohe mai oia i ka lakou pule a loaa mai ke kumu i keia makahiki paha.
Pau ia wahi manao.
Na'u na L. L.
KAHI MELE.
KA HOPENA.
Auwe! He luaole nei,
O ko ke ao hopena,
Eia'e ka Lunakanawai,
Ma na ao kaalelewa;
Kahea ka pu, E ala hou,
E ko na lua kupapau,
A halawai me Iesu.
Auwe na kanaka ku e
I ko kakou Mesia!
Mahea lakou e malu ai?
Me e ka pilikia!
Ua pau na la e pono ai,
Okoa keia la hoopai,
Ua hiki mai ka Haku.
He nani no ka pomaikai
O kana mau haipule;
Pehea kakou ke halawai
Me ia i ke aouli?
E ala kuu uhane mau,
E noho me ka makaukau,
E halawai me Iesu.
H. B.
NO KA ONA.
NO KEKAHI MEA ONA.
"Ke kahaha nei no lakou me ke kuamuamu mai i ko oukou holo pu ole ana me lakou i ka hoomaunauna ino. "
Petero mua, iv: 4.
He haole hanohano ee aku la iluna o ke kaaholo lio, e lomilomi ana i kona poo, auwe hamama ana, i ae la, "Nalulu loa kuu poo. I ke aha? Kuu ona loa i ka rama inehinei.''
I mai la kekahi ia ia, "A he loaa no anei ka! ia oe ka ona o ka rama?''
I aku la ia, "Ae, pela no na kanaka a pau i ko'u manao; he loaa ia lakou i ka ona rama i kela manawa
keia manawa. Ke manao nei au ia oe, he ona rama no hoi oe.''
I mai la ia, "Aole, aole o'u ona iki.
Pehea, aole o'u ona iki i kekahi manawa?"
Aole loa no. I kuu wa ona ole, aole nui loa kuu naauao ke haawi wale aku i ka ona, aole o'u manao he haule ka'u wahi mea ike a nalowale."
Ua pau keia wahi manao o'u.
WAIMAOLI.
HE MAU MEA KAHIKO.
Eia na makahiki o kekahi poe elemakule a me na luwahine.
I ka makakiki 1825, ua make na kanaka ekolu, a me na wahine elua iloko o kekahi hale ma Amerika. He wahi haole kekahi 112 kona mau makahiki. He negero kekahi 110 kona mau makahiki, a me kana wahine 105; a o kekahi negero 100, a o kekahi no hoi 95 makahiki ona.
Ua make ma Amerika, 1834, o kekahi luwahine, o Bete Feraneta kona inoa, 154 makahiki ona. Ua hanau oia ma Geremania, a holo ae ma Amerika 1710. I ka makahiki he 65 ona i loaa ai ia ia ke keiki hookahi ponoi. I kona ola ana 120 ua powehiwehi kono maka, mau no ia, mahope iho he 13 makahiki ka powehiwehi ana o kona maka, aohe ike aku ia hai. Alaila ua ike pono hou kona maka me he wa opiopio la. Mamua o kona make ana he iwakalua makahiki aole ia i hoao i ke ko a me ke vinega. Ua like pu ia ia ka ono o na mea ai a me ua mea inu a pau.
Eia kekahi no loko mai o ka Lama Hawaii.
"Ke hai mai nei kekahi pepahoohalike, mai Peteroboro mai ma Rusia, penei. Ke noho nei no kekahi kanaka ma na moku Lituana, ua elemakule loa; o Demeterio Kerabosi kona inoa: 168 makahiki ona. O ka hanai hipa kana hana ana. Kokua pu me ia kana mau keiki kane elua, o Paulo ka inoa o kekahi, he 120 makahiki ona; a o Anatole ka inoa o ka lua, he 97 kona poe makahiki.
NO NA MOKU.
HOLO MAI.
Feb. 3. Joseph Peabody, Moore, mai Nu Ioaka mai.
4. Columbia, Darby, mai Ladana mai.
4. Beaver,---mai Ladana mai.
Diana, Hart, mai Monetere mai.
MARE.
Ua mareia, e Binamu, Ian. 25. Mr. John Knight, [no Ladana] me Hananui, no Kailua.
27 Robert Jones, me Koiamo.
Feb. 2, George Hiartt, [Vireginia] me Kahai, no Waikiki. Spencer Rodes, me Makaaina.
Feb. 9. Ua mareia e Binamu, Capt.MICHEL GROBECH, [no Kopenahagena, a me Batavia,] me Aimoku no Kaneohe.
KA HAAHEO.
He mea oluolu ole i ka haaheo ka noi wale aku, nolaila, e malama ia oukou i ka haaheo o lilo auanei oukou i malihini ma ka noho alii aloha.
O IESU.
O Iesu no ke Alanui, a mawaho ona he auwana wale no. O Iesu no ka Oiaio, a i ole keia oiaio he lalau wale no. O Iesu no ke ola, a i ole ke ola he make wale no.
KA NAWALIWALI.
Ua hoohalikeia mai na nawaliwali o ke kino i na hakahaka o ka hale; no ka mea, malaila no ke komo mai ana o ka malamalama mai ka lani mai iloko o ka naau, a iini iho la ka uhane pio e hemo iwaho a pii iluna.
Nana wale aku ka pololi i ka hale o ka nakue, aole loa e komo iloko o laila.
Ua paiia KE KUMU HAWAII ma ka mea Paipalapala a na Misionari, Honolulu, elua hebedoma hookahi pepa, o Wenede ka la e pai iho ai.
Eia ke kuai ana, hookahi makahiki $, 50, a na mea e lawe i ka pepa a pau.
OAHU: MISSION PRESS.---R. TINKER, EDITOR.
E. O. HALL, PRINTER.