Ke Kumu Hawaii, Volume II, Number 7, 30 March 1836 — Page 27
1836.) KUMU HAWAII. 27
makou e pae uka, luu nui ae la a nalowale iho la, aole la i ike hou ia.
Auhea oe? ua oluolu au no ka ea ana mai o ia mau ia nui noloko mai o ke kai no ka mea malaila ko makou pae koke ana iuka nei. Eia hoi kekahi noonoo ana o'u. I ko'u noonoo ana ua make paha makou ina he poe mano kela—aka he poe naia wale no ia---nolaila aole makou i eha ia lakou no ka mea he ia noho malie no ia.
NA KOHOLA.
Nui hoi na kohola i ikeia'e e makou ia holo ana mai; aole nae i pili mai lakou i na waa holo mamao wale no, a pae ola makou ia nei. Aloha mai na makamaka ia makou; a ua manao makou pomaikai makou i ka halawai pu hou ana me na hoahanau a me na makamaka o makou.
NO KA UA NUI.
Hai mai na makamaka i ka ua nui i loaa'i i Molokai nei ia makou i noho ai io. I mai lakou, Mea e ka ua. Mai lilo ka hale i ke kahawai no uka mai. Ma ke ao no ka ua ana, ina paha ma ka po ina ua piha ka hale. Nana no au, oiaio no he ua ano e no. Ua kohi na kahawai a hohonu—Ua piha no nae mai kela kapa a i keia kapa a hui mai la ka wai maluna. Ua paleia nae ka wai aole i komo mai i ka hale o makou. Na hoahanau, a na na makamaka i hooikaika lakou a pale aku i ka wai mai o ka hale aku; o ka pa wale no ka i hioloia i ka ua. Pomaikai makou i ko lakou kokua ana mai ia makou pela.
NO KA HOIKE.
Ua pau iho nei na kula o Molokai nei i ka hoikeia. Eiwa haneri kamalii ka i hoike mai a me na kanaka makua eiwa haneri a keu---o na haumana kamalii a me na haumana makua ke huipuia 1800 a keu. Ua maopopo i ko'u manao ua pakela ka maikai o keia Hoike mamua o na Hoike a pau a makou i loaa mai ai mamua.
KA HELU ANA O NA KANAKA.
O na kanaka a pau o Molokai nei. Ua pau i ka heluia---a ina he pololei ka helu ana Elima wale no tausani kanaka maanei a me na kanaka keu elima haneri. Ua helu mua ia koonei kanaka i ka makahiki 1834 a ma ia helu ana, eono no tausani kanaka ka i loaa. Nolaila ea, ina ua pololei ka helu ana ua maopopo ka emi ana o koonei poe kamaaina i elima haneri, i keia mau makahiki elua i hala iho nei. Aole nae i maopopo loa ka pololei o ka helu ana.
Aloha oe---a me kau a pau.
KA NAKUI.
O ka nakui ke kumu o na hana ma keia ao a me na kuhina. O ka nakui he hauoli, he makemake, he iini, he olioli, he hoomaopopo, he makalahia, he lia, he uluku: o ka hoolakolako i na mea e pono ai ke kino, he makaukau, he pololi ole, he anu ole, he imi, he noho lako, he nele ole, he kuko hala ole, he imi loaa, he kuonoono. O na hana pono a pau, na ka nakui lakou. DAVIDA.
KE KUMU HAWAII.
WENEDE, MARAKI 20, 1836.
NO KA MAKE ANA O NA KUMU.
He umikumamaha kumu misionari o ko makou poe luna misionari, i make i ka makahiki hookahi, i make ai o Kahuhipa, na kane me na waaine. Ua manaoia, maloko o ka Haku ko lakou hoomaha ana.
Ia makahiki no he iwakalua o na kumu misionari i haalele ia hana, na kane me na wahine.
Nui ke kihapai, he uuku ka poe hana.—Makemake ko makou poe luna misionari o hoouna hou i na misionari he kanaiwa i keia makahiki na aina a pau, aole hoi he umi i makaukau e hele, i ka wa i holo mai ai na moku ia nei. E pule oukou i ka Haku nona ke kihapai e hoouna hou i poe hana.
O Keiki, a me Mi. Lumiki, na kumu i hoi
aku, mai Hawaii nei aku.
Ua palapala mai o ko Binamu wahine kaikaina, Ma Harefoda, peneia, "Hele ae nei kuu kane a me na kamalii e halawai me Keiki ma, e pae mai ana ma ka moku mahu, a loaa o Keiki he kupapau." Oia wale no ka olelo a makou i lohe ai no kona make.
Mai make hoi o Mika Lumiki me ka mai e like me Kahuhipa. Ua pohala nae, ua palapala mai ia ua maha, aole hoi i nalo loa kumu o ka mai.
NO KE KINAI HEWA. Ua hui pu na wahine ikaika he nui no, ma Nu Ioka, e kinai me ka ikaika, i ka hewa o na kane a me na wahine i hehi wale i ke kanawai ehiku o Iehova. He mau misionari ko lakou a kinai pu ana i kela hewa nui. Papai iho kela mau wahine i kekahi pepa i keia mahina, i kela mahina, a hoolaha nui i ko lakou manao, a me ka lakou hana ana, a me ka hoike ka hewa a me ka make o kela poe i hoowahawaha i ko Iehova kanawai hemolele.
HALAWAI LOA MA WAIALUA.---Ua hoomaka ia i ka la 22 o Maraki nei . Eono la e halawai pinepine ai a hiki i ka la 28. Nui na kanaka i akoakoa ma ka hale pule ia mau la. Elua lau paha, ka poe malihini malaila. No Honolulu kekahi, no Ewa, a me Koolau kekahi. Elima kumu ma keia halawai; E- me kona, Pareka, Kemita, Iada, a me Kineka.
Eia no na pooolelo o na haiao, a me ke kamailio ana.
Tusede, Mar. 22.
He aloha ke Akua. 1 Ioane 14: 8.
E homakaukau oukou i alanui no Iehova, e hana i kona mau kuamoo i pololei. Mat.
3: 3.
Wenede, Mar. 23.
E ala ae oe, e ka mea e hiamoe ana, a ku ae hoi mai ka make mai, na Kristo hoi oe e hoomalamalama mai. Epeso v: 14.
No Mareta a me Maria. Luka x.
No kekahi kanaka waiwai a me ka ilihune.
Luka, xvi.
E halihali auanei kela mea keia mea i kona
luhi iho. Gal. vi: 5.
Tarede Mar. 24.
E nana i ke Keikihipa a ke Akua, nana e lawe aku ka hala o ke ao nei. Ioane. 1: 29.
O ko kakou Akua he ahi o hoopau ana ia. Hebera, xii: 29.
Heaha ka'u e hana'i i ola au? Oih. xvi: 30.
Heaha ka pomaikai no ke kanaka ke loaa ia ia keia ao a pau, a lilo aku kona uhane? Heaha hoi ka ke kanaka e haawi aku ai i uku no kona uhane? Mat. xvi: 26.
Feraide, 25.
Aia hoi, ko ku nei au ma ka puka o kikeke
ana. Hoike ana iii : 20.
Ua hiki mai ke kumu, a ke hea mai nei ia oe. Ioane xi: 28.
Ua lawe aku oukou i ko'u mau akua, a'u i hana'i .—Heaha hoi ka mea i koe ia'u? Lunakanawai xviii: 24.
Ano ka la e ola'i. 2 Kor. vi: 2.
No ke aha la oukou i make ai? Ezk. 33: 11. Satude 26.
Mai kinai i ka uhane. 1 Tes. v: 19.
No ka ahaaina mare. Mat. xxii.
He luaole ka hoopunipuni ana o ka naau he lawehala loa ia; nawai la hoi ka mea i ike? Ier. xvii: 9.
I kahi aole loa e make ko lakou ilo, aole loa e pio ko laila ahi. Mar. ix: 46:
Sabati 27.
E hoomanao mai oe ia'u, e ka Haku, i ka wa e hiki ai oe i ko'u aupuni. Luka 23: 42.
He mea weliweli ka' haule ana iloko o na lima o ke Akua ola. Heb x: 31.
Ke noi aku nei makou no Kristo, i hoolauleaia mai oukou i ke Akua. 2 Cor. v: 20.
KEKAHI POE KAAHELE.---Holo ae mai