Ke Kumu Hawaii, Volume II, Number 8, 13 April 1836 — Page 29
KE KUMU HAWAII.
HE PEPA HOIKEIKE I NA MEA PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia na aina."
Buke 2. HONOLULU, OAHU, APERILA 13, 1836. Pepa 8.
E mau aku hoi ke aloha hoahanau. Mai hooki i ka hookipa, no ka mea, malaila no kekahi poe i hookipa ai i na anela me ka ike ole aku.---Hebera 13: 1, 2.
O ABERAHAMA A ME NA ANELA.
E nana oukou, i keia kii palapala nui.
Hookahi hale, hookahi laau nui, eha kanaka. Owai lakou?—Mahea la ko lakou wahi? Nowai ia hale neiĀ
He hale no kekahi kanaka maikai, ma Asia, i ka manawa kahiko. O Aberahama kona inoa. Ua noho oia malalo o ka laau oka, he laau nui."A noho iho la la ma ka puka o ka alelewa i ka manawa i wela mai ai a la. Nana aku la kona maka, ike ku la, oia hoi, ku mai la na kanaka kolu imua ona, ia ia i ike aku ai, holo ku la mai ka puka o ka halelewa e alawai me lakou, a kulou iho la ia ma a honua."
I aku la o Aberahama, E kuu haku, a i loaa mai ia'u kou aloha imua ou, mai hele aku oe mai kou kauwa aku ;—I laweia mai kekahi wai e holoi i ko oukou wawae, a e oioi iho oukou malalo o ka laau.
Na'u a lawe mai kekahi berena, a e hooluolu oukou i ko oukou naau; nolaila oukou i hele mai ai i ko oukou kauwa nei; a mahope iho oukou e hele aku ai.
I mai la lakou, Pela oe e hana'i, e like me kau i olelo mai ai.''
(E nana i KINOHI, MOKUNA xviii.)
O KE KULA SABATI.
Auhea oukou e na kanaka e makemake ana e hoomanao i ka la Sabati.
Eia ko'u manao ia oukou a pau, e hele oukou i ke kula Sabati, o oukou, na
kamalii, na kanaka ui, na kanaka makua, me na elemakule a me na luwahine, ka poe ilihune, a me ka poe waiwai, na'lii, a me na makaainana, na kamaaina a me na malihini, ka poe ike a me ka poe ike ole.
E lilo oukou a pau i poe haumana no ua kula la. E hiki no ia manao. Heaha ka mea hiki ole, heaha la hoi? O ka poe kula ole noho wale paha ka nui i ka manawa e kula ana, walaau paha, mawaho paha, ma ka hale paha, hiamoe paha kekahi, a puhi paka kekahi. Heaha ka pono? O ka hana ana me neia anei
O ke kula ana anei? O ka lilo ana anei i ka lapuwale? O ke ao ana anei i na mea e pono ai ka uhane? Ua lohe anei? oukou i ke kula ana ma ko makou aina ma Amerika? ka! nui loa na haumana kamalii no kolaila kula Sabati: aole o kanamai o ka nui.
A ke kula la lakou ma ka pono, ma ka olelo a ke Akua, a oia ka mea i hiki nui mai ai lakou ma o Iesu Kristo la. Ua lohe au ua huli mai na kumu a me na haumana he umikumamahiku tausani ma ka makahiki hookahi; eha no ia mano, a keu aku. He poe kumu kekahi; he poe haumana ka nui. He poe pono ole kekahi poe kumu ia lakou i hoomaka'i i ke kula ana, a mahope mai, hiki mai ka makau a me ka weliweli, a kaumaha iho la ka naau i ka hewa a huli io mai la i poe kumu naau hou. A o na haumana i huli mal, he poe kamalii ka nui o lakou, uuku no kekahi, a nui ae la kekahi. Heaha la ka mea i huli ai lakou ma ka pono? O ke ao pinepine ana i na mea i aoia'i ma ke kula Sabati; a o ka iho ana mai o ka Uhane Hemolele e hoopaa i ua mau mea la ma ka naau, oia ka mea i huli ai lakou i poe pono.
Ke manao nei paha kekahi o kakou he mea kupanaha ka ia, aole paha hiki