Ke Kumu Hawaii, Volume II, Number 9, 27 April 1836 — Page 36
36 KUMU HAWAII. (APERILA,
KAHI MELE.
HE HIMENI.
l Aloha na aina,
I ahulau i ka make;
Hiamoe mau i ka pouli,
Ma ke kae o ke ahi make mau.
3 Paapu pa mauna i ka ohu,
Lanipo ai ke ao nei;
Ohi mai ka manu o ke ao,
Ma na aina kalai kii.
3 Ua wehe mai kumu lani,
Ke alaula o ke ola;
Na pupu leo lea o ka uka
Hiilani i ke ola nui nae.
4 Ke lele mai nei ke ao,
Ke poo o ke kakahiaka;
Puka mai, puka mai,
E ka La nani ola mau.
5 Na manu o uka o kai,
Himeni hoolea no nae;
No ke Akua mana i ke ao,
No kuu Haku e ola nei.
6 Aiai ka hau i ka pouli,
O Maunakea i Hawaii nei;
Ua puka mai ka olelo ola,
No kuu uhane e ola'i.
Huli mai o Hawaii nei,
Holo i ka mauna i la;
Hoomakaukau e ka manao,
No ka Ekalesia mau.
Na'u na KAAUKAI.
Lahainaluna, 1836.
O KA HOOLE RAMA.
Honolulu Nov 26, 1835.
Eia ko makou manao maopopo maoli, e ike pono oe e Ke lii Kauikeaouli,
Ke nonoi aku nei makou ia oe, E oki loa ke kuai rama, a me ke kuai rama o na hale kuai rama, a me na kapuahi puhi rama; o keia mau mea wale no ekolu, ua manao makou aole e ilihune ke aupuni ke oki loa ia mau mea, no ka mea, ua hihia na kanaka a me na haole i keia mau mea ino, ua ike no oe i ka ona ana, i ka hakaka ana, i ka eha ana, a me ka make loa ana o na kanaka, a me ka make loa ana o na haole ma keia pae aina i kou noho malama aupuni ana i keia mea o ka rama;
Aole o makou wale, o kou poe kanaka ka ike i keia hewa; o kekahi poe alii moku no kekahi i ike i ka hewa oia mea, a no keia mau mea ua nui no ka poe i paaia i ka hao no ka hana ana ia mea, o ka poe kanaka a me na haole.
No ia mau mea, ua makemake loa makou e hemo loa aku ia mau mea, aole no ko makou pono iho keia hoomaopopo ana e hemo loa ia, no ka pono ou o Ke lii, a me na'lii a me na kanaka.
He nui loa no hoi makou ka poe i hoowahawaha i keia mau mea, nolaila e kau iho makou i ko makou poe inoa malalo o keia palapala hoole kuai rama, na kapuahi puhi rama a me na hale kuai rama ma keia pae aina.
E kauia no hoi kou ae io e hoole aku i keia mau mea, ke ike oe e Ke lii he mea kii e ole a he mea hihia nui ole no na kanaka a me na kanaka o na aina e mai ma kou aupuni nei e Ke lii.
A i ike oe i keia mea, e hoakaka mai i kou manao, i ike makou a i lohe hoi.
KINAU KEKAULUOHI
KEKUANAOA. KANAINA
ia ia ka noho AIKANAKA
PAKI
Ka poe i hooponopono
KEKAUONOHI KUHIA
DAVIDA KUHIA
KAHOLOWAA
Ka poe i kakau
IOANE Ii PUNIHAOLE
KELIIAHONUI KAAHA
KEKAPALA APII
O na inoa i kakauia ma keia olelo, ma Honolulu, 1964.
O ka poe hoole i ka rama ma Waialua, i Oahu; 846.
MAKE.
Ua make ma Bosetona, Aperila 25, 1835 Mr. Ioane W. Rogese, 46 kona mau makahiki. He kaikuaana ia no Mi. Rogesa, ma Lahainaluna. Ua makaukau oia e hele. Pomaikai ka poe i make iloko o Haku. KANEOHE, APERILA 14, 1836.
Holo mai, mai Molokai mai eono waa. Hookahi waa make i ka moana a me na kanaka elua, o Kahoaoka ka inoa o kekahi o Kaohihae ka inoa o kekahi. Holo mai a waena o ka moana loaa ka makani ino, kulele ke makani ua ola na waa elima, ua pae mai no hoi, o ke ono ua poho ilalo; ua pae mauka mai kekahi ukana o ua waa make la, o ka umeke a me kekahi uluna lauhala a me kekahi ukana e ae, aole nae i pae mai ka waa a me na kanaka, ua make laua.
B.W.P.
MARE.
MARE.
Feb. 7. Ua mareia e Mr. Diela Cap.Williama Baele me Ohuli no Kauai.
Mar. 2. Ua mareia e Mr. Diela Mr.Williama Burns me Ohuli no Waikiki.
NO KA POE I PAU I KE AHI.
KAUAI, Aperila, 1836.
I Maraki 26 ko kekahi, a i ke 30, o kekahi, ia malama hookahi no ko lakou pau ana. Elua mea i pau i ke ahi ma Kalalau. He kanaka nui kekahi a he keiki opiopio kekahi. Eia ke kumu o ko lakou pau ana i ke ahi o ka hoomau i ke ahi o kapuahi. O ke kanaka nui, ma ka lima kona pau i ke ahi, a o ko keiki, ma ka maka kona pau i ke ahi, a ma ka poohiwi kekaki pau i ke ahi, a o kekahi keiki, maka ili ka pau ana i ke ahi paka. Ua pau ka ili o keia poe i ke ahi. Ekolu lakou i ke ahi, elua keiki, hookahi kanaka makua. Ke pii nei ke ahi baka i ka ili o kanaka.
Lapuwale, e ka puhi baka. Ua manao au, 10 i pau mamua i kela wa i ke ahi baka, a i keia wa ekolu lakou i mahunehune. Na OPIO.
MAI KANETONA MAI. Ua pau i ke ahi nui loa ekolu tausani hale o ke kulanakauhale, o Kanetona. Novemaba, 1835, ka wela ana.
NO NA MOKU.
HOLO MAI.
Aperila 20. Sappho, Saunders, mai Manila mai, 90 mau la ka holo ana.
Holo aku.
Aperila 9. Adeline, Buckley, i Iapana.
10. La Grange, Snow, i Nowete.
19. Wil. and Liv. Packet, Foster i Iapana.
" Howard, Worth, "
23. Convoy, Bancroft, Nowete.
Ua paiia KE KUMU HAWAII ma ka mea Paipalapala a na Misionari, Honolulu, elua hebedoma hookahi pepa, o Wenede ka lae pai iho ai.
Aia ke kuai ana, HOOKAHI MAKAHIKI 50 Keneta a na mea e lawe i ka pepa a pau