Ke Kumu Hawaii, Volume II, Number 9, 27 April 1836 — KAHI MELE. [ARTICLE+ILLUSTRATION]

KAHI MELE.

HE HIMENI.

1 Aloha na aina, I ahulau i ka make; Hiamoe mau i ka pouli, Ma ke kae o ke ahi make mau. 3 Paapu na mauna i ka ohu, Lanipo ai ke ao nei; Ohi mai ka manu o ke ao, Ma na aina kalai kii. 3 Ua wehe mai kumu lani, Ke alaula o ke ola; Na pupu leo lea o ka uka Hiilani i ke ola nui nae. 4 Ke lele mai nei ke ao, Ke poo o ke kakahiaka; Puka mai, puka mai, E ka La nani ola mau. 5 Na manu o uka o kai, Himeni hoolea no nae; No ke Akua mana i ke ao, No kuu Haku e ola nei. 6 Aiai ka hau i ka pouli, O Maunakea i Hawaii nei; Ua puka mai ka olelo ola, No kuu uhane e ola'i. Huli mai e Hawaii nei, Holo i ka mauna i la; Hoomakaukau e ka manao, No ka Ekalesia mau. Na'u na KAAUKAI. Lahainaluna, 1836.