Ke Kumu Hawaii, Volume II, Number 9, 27 April 1836 — O KA HOOLE RAMA. [ARTICLE]

O KA HOOLE RAMA.

Honolulu Nov 26, 1835. Eia ko makou manao maopopo maoli, e ike pono oe e Ke lii Kauikeaouli. Ke nonoi aku nei makou ia oe, E oki loa ke kuai rama, a me ke kuai rama o na hale kuai rama, a me na kapuahi puhi rama; o keia mau mea wale no ekolu, ua manao makou aole e ilihune ke aupuni ke oki loa ia mau mea, no ka mea, ua hihia na kanaka a me na haole i keia mau mea ino, ua ike no oe i ka ona ana, i ka hakaka ana, i ka eha ana, a me ka make loa ana o na kanaka, a me ka make loa ana o na haole ma keia pae aina i kou noho malama aupuni ana i keia mea o ka rama; Aole o makou wale, o kou poe kanaka ka ike i keia hewa; o kekahi poe alii moku no kekahi i ike i ka hewa oia mea, a no keia mau mea ua nui no ka i paaia i ka hao no ka hana ana ia mea o ka poe kanaka a me na haole. No ia mau mea, ua makemake loa

makou e hemo loa aku ia mau mea, aole no ko makou pono iho keia hoomaopopo ana e hemo loa ia, no ka pono ou o Ke lii, a me na'lii a me na kanaka. He nui loa no hoi makou ka poe i hoowahawaha i keia mau mea, nolaila e kau iho makou i ko makou poe inoa malalo o keia palapala hoole kuai rama, na kapuahi puhi rama a me na hale kuai rama ma keia pae aina. E kauia no hoi kou ae io e hoole aku i keia mau mea, ke ike oe e Kc lii he mea ku e ole a he mea hihia nui ole no na kanaka a me na kanaka o na aina e mai ma kou aupuni nei e Ke lii. A i ike oe i keia mea, e hoakaka mai i kou manao, i ike makou a i lohe hoi. KINAU KEKAULUOHI KEKUANAOA KANAINA ia ia ka noho AIKANAKA PAKI KEKAUONOHI KUHIA DAVIDA KUKE KAHOLOWAA IOANE II PUNIHAOLE KELIIAHONUI KAAHA KEKAPALA APII O na inoa i kakauia ma keia olelo, ma Honolulu, 1964. O ka poe hoole i ka rama ma Waialua, i Oahu; 846.