Ke Kumu Hawaii, Volume II, Number 15, 20 July 1836 — Page 49

KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia'i na aina."
Buke 2. HONOLULU, OAHU, IULAI 20, 1836. Pepa 15.

                Aole hoi i aloha mai, i kela ao kahiko, o Noa wale no kana i hoola ae, o ka walu no ia, e ao aku ana no ma ka pono, a hoopuka mai i ke kaiakahinalii maluna o kela ao hewa.—2 Petero, 2:5.

NO NOA MA.

                Olelo mai la ke Akua ia Noa, i mai la,
                E hele aku oe iwaho o ka halelana, o oe, me kau wahine a me kau mau keikikane, a me na wahine a kau mau keikikane me oe.
                E lawe pu mai me oe i na mea ola a pau me oe, i na kino a pau o na manu, me na holoholona, a me na mea kolo a pau e kolo ana maluna o ka honua; i hanau nui ai lakou ma ka honua, i hua mai a mahuahua maluna o ka honua.
                Hele aku la o Noa me kana mau keiki, a me kana wahine, a me na Wahine a kana mau keikikane me ia.
                A o na holoholona a pau, na mea kolo a pau, me na manu a pau, a me na mea hele a pau maluna o ka honua, ma ko lakou ano iho, hele aku la lakou iwaho o ka halelana.
                Hana iho la o Noa i ke kuahu no Iehova; lalau aku la ia i kekahi o na holoholona maemae, a o na manu maemae a pau, a kaumaha aku la i mohaikuni maluna o ke kuahu.

HE OLELO HOOIKAIKA.

                Auhea oukou, e na hoahanau, a me na makamaka, e nana oukou i ke aloha o ko kakou Haku o Iesu i na kamalii. Mareko l0: 14.
                Ike aku la Iesu, alaila minamina iho la ia, i aku la ia lakou, E ae aku oukou i na kamalii, ke hele mai io'u nei, mai hoole aku hui ia lakou, no ka mea, me lakou no ke aupuni o ke Akua.
                Nui ka makemake a Iesu i na kamalii, i mihi lakou.
                E na makua, e alakai i na keiki io Iesu la.
                Ua kauoha mai Iesu i na makua, mai hoonaukiuki i na keiki a oukou.
                Eia ko Iesu makemake, Luka 18: 14. E ae aku i kamalii uuku, e hiki mai io'u nei, mai hoole aku ia lakou, no ka mea, no ka poe meia ke aupuni o ke Akua.