Ke Kumu Hawaii, Volume II, Number 16, 4 January 1837 — Page 61
KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia'i na aina."
BUKE 2. HONOLULU, OAHU, IANUARI 4, 1837. Pepa 16.
ALEMANAKA, 1837.
Sabati Monede Tusede Wenede Tarede Feraide Satude Sabati Monede Tusede Wenede Tarede Faraide Satude
Ianuari, 1 2 3 4 5 6 7 Iulai, 1
8 9 10 11 12 13 14 2 3 4 5 6 7 8
15 16 17 18 19 20 21 9 10 11 12 13 14 15
22 23 24 25 26 27 28 16 17 18 19 20 21 22
29 30 31 23 24 25 26 27 28 29
30 31
Feberuari, 1 2 3 4 Augate, 1 2 3 4 5
5 6 7 8 9 10 11 6 7 8 9 10 11 12
12 13 14 15 16 17 18 13 14 15 16 17 18 19
19 20 21 22 23 24 25 20 21 22 23 24 25
26 27 28 27 28 29 30 31
Maraki, 1 2 3 4 Sepatemaba, 1 2
5 6 7 8 9 10 11 3 4 5 6 7 8 9
12 13 14 15 16 17 18 10 11 12 13 14 15 16
19 20 21 22 23 24 25 17 18 19 20 21 22 23
26 27 28 29 30 31 24 25 26 27 28 29 30
Aperila, 1 Okatoba, 1 2 3 4 5 6 7
2 3 4 5 6 7 8 8 9 10 11 12 13 14
9 10 11 12 13 14 15 15 16 17 18 19 20 21
16 17 18 19 20 21 22 22 23 24 25 26 27 28
23 24 25 26 27 28 29 29 30 31
30
Mei, 1 2 3 4 5 6 Novemaba, 1 2 3 4
7 8 9 10 11 12 13 5 6 7 8 9 10 11
14 15 16 17 18 19 20 12 13 14 15 16 17 18
21 22 23 24 25 26 27 19 20 21 22 23 24 25
28 29 30 31 26 27 28 29 30
Iune, 1 2 3 Detemaba, 1 2
4 5 6 7 8 9 10 3 4 5 6 7 8 9
11 12 13 14 15 16 17 10 11 12 13 14 15 16
18 19 20 21 22 23 24 17 18 19 20 21 22 23
25 26 27 28 29 30 24 25 26 27 28 29 30
31
HE MANAO O LAANUI.
Eia ko'u lohe a me ko'u ike no hoi ke hai aku nei ia oukou i ko'u poe hoahanau mua. I ke oki loa ana o ke kaua ana a Kamehameha, ilaila ko'u hanau ana mai. Lohe no wau he alii maikai, he hana pono ma ko ke kino maikai.
I ka wa i noho ai i Oahu, hoomahuahua ae la ko'u kino ilaila. Lohe hou au he aupuni maikai loa kona. Peneia kona leo i olelo ai i kona aupuni. Aohe mea nana e moe kau wahine. Moe no ke alii make no ia aole e ola; a Waikiki make io no kekahi alii, ko ia leo ona. Eia no kekahi o ia olelo hookahi ana e hele ka elemakule a me ka luahine a me ke kamalii a moe i ke alanui; aohe mea nana e kolohe. A eia no kekahi mau hana a'u i ike maka ai, he mahiai, he lawaia, he kukulu i luakini o na akua kii a me na akua hulumanu, o keia mau mea ana i hoomana aku ai. Ua like pu i ko na kanaka manao a pau loa he maikai. Pela no ka noho ana o na kanaka a pau loa iloko o kona aupuni, he hoolea ia ia me ke olioli aku i kona inoa me ke kapu, pela kekahi poe e paahana ai. O kekahi poe paahana ma na mea i hanaia e na lima kanaka. O kekahi poe he kau ia he kau ai. Pela ko makou ouli i ko makou mea nana i hana'i, a make aku la ia. Ili iho la kona aupuni ia Liholiho maluna la, o kona kahu malalo no ia. Ia Liholiho ai noa iho la makou, ai pu ke kane me ka wahine, o ko Liholiho aupuni ia o ka ainoa ana o keia pae aina mai Hawaii a Kauai. Ua haalele i ke kapu ona a me na mea a pau.
Ia ia hiki mai la ka olelo a ke Akua i Hawaii nei, he alii maikai no hoi. Ua ao no i ka olelo a ke Akua, aole nae i hoomaopopo i ka pono maoli, e ola ai. O kona kino no kana i hana ino iho a holo aku la ia i Beritania maluna o kekahi moku o kohala. A kauoha no i ka aina i kona kaikaina ia Kauikeaouli, a o na kahu no malalo. A make aku la laua ma Beritania a hoihoiia mai la ka laua mau kino i Hawaii nei ua make.
A lilo mai no hoi kona aupuni ia Kauikeaouli i kona kaikaina. Eia kona leo i olelo ai. "Eia ko'u aupuni o ka mea e ao i ka olelo a ke Akua no'u ia kanaka, o ka mea e ao ole, aole no'u ia, oia ka leo o ke alii i hai ai. Ua lohe na kanaka a pau loa. A mahuahua ae la ka olelo a ke Akua, ao iho la na kanaka a pau mai Hawaii a Kauai a me na alii a pau loa.
He alii maikai he ao i ka olelo a ke Akua, ua hai hele i ka olelo a ke Akua a me ke kanawai no hoi. Pela kana hai ana. A me kona kahu no hoi o laua ka i hele pu e hoolaha i ka olelo a me ke kanawai a me ke ola o Iesu a puni keia pae aina mai Hawaii a Kauai.
E pono ia kakou e na kanaka a me na'lii a me na wahine e lalau aku ko makou mau lima ia Iesu e hopu a paa me ka maopopo i ke kahiko o ko kakou uhane e ola ai, me neia no kakou e hopu ai ia ia, mai hoopanee aku.
Eia kekahi wahi manao ke hai aku nei ia oukou, e na hoahanau kane a me na hoahanau wahine, e hoolohe mai. E alawa like aku ko kakou mau maka, e nana mau aku ia Iesu i ke alanui o ko kakou mau aloha a me ka manaoio o kakou e hele ai i ona la. Ua i mai oia ia kakou, ''Owau no ke ala a me ka olelo io, a me ke ala maoli, aole kekahi kanaka e hiki aku ka Makua, ke hele ole mai ma o'u nei.'' Pela mai ko kakou Haku ia kakou a pau loa i ola ko kakou mau uhane