Ke Kumu Hawaii, Volume II, Number 20, 1 March 1837 — Page 79

1837.) KUMU HAWAII. 79

                3. Pehea la i mohala'i ko lakou makau?
                Olelo koke mai la o Iesu, "E hoolana oukou, owau no keia; mai makau."
                4. Heaha ka olelo a Petero ia Iesu?
                Olelo aku la o Petero ia ia. "E ka Haku, a o oe no na e olelo mai oe ia'u e hele aku iou la maluna o ka wai."
                5. Heaha ka olelo a Iesu ia Petero?
                I mai la kela, "E hele mai."
                6. Pehea iho la o Petero?
                Iho iho la o Petero mai luna o ka moku, a hele aku la ia maluna o ka wai e halawai me Iesu.
                7. Ua ike anei oe, mai keia palapala kii, ia Iesu laua me Petero maluna o ka wai?
                Ua ike no wau ia laua, e poho ana no nae kekahi.
                8. Owai la ka mea e poho ana i ka moanawai?
                O Petero no ia.
                9. No ke aha e hiki ole ai ia ia ke hele maluna o ka wai i ka olelo one a Iesu?
                A ike aku la o Petero i ka makou ikaika, makau iho la ia, a he paulele ia Iesu, no laila uuku kona akona pohoana.
                10. Nawai i hoopakele ia ia i ole ai ia e poho iho ilalo e make?
                Na Iesu Kristo.
                11. I ko Petero poho, ana pehea la i loaa'i ia ia ke kokua?
                Kahea aku la o Petero ia Iesu, "E ka Haku, e hoola mai ia'u:" a kokua koke mai no oia.
                12. No ka mana hea i hele ai o Iesu maluna o ka wai, a e hoopakele ai ia Petero a i hooki ai i ke kupikio ana o ka wai, me ka makani  ikaika?
                No kona mana iho i hana'i oia ia mau mea kupanaha.
                13. Ina ma kona mana iho i hana'i o Iesu ia mau hana kupanaha, o ke aha hoi oia?
                O ke Akua maoli no ia.
                14. A ike na haumana i ko Iesu mana, pehea ko lakou manao ia ia?
                Hoomana lakou ia ia, e olelo ana, "O ke Keiki io no oe a ke Akua.''
                15. E hoolohe mai anei o Iesu, a e kokua mai hoi ia kakou, i na manawa a pau, ke kahea pono aku kakou ia ia?
                E hoolohe io mai no o Iesu, a e kokua lokomaikai mai ia kakou, i na manawa a pau, ke pule pono kakou ia ia, no ka mea, ua olelo mai oia, "E noi, a e haawiia ia oukou." A, "ua kokoke mai ka Haku i ka poe i kahea ia ia."
                16. E poho anei kakou i ka make, ke kokua ole mai o Iesu ia kakou ka poe hewa?
                Ae; e poho koke no, e like me Petero, ke kokua ole mai o Iesu; nolaila e pono ke kahea koke aku kakou ia ia, "E ka Haku, e hoola mai o make ko makou mau uhane."
HE MAKUWAHINE.

KE KUMU HAWAII.
WENEDE, MARAKI 1, 1837.

                HALAWAI LOA MA EWA. Ua hoomakaia i ka la 11 o Feb. Eono la e halawai pinepine ai a hiki i ka la 19.

                HALE PULE MA EWA. Ua paa ia, a ua hoolaaia keia hale pule i ka la 14 o Feb. Ua hai aku Mi. Kemika i ka olelo a ka Haku i kela manawa.

                DIBELE WAHINE. Ua make ia ma Lahainaluna Feb 20. Iwakaluakumamawalu mau makahiki ona. Ua malama oia i ko ke Akua makemake me ke aloha. "Lana ka  manao o ka mea pono i kona make ana."

                MI. FOREBA MA. Feb. 27. Pae mai la mai Kaawaloa mai, Mi Foreba me kana wahine, a me ka laua mau keiki elua. Nawaliwali Foreba wahine,---a hiki paha ke loaa ka ikaika i ka holo ana.

                Ina i piha na ao i ka ua, alaila ua haule mai maluna o ka honua; a ina e hina ka laau i ke kukulu aku paha, ma kahi a ka laau e hina ai, aia no ia malaila.
                O ka mea i manao nui i ka makani, aole ia e kanu, a o ka mea i manao nui i na ao, aole ia e ohi.
                Me kou ike ole ana i ka aoao o ka uhane, a me na iwi iloko ka o opu o ka wahine hapai, pela no, aole oe i ike i ka hana a ke Akua, ka mea nana i hana na mea a pau.

KA PAPA O KA POE MAKE MA WAIALUA.

Waialua ka aina. 1836. Na keiki hanau. Na kamalii make. Na kanaka ui make. Na wahine ui make. Na elemakule make. Na luahine make. Ka hui ana o ka poe make.
Ianuari, 5 0 5 1 2 1 9
Feberuari, 1 2 0 0 1 0 3
Maraki, 1 2 0 0 1 1 5
Aperila, 2 4 1 2 1 2 10
Mei, 3 4 0 2 1 3 10
Iune, 2 5 0 0 1 1 7
Iulai, 0 2 1 3 2 0 8
Augate, 7 3 0 1 1 1 6
Sepatemaba, 5 5 2 0 3 6 16
Okatoba, 0 1 0 0 1 0 2
Novemaba, 4 3 0 0 0 5 8
Detemaba, 4 1 1 0 0 4 6
Pau loa, 34 32 10 10 14 24 90
                Ma keia papa, ua aneane like ka nui o ka poe kamalii make me ka nui o na keiki i hana ia; no ka mea, ua hui pu ia na kamalii a pau, i make, ina aole umikumamalua na makahiki o lakou.
                Eia kekahi mea kaumaha ma kuu naau; poe make la, aole o lakou komo maloko o ka hale pule e hoolohe i ka ke Akua olelo; ua make lakou mahope o ka naaupo. Aloha  ino. J. S. E.

"AKAHI WALE NO KUU IKE ANA I KA HEWA O KA PUHI BAKA."

                Ua wela kekahi hale ma Waialua nei i keia la; he hale ia o ka poe puhi baka.
                Ehiku o lakou, o ka poe noho maloko o ua hale la; he poe puhi baka lakou a pau.
                Ua hele ka nui o lakou; a koe mai na mea eha; elua puupuu, me ka wahine a me ke ke keiki. He mea kolo wale no ke keiki; aole hiki ia ia ke hele.
                Ma ka aina awakea, ua kii aku na puupuu i ka ai mawaena, a o ka wahine ua hele ia i ka holoi kapa. Koe mai ke keiki wale no ma ka hale me kekahi makamaka ona, he keiki opiopio no, elima wale no ona mau makahiki. Ua hiamoe ke keiki liilii; a aneane hiamoe kela keiki nui iki ae, a ua honi ia i ka uahi, a ua nana iluna, ua wela ka pili o ka hale, a ikaika loa ka aa ana Hoala  ae la oia i ke keiki liilii, a lawe ia ia mawaho o ka hale; pakele wale no laua i ka wela, pau no ka lauoho o ke poo o ua keiki nui la, aole nae pohole ka ili. Pakele wale no laua. Ike mai la o ua