Ke Kumu Hawaii, Volume II, Number 22, 29 March 1837 — Page 90
88 KUMU HAWAII. (MARAKI,
o ke Akua ia lakou, aole i ko makou. A pau ke kamailio ana ia lakou, pule iho la, a pau ka pule ana, hoi aku la na kanaka a pau i ko lakou wahi, a moe iho la makou i ka po. A ua iho la ka ua ia po, a i ka moa ekolu, hoala aku la au ia Wahinealii, a hele aku la maua e ai, a pau ka ai ana, hoi mai la maua a hoala aku la ia Tineka, a ala'e la ia, i mai la, "U'ao?''
"Ae; u'ao.''
I mai la ia, "Ua makaukau ka ai?''
Ae aku la maua, "Ae, ua makaukau, ua ai maua, a pau ka ai ana, hoi mai nei maua, a hoala aku nei ia oe.'' Alaila hoomakaukau iho la makou e pule aku i ke Akua i kona malama ana ia makou i ka po a ao, i ko makou wa i moe ai, a me ko makou wa i ala ae ai, i na wa a pule ana, wehe ae la ke alaula o ke ao, alaila hana iho la na noho o na lio a paa, alaila, holo aku la makou, a malamalama aku i kula, a hele aku la makou a hiki i Makapuu, iho aku la o Tineka, a me Wahinealii, ma ke alanui kahiko, a pii ae la au me kekahi mea e hele pu ana me makou ma ke alanui e hiki ai ka lio ke iho aku, a hiki i lalo i ka honua, ai iho la ka aina kakahiaka, a pau, hele aku la makou a Pahonu, e noho ana o Lono. Na PUNIHAOLE.
KAHI MELE.
NO KA POMAIKAI A ME KA POINO.
POMAIKAI ke kanaka ke hele ole ma ka olelo a ka poe aia,
I ku ole hoi ma ka aoao o ka poe hewa,
I noho ole hoi ma ka noho o ka poe haakei.
Aka, ma ke kanawai o Iehova kona olioli,
A ma kona kanawai oia i manao ai i ke ao a me ka po.
E like no ia me ka laau i kanuia ma na kahawai,
I hoohua mai i kona hua i kona manawa,
A o kona lau hoi aole e mae;
A o kana mea e h ana'i e pono ana no ia.
Aole hoi e like me neia ka poe aia;
Aka, ua like ia me ka opala i puehu i ka makani.
Nolaila, aole e ku ana ka poe aia ma ka ahaolelo,
Aole hoi ka poe hewa iloko o ka ka poe pono anaina.
No ka mea, ua ike mai la Iehova i ka aoao o ka poe maikai;
Aka hoi i ka aoao o ka poe hewa, e make ana no ia.
KANAWAI II.
Mai hana oe i kiikalai nou, aole hoi i ke kii i like ai me ko ka lani iluna, a me ko ka honua ilalo, a me ko loko o ka wai malalo i ka honua: mai kulou oe ilalo ia lakou, aole hoi e malama ia lakou Akua, he Akua lili e hoopai ana i kuakahi a i ke kualua o ka poe inaina mai hoi i ka'u mau kauoha.
Heaha ka ke Akua mea i papa mai ma keia kanawai?
Ua papa mai ke Akua i na akua kii a pau.
O ka poe kalai kii i mea e hoomama aku, ua hewa lakou.
O ka poe hoi i hoomana aku i na kii keia kanawai ia lakou a pau.
Ua like anei ka hewa o ka poe kalai i na akua kii me ka hewa o ka poe hoomana i ua mau mea la?
Ae. Penei ka ke Akua olelo, Halelu 115: 8. "Ua like ka poe nana i hana i na kii me ia mau mea; pela no hoi na kanaka a pau, ke paulele lakou malaila."
Aole anei he hewa e ae e like me ka hoomana kii?"
Ua nui na hewa e like me ko hoomana kii.
Ua kapaia ka puniwaiwai, he hoomana kii—Kol. 3:5.
Ua huipuia ka poe pule anana me ka poe hoomana kii---Hoikeana 22: 15.
Heaha ka hope o ka poe hoomana kii? E hoopaiia lakou a pau maloko o ka po. E nana i I Kor. 6: 9. Epeso 5: 5. Hoikeana 22: 15.
E hoomanao oukou, e ka poe heluhelu i keia mau olelo; he nui na akua e ae a na kanaka hewa e hoomana aku ai. Ina i kalai ole oukou i na kii na oukou, ua lilo oukou i poe hoomana kii, ina i puniwaiwai oukou; ina i puni kala, ina i puni lole, i na i puni holoholona: ina i puni lealea, i ka rama, i ka ona paha, a me na mea e ae he nui wale. Ina i puni oukou i kekahi o ia mau mea, ina ua like ko oukou hewa me ka hewa o ka poe hoomana kii—aole loa oukou e komo iloko o ke aupuni o ka lani.
J. S. E.
HELU 3.
EIA HOI KEKAHI HANA, I KA LA SABATI.
A pau ka ai ana, e lalau i ka palapala, a e ninau, ma hea la ka kumu olelo? owai ka mea ike? a o ka mea ike e hai mai oia, alaila imi i ka palapala, i ka okuna a me ka pauku, a loaa e noonoo e uka malaila.
Peneia e kuka'i; Nawai mai ia olelo? na Mose anei? na Paulo paha, nawai la? a ia wai la hoi, i olelo mua ia'i? i ka poe Iudaio anei? i ka poe Helene paha? i ka poe pono anei? i ka poe hewa anei? Ua hoakaka mai nei ke kumu i ke ano a me na manao maloko.
Heaha ka manao mua, ka lua, ke kolu, ka ha? ina nalowale i kekahi, e loaa hoi paha i kekahi. A ninau aku oukou kekahi i kekahi; pehea kakou? No kakou no la keia olelo. Ua malama anei kakou? aole paha ea. Heaha la hoi ka hope o ka malama ole? ka inoa he make ma ke ahi, oia iho la no.
A pehea? e hiki anei ia kakou ke hoomanawanui malaila? aole paha. A pehea la auanei kakou e pakale ai? Ua lohe ae nei kakou i ka mea e pakele ai. E hana kakou ea: e malama i ka olelo a ke Akua, e mili kakou i ka hewa, e manaoio aku hoi ia Iesu. E manao nui ma ka make, ma ka la hookolokolo ma kela ao pau ole, ma ka la nui ma ka po, a ma na mea a pau e makaukau ai kakou no ke ola mau.
Pela oukou e kuka'i ma ke kumu olelo, aole paha malaila wale no e heluhelu ai, a e kuka'i; ma kahi e kekahi, ma ka olelo a ke Akua no a me ka olelo like pu me ia. Ma kau wahi paha o ke Kumu Hawaii kekahi.
E heluhelu naau kekahi, me ka noonoo ana ma ke ano; a e heluhelu hoi ke kahi me ka leo, i lohe ka poe heluhelu ole a me ka ike ole.
Ina heluhelu kekahi me ka leo, aole paha pono ke heluhelu pualu: he walaau wale no paha ia; he mea lealea he mea pono ole hoi, aole ia he mea e naauao ai ke kanaka. L. L.
KA HOIKE KAMALII MA WAIMEA.
Ma ka hoike ana i na kamalii mamua aku nei; peneia ka nui
Ma Kohala, 1197
Hamakua, 507
Waimea, 193
Pau. 1,902.
Na kamalii ike i heluhelu, 477
Ikaika na kula kamalii i keia manawa. Pomaikai ke mau ko lakou ikaika. Na kula kanaka makua, ke ola hou mai nei no hoi ka! lakou, a me na hale kula kekahi.
E