Ke Kumu Hawaii, Volume II, Number 24, 26 April 1837 — Page 95
1837.) KUMU HAWAII. 95
KE KUMU HAWAII.
WENEDE, APERILA 26, 1837.
NO KA POE KUMU NO OREGONA.
Ape rila 8. Holo aku, mai Honolulu aku, o na misionari ewalu (Kauka Keokeo ma) i ka muliwai o Kolumebia. Ua holo lakou ma ka moku kia lua o Diana kona inoa, Hinckley ke alii.
Na Iehova lakou e hoomaikai mai, a e malama mai; na Iehova e kau mai i ka malamalama o kona maka maluna oiho o lakou; a e lokomaikai mai ia lakou. Na Iehova e maliu mai ia lakou a e hoopomaikai ia lakou.
MAI AMERIKA MAI.
Ape rila 9. Ku mai maanei kekahi moku kia kolu, Mary Frazier kona inoa, Sumner ke alii, mai Bosetona mai, 116 mau la ka holo ana.
Ua loaa ia makou na palapala lima, a me na pepa hoolahaike, he nui loa, a me kekahi ukana. Eia ka waiwai nui loa, o ka poe kumu hou, he kanakolukumamalua. O na kane, he umikumamalima. O na wahine he umikumamahiku. Elua o lakou na wahine kane ole.
Eia no ko lakou mau inoa, a me ko lakou wahi i noho ai ma Amerika.
O na kahuna pule, me ka lakou mau wahine.
Isaac Bliss, Virgil, N. Y.
Emily C. Bliss, "
Samuel T. Conde, Charlton, N. Y.
Andelucia L. Conde, Jericho, Vt.
Mark Ives. Goshen, Conn.
Mary Ana Ives, N. Guilford, Conn.
Thomas Lafon, M. D. Missouri.
Sophia P. Lafon, N. Bedford.
O ke kahuna lapaau,
Seth L. Andrews, Pittsford, N. Y.
Pamelly P. Andrews, " "
O na kumu ao.
E dward Bailey, Holden, Ms.
Caroline H. Bailey, " "
Amos S. Cook, Fairfield, Conn.
Juliette M. Cook, Sunderland, Mass.
Edward Johnson, Hollis, N. H.
Lois S. Johnson, Warner, N. H.
Harton O. Knapp, N. Greenwich, Conn.
Charlotte C. Knapp, " "
Edwin Locke, Fitzwilliam, N. H.
Martha L. Locke, Cornish, N. H.
Charles Mc Donald, Philadelphia, Penn.
Harriet H. Mc Donald, New York, N. Y.
Bethuel Munn, Benton, N. Y.
Lovisa C. Munn, Skeneateles, N. Y.
William S. Van Dazee, Gouverneur, N. Y.
Oral H. Van Duzee, " "
Abner Wilcox, Harwinton, Conn.
Lucy E. Wilcox, Norfolk, Conn.
Ka malama waiwai.
Samuel N. Castle, Cleveland, Ohio.
Angeline T. Castle, Plainfield, N. Y.
O na kumu ao wahine kane ole.
Ma rcia M. Smith, Clinton, N. Y.
Lucia G. Smith, " "
Pomaikai na kumu hou i ka holo ana ma ka moana. Noho pu lakou me ka manao lokahi. Kokua mai ka makani. O ka Uhane Hemolele i noho pu me lakou. Ninau kekahi, o ka poe malama moku a me ka poe luina, "Heaha ka makou e hana ai, i ola makou,"--a ua manaoia ua loaa ia lakou ke kala ana o ka hala. Nani ko ke Akua lokomaikai ia lakou--a me kona lokomaikai i keia pae aina. Ua hoouna mai ia i ka poe lawehana ma kana kihapai ma Hawaii nei; e pule kakou ia ia e kokua mamuli o ka kakou hana. Hele na kumu hou, Ap. 12, e ike i ke alii i kahi o Kinau, ma ka hale kauila. Ua ae oluolu mai oia i ko lakou noho ana ma keia pae aina, e kokua mamuli o ka hana a makou i hoomaka ai.
NO KA WAHINE A ELI KEMIKA. Ua make ia ma Smyrna, Sepatemaba 25, 1836.
NA KUMU NO NA AINA POULI.
Holo na misionari ehiku,--eha kane, ekolu wahine--mai Bosetona aku i Batavia, Iulai 1, 1836.
Mi. Hope, Mi. Robina, Mi. Terazeli, oia no na kahuna pule. Mi. Teraki, he kahuna lapaau.
Holo Mi. Lada laua me Mr. Beniamina me ka lakou mau wahine mai Bosetona aku i Smyrna ma Kaiwaenahonua, Iulai 16, 1837.
Holo aku la Mi. Keokeo a me Mi. Iakobo me ka laua wahine, mai Baletimore aku i Aferika komohana, Ok. 31, 1836.
Make Mi. Samesona, he kanaka paipalapala ma Bomeba, Dek. 22, 1835.
Ua haalele Mi. Ilihune i kona wahi i noho ai mamua ma Kelona, a noho i keia manawa ma Madura.
Holo aku ke alii o KAUIKEAOULI ma i Lahaina, Aperila 12.
HOIKE MA HONOLULU, APERILA 19, na kula mai Waikiki a Moanalua.
Na kane, 406
Na wahine, 602
Na keikikane, 124
Na kaikamahine, 133
A pau loa-- 1265
Ua naauao kekahi; naaupo kekahi.
Makaukau na haumana a Kemita.
Auhea oukou, e na makua? Ehia makahiki a oukou i lohe ai, a heluhelu ai?
Ua hala na makahiki he umikumamahiku mai ka manawa o ka pae ana o na kumu mua, a hiki i keia la? Auhea oukou?
Ehia mau makahiki e koe ia oukou? Heaha ka hana e koe?
HE POE KOKUA.
Ke hai aku nei ka poe kumu hou i pae iho nei, ua haawi mai ke kapena a me na luina o ko lakou moku e holo mai ai, i na dala kokua he kanalimakumamaha, no ka hoolaha ana o ka olelo a ke Akua.
CARD.
The Missionary Company as a reinforcement to the Sandwich Islands Mission landed at this port, from the Barque Mary Frazier, (Capt. Sumner,) on the 10th inst, all in good health. They were favoured on thier passage out with pleasant weather, favourable winds and most excellent accommodations. Their voyage was short 116 days, and the kind and gentlemanly treatment of the Capt. the obliging attentions of the officers with the strict decorum and readiness to accommodate which was observed by all the crew rendered it such as to deserve and obtain the gratitude of all the passengers.
They also acknowledge the receipt of fifty four dollars, as a donation through them to the cause of missions, by the Captain and Crew of the Barque Mary Frazier.
HONOLULU, April 20th 1837.
Ka poe misionari e kokua mai i ko Hawaii nei poe misionari, ua pae iuka ma keia wahi i keia mahina i ka 10 o ka la, mai ka moku mai o Mari Feresia, o Kapena Sumena ke Lii me ke ola o ke kino o lakou a pau. Ua hoopomaikaiia mai lakou i ko lakou holo mai ana i na la oluolu, i na mahina maikai, a me ka makaukau loa o loko o ka moku. Ua hiki wawe mai lakou 116 na la o ka holo ana. A o ka hana lokomaikai mai o ke lii, a me na luna, a me ka hana pono ana o ko ka moku; oia ka mea e aloha aku ai ka poe a pau i laweia mai malaila.
NO KA HAUNAELE.
Ua hoi hou mai na mea kahiko ma Maui nei. I ka lohe ana o na kanaka ma Kaupo a me Kipahulu, ua make ke alii, nui loa ke kumakena malaila.
He lau kanaka ma Kaupo i hooukuia e na lunakanawai, no ka haunaele. Na wahine a me na kamalii, ka poe kolohe nui. Ua kui niho, ua kuni i ka ili ke ahi, ua moe kolohe, ua kakau, a me na mea like.
He mea kupanaha keia hana ana,