Ke Kumu Hawaii, Volume III, Number 2, 21 June 1837 — Page 5

KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia'i na aina."
Buke 3. HONOLULU, OAHU, IUNE 21,1837. Pepa 2.

NO KA DIA.

                Ua nui loa na holoholona i like kekahi ano me ko ka dia. Aka o ka dia maoli ka mea maikai o lakou a pau ma na helehelena ona.
                Ua loihi kona mau wawae, a ua uuku ua poepoe kona kino a ua maikai, a o ka dia kane ua kiekie kona poo, a he manamana, maikai kona mau pepeiaohao, he oluolu kona mau maka, he makaala loa.
                Ua ulaula kona kua, a ma na aoao, he hapa ka ula, a malalo o ka ai, a ka umauma, ua kokoke keokeo.
                Ekolu kapuai a me ka hapa kona kiekie, a eha kapuai kekahi. Elima kapuai kona loa, a eono no kekahi. Ekolu kapuai ka loa o kona mau pepeiaohao, a ua manamana.
                Ewalu no niho ko ka dia, ma ka iwi a lalo, aole niho ma ke a luna a he umikumamalua ona kui ma ke a lalo, a pela no maluna; a i huiia na niho a me na kui he kanakolukumamalua lakou.
                Ua loaa keia holoholona maikai, ma Europa, a ma Asia, a ma Amerika.
                E like me ko ka dia maikai ma na helehelena, pela no ia ma ka oluolu a me ka maikai o kana hana ana. Ina ike mai ia i ke kanaka, e holo mama no oia, aole hoi ia e hooeha mai i kekahi ke hahai ole ia oia.
                E hiki wawe no ke hoolaka ia ia , i kona wa opiopio, ke malama pono ia ia me ka lokomaikai. He mea kau wale ia, a ina hoolakaia, holo wale ia i ka ilio uuku, a me ke kanaka ana i ike ole ai mamua.
                Haule no kona mau pepeiaohao i kela makahiki keia makahiki, i ka malama o Maraki ka haule ana. A haule na hao kahiko, ulu koke no na hao hou. A hala na mala-