Ke Kumu Hawaii, Volume III, Number 7, 30 August 1837 — Page 25
KE KUMU HAWAII.
HE PEPA HOIKEIKE I NA MEA PONO AI KO HAWAII NEI.
"O ka pono ka me e pomaikai ai ka lahuikanaka; aka, o ka hewa ka mea e hoinoia'i na aina."
Buke 3. HONOLULU, OAHU, AUGATE 30, 1837. Pepa 7.
HE LEOPADI.
1. Ua kokoke like ka nui o ka Leopadi me ko ke Kouga. Ua oi iki aku no nae ka loa o ke Kouga a me kona puipui.
2. He olenalena ke kino o ka Leopadi, a ua kikokiko no nae. ua ahinahina olenalena kona ai. Ua kikokiko ma ke kua. Ma ke poo, a ma ka maka, a malalo o ka ai, ua ahinahina keokeo. A ma ka umauma ua keokeo ahinahina. Ua kikokiko kona kino a pau, he eleele na kiko.
3. Ua like kona mau helehelena me ko ke Tiga a me ke Kouga a me ka popoki. Ua uuku kona poo. Ua pokole kona mau pepeiao. Ua loihi ke kino, a ua haahaa.
4. O ka io maka kana mea e ai ai, o ka io o na holoholona i loaa ia ia ma ka ululaau. A i loaa ole malaila, hele no ia ma kahi kauhale e imi i na hipa a me na kao. A i loaa ia ia ka pa hipa, pau loa na hipa i ka make i ka po hookahi.
5. Ua like kona hopu ana i na holoholona me ko ka mea ano popoki a pau. Kolo malu ia a kokoke i kekahi mea, i ka holoholona paha, i ke kanaka paha, alaila lele no ia a paa ua mea la i kona mau niho a me kona mau maiuu oioi.
6. He mea hae loa ka Leopadi, he mea aloha ole. Aole e hiki ia ia ke aloha aku i kekahi mea e ae. O ka pepehi aku ka mea oluolu ia ia. Ina e loaa ia ia na holoholona, o kana hana no ia, o ka pepehi aku. Aole no ka pololi wale no kona pepehi ana. I kekahi manawa e pepehi aku ia a nui loa na mea make, alaila hoi wale, aole ai.
7. Ma Aferika kahi i loaa nui ai
na Leopadi. Ua loaa iki no hoi ma ka hema o Asia.
Lahaina, Iulai 19, 1837.
Ke hoakaka aku nei au ia oukou i na kula i hoike, i Lahaina nei, i kela manawa i hala aku nei. Eia ka hoakaka ana.
O ke kula o Olualu; o na keiki a pau 97.
O na keiki o ia kula i hoike ma na hua wale no, 24
O ka poe hoike la ka hookui, 33
O ka poe hoike ma ka heluhelu maoli wale no, 22
Ma ka helunaau, hoikehonua a me ke anahonua, 18
O ke kula o Okumehame; o na keiki a pau, 67
Ma na hua wale no, 25
Ma ka heluhelu wale no, 10
Ma ka helunaau a me ka hoikehonua, 18
Ma kahi mau palapala e, 14
O ke kula o Kahoolawe; o na keiki a pau, 20
O na keiki ma na hua, 11
Ma ka heluhelu maoli, 9
Pau ia mau kula i ka hoike i ka la 27 o Iune. A i ka la 28, hoike mai na kula kamalii o Lahaina nei.
O ke kula o Mi. Ogana; o na kamalii a pau o ia kula, 145 lakou.
He poe kaikamahine wale no.
O na kaikamahine ma na hua 45
O ka poe ma ka hookui, 20
O ka poe ma ka heluhelu a me ka
Helu kamalii, a me ka Ui kamalii, 37
Ma ka heluhelu, ka heluhelu, a me ka Hoikehonua, 43
O ke kula o na keikikane; o Moku ke kumu; 104 lakou a pau.
Ma na hua wale no, 48
Ma ka hookui, 21
Ma ka heluhelu maoli, 25
Ma ka heluhelu, ka helunaau a me ka hoikehonua, 10
A pau ia mau kula i ka hoike, i ka la 29, hoike ke kula a Davida Malo. Maloko o kana kula na hoahanau o ka ekalesia, a me na 'lii, a me kekahi poe e ae. Ma ka hoikehonua ka lakou hoike ana. A pau ia hoike, hoike iho la ka poe a pau i lawe i Ke Kumu Hawaii ma ia pepa.
O ka hoike kula ma Lanai, Iulai 3, 1837.
O na keiki a pau ma ke kula a Waimalu,42
Ma na hua wale no, 13
Ma ka hookui, 2
Ma ka helunaau a me ka hoikehonua, 27. He mau wahine opiopio kekahi o ia poe la ma ka heluhelu a me ka hoikehonua.
O ke kula a Pale; o na keiki a pau ma ia kula, 84
Ma na hua, 36
Ma ka hookui, 8
Ma ka heluhelu, 34
Ninauhoike, helu a me ka Hoikehonua, 9
Ma ka Hoikehonua a me Ke Kumu Kamalii, 10
Ma ka hoikehonua o Europa a me ka Helunaau, 5
O ke kula a Malulu; 21 kamalii ma na hua a me ka heluhelu lakou a pau. Elua kula kanaka makua no hoi i hoike ma Lanai; ma ka helunaau a me ka Hoikehonua ka lakou hoike ana.
A pau ia mau kula, hoike nui ka poe lawe i Ke Kumu Hawaii; 44 lakou.
Oia na kula i hoike ma Lahaina, a