Ke Kumu Hawaii, Volume III, Number 12, 8 November 1837 — Page 48

48 KUMU HAWAII. (NOVEMABA,

KAHI MELE.
OLELO A SOLOMONA.

                O keia mau mea eono, he mau mea e inaina mai ai o Iehova,
                Ehiku hoi e hoopailua ai i kona naau.
                O na maka kiekie, o ka olelo wahahaee.
                A me na lima hookahe koko hale ole.
                O ka naau e imi ana i na manao kolohe.
                A me na wawae e holo kiki ana i ka hewa
                O ka mea hoike hoopunipuni e hana ana i ka wahahee,
                A me ka mea pai i ka hakaka mawaena o na hoahanau.
                E kuu keiki e, e malama oe i ke kauoha a kou makuakane.
                Mai haalele hoi i ke kahawai o kou makuwahine.
                E hawele mau oe ia mau mea ma kou naau.
                E nakii oe ia mau mea ma kou ai
                I kou hele ana, ea, e kai aku ia ia oe.
                I kou moe ana e kiai oia maluna ou.
                I kou ala ana iluna, oia ke kamailio pu me oe.
                No ka mea, he kukui ke kauoha.
                He malamalama ke kanawai.
                O ka aoao o ke ola oia ke ao ana e naauao ai.

NO KEKAHI PUAA

Okatoba 10, 1837.
                Eia ko'u manao, i ike maopopo ai i ko'u wa opiopio. I ka wa ia Kamehameha ma Hawaii ma Kona, o ko'u wahi ia o na Poopoo, malaila ko'u wahi hanau ai."
                Hele aku la au ma kekahi aina ma Puna. Opihikao ka inoa o ia aina, malaila ike maopopo au i kekahi keiki i hanau pu ia'i me ka puaa, i ka waiu akau ke keiki kanaka: a o ka puaa hoi ma ka waiu hema. Kapa aku la na makua i ka puaa he keiki kanaka na laua: me kela keiki a laua i hanauia'i."
                Alaila nui loa ae la ua keiki la, nui pu no hoi me ka puaa: alaila hauoli iho la ka makuakane, a me ka makuwahine.
                Hoohiki iho la laua: Nui ae nei no ka kaua keiki. Alaila, kalua ka puaa, minamina iho la ka makuwahine i ka puaa. Kapa aku la ka makuwahine ia ia. Ua like no ka puaa me ke keiki: pue ikaika aku la ke kane, kaanini iho la kela i ka leho; Alaila ala e la ia luna.
                Alaila olelo aku la ia i ke kane. Ai hoopaa oe e ke kane? Kaawe au. Alaila, kalua iho la ke kane, a make ka puaa! okioki iho la ia i ka puaa; a haawi mai la ia'u, hoopailua aku la au.
                No ka mea, ua ike maka au i na mea haumia.
                He mea ia e poino ai na lahuikanaka.
                Ouu ka inoa o ka makuakane.
                Onaumu ka inoa o ka makuwahine."
                Omanaele ka inoa o ua keiki la.
                O na mea a pau e malama ana i ke kauoha a ke Akua.
Na'u na TOMA KAHEANA.

NO NA MOKU.

HOLO MAI

Oct. 7 Caroline, Wheeler, London, 36, 1350.
10 North America, Richards, 25, 1500.
14. Faun, Gardner, London, 22, 750
Rover, Reins, " 37 1/2, 1800
17. Ansel Gibbs, Pease, F. Haven, 22, 1400.
20. Jones, Dominis,
22. Averick Lawrence, N. Bedford, 15, 800
24. May Flower, Chase, 36, 2250.
25. Barelay, Barclay, 23, 1150.
" Rochester, Kinney,
28. Nautilus, Swift, 36, 2000
30. Boy, Barton 13, 400.
Nov. 1 Recovery, Green, 25, 1500.
Matilda, Swain, 14, 700.
Jefferson, Swain, 14, 700.
2. Orion, Coffin, 13, 500.
Nov. 2. Europa, Shaw.
3. George, Hammond, 17 mal. 675 ban
Hesper, Fosdvck, 35, 1100.
Enterprise, Winslow, 36, 1500.
4. Nye, Sherman.
Roman, Joy, 23, 2150.
6. Panama, Bunker, 22, 850.
 

O KA MAKE O KAIANUI.

                Eia kekahi kanaka, o Kaianui, kona inoa: pii aku la ia i ka auau, i ka pena, kona wahi i auau ai, lalau aku la oia i ka hee a ai iho la oia iloko o ka wai, i mai la Keoki: e ai pu me ka ai: i mai o Kaianui; he like no ka ia me ka ai. Ai uhauha iho la oia me ka lealea o kona kino. Aole paha i manao oia e make koke, hoi mai la lakou, mai uka mai, a hiki i kahi o Palu, hana iho la o ua o Kaianui, i mea ai na Keoki. A ahiahi loa iho la, i aku la o Kaianui, E hoi au, i aku la o Keoki, me ona wahi ohua na ka wahine.
                Hoi aku la ia me ka mai ole: a hiki i kona hale, kii aku la o ua o Kaianui i ka ipukukui, me ka mai ole o kona kino. A ala laua a hiki, iwaena konu o ka po, i ka hora umi. Moe iho la laua haule iho la oia ilalo ke alo. Nunulu iho la, a uumi i kona hanu, lalau iho la ka wahine, hoohuli ae la ia ia. Ua kaa kona onohi eleele. Ua hemo kona alelo iwaho. Make loa iho la eia, aole paha i minute kona make ana, kiiia aku la ke kahuna, nana iho la oia, i iho la, aole oia nei e ola: he kalo hoolaa ko ia nei mea i make ai. Iwakaluakumamawalu la i hala Okakoba, make oia. NAPIHO.
Novemaba. 1837.

HE PALAPALA A SOLOMONA, NO KANA HANA ANA.

                Hoonui au i ka'u mau mea i hana'i: kukulu iho la au i na hale no'u, a kana ihola au no'u i na mala waina. Ua hana aku la au no'u i no'u i na kihapai a me na wahi ululaau, a ua kana iho lau au i loko o ia mau wahi i na laau hua a pau. Ua eli iho lau au no'u i na punawai e hoopulu i kahi e ulu ai nau laau. Ua imi a ua loaa na kauwakane a me na kauwawahine, a ua hanau hoi iloko o ko'u hale na kauwa: a ia'u no hoi na holoholona nui a me na holoholona liilii he lehulehu a oi aku i ka ka poe mamua ma Ierusalema.
                Ua hoiliili no hoi au no'u i ke kala,

a me ke goula a me ka waiwai o na 'lii a o na aina hoi: ua imi ia'u a loaa kekahi poe mele kane, a me kekahi poe mele wahine, a me na mea e olioli ai na keiki a kanaka, he wahine a me na haiawahine.
                Pela, ua lilo au i mea nui a oi aku i na mea a pau i noho mamua ma Ierusalema: a o ko'u naauao, ua paa ia mea ia'u.
                O na mea a pau a ko'u mau maka i makemake ai, aole au hoole ia lakou: aole aua au i ko'u naau i ka olioli a pau, no ka mea, olioli ko'u naau i ka'u hana a pau; a oia ka uku no'u i ka'u hana a pau.
                Ua nana au i na mea a pau a ko'u mau lima i hana'i, a me ka hana a'u i hooluhi ia'u iho; aia, hoi, he mea lapuwale a pau a me ka luhi hewa, aohe mea e pono ai malalo iho o ka la.

                Make. Oka. 30. Mi. Makini ma Honolulu nei. Kanaonokumamaha kona mau makahiki. Ua noho ia ma keia pae aina na makahiki kanaha a keu.