Ke Kumu Hawaii, Volume III, Number 14, 6 December 1837 — Page 54

54 KUMU HAWAII. (DETEMABA,

like me ia wahi. Nui loa na hale i pau ku i ke kai, hookahi (100) paha hale i au aku i ke kai, ua nui loa aku paha aole nae i helu pono ia. Eia ka hoomaka ana o ka puka ana mai o ke kai, mamua ka maloo ana, a mahope pii mai la ke kai, a o ka poe i ike, hea aku la lakou, "Pau kakou i ke kai a pele. A kahe mai la ke kai e like me ke kahe ana o ka wai a lilo aku la na hale kokoke ma kahakai i uka, a me na mea maloko o na hale, a me na mea a pau, a hiki i kahi i emi mai ai ke kai, ili iho a na hale a me na kanaka a me na ea a pau, a lilo aku la kekahi poe i ka moana, a hoopakeleia kekahi poe maluna o ka moku okohola, a make no hoi kekahi poe. Aole nae i nui loa ka poe i make, he umikumamakahi wale no i make, he mau keiki kekahi, he mau kane kekahi, he mau wahine kekahi, hookahi nae hoahanau i make pu me ia poe, elua wale no la ona i noho ai maloko o ko Iesu ekalesia, oia kekahi o kela 31 o Keaweikekahialii kona inoa mai Laupahoehoe mai oia. He mea kupanaha ka hana a ke Akua i kona lawe ana i kekahi, a waiho mai no i ka nui, aole oia i hoopai mai a pau loa i ka make. Ina paha he manao luku kona, ina paha aole he mea hookahi e pakele. Aka o keia hana a ke Akua ma Hilo nei, he leo no ia e kahea mai ana i ka poe mihi ole a me ka hookuli, a me ka hoopanee i ka mihi. Ua hea mai ka leo o ke Akua maluna mai, a ma ka ilina mai, a ma kai mai, e ka poe hoomaloka o Puna a me Hilo, e huli mai oukou, no ke aha la oukou e hoopaakiki nei. Pela mai no ko ke Akua leo i kahea mai ai. Aole nae no keia mau moku wale no keia leo no keia pae aina no a pau ia leo.
                O ka poe i lawe i keia Kumu Hawaii e heluhelu oukou me ka noonoo. Ua hoolohe paha kekahi poe i keia leo, aole nae i akaka, aka ke hana nei no nae oia i keia wa, aole i pau kana hana, nui ka hana i koe.
                A i ka po aha laweia mai la na kupapau iloko o ka luakini elima, ekolu i kanu e ia, a ekolu no hoi i nalo loa aole i loaa. Eia na olelo i koe mai ka po akolu a hiki i ka la Sabati, oia pule hoomau. Ioane 1:36. Epeso 5: 14. Mataio 24: 44. Ioane 5: 40. Mar. 13: 36. I Korineto 6: 9. Epeso 4: 3. Mataio 6:14. Eia kahi manao paipai ia kakou, e ka poe e noho ana me ka lealea a me ka palaka, e ala ae e hoomakaukau o hiki mai ka make maluna o oukou aole i makaukau. Na KAAPA.
 

He wahi mooolelo hoike i ke kani nui.

                He kai nui ma Hilo nei i ka malama o Novemaba, i ka makahiki o ka Haku 1837. I ka hiku o ka la o ia malama. He pule hoomau ka makou ia mau la. A ia la, a hala ka hora eono a me ka maloo, hoi aku la a akoakoa ma kahi hookahi, a lilo ae la i pali nui kiekie me he pali maoli la iwaena o ka moana.
                Ia wa no, hele aku la kekahi poe i waho o kahi mau hale ma kahakai, ike ae la lakou, ua maloo ke kai, ua mimiki a waiho wale ka papaku o lalo o kakhi o ke kai i lana ai mamua.
                I ae la lakou, e! ka mea kupanaha, alaila holo kau la lakou e nana i ke kai, aole lakou i ike i kahi i lana ai o ke kai, alaila holo loa aku la kekahi mau mea o lakou a hiki iwaena moana, kokoke paha i ka hope o kekahi moku o kohola e ku ana.
                Ike lakou i ke kai e ku ana me he pali nui kiekie loa, alaila huli ae la lakou a holo hou iuka.
                Pii mai la ke kai me ka ikaika mahope o lakou, i ka hora ehiku, a uhi mai la maluna o na hale, a me na kanaka, a me na holoholona, a pau iho la kekahi mau mea ola i ka make.
                Ua pau he 66 hale mai Kanokapa a Kaahelu, ua make he 11 kanaka, eia ka heluna, elima keiki, elua wahine, eha kane, o ka poe i make i ke kai.
                Ua make pii me keia poe kekahi hoahanau, o Keaweikekahialii kona inoa, elua wale no la o kona noho ekalesia ana ma keia ao, ua kii koke ia mai no ia e hele aku, ua komo aku paha ia iloko o ka ekalesia nui ma ka lani, aole paha. Ua hiki mai ke kai me ka ikaika nui ke ana mai.
                Ua hookoia ka ke Akua olelo i ko Tesalonike 5: 2,3. (No ka mea, ua ike paka no oukou, e, o ka la o ka Haku me he aihue la i ka po, pela no ia e hiki mai ai. A i ka wa e olelo ai lakou, he pomaikai, he malu, alaila, loohia haakokohi la o ka wahine hapai, aole hoi lakou e pakele.)
                Pela no ka hiki ana mai o ke kai maluna o na mea a pau, aole lakou i ike ia mea, ua like ia me he aihue la.
                I kela wa, e hoomakaukau ana kekahi poe e pule aku i ke Akua, a e pule ana kekahi poe, a e heluhelu ana i ka palapala kekahi poe.
                A puka mai la ia me ka ikaika nui, a lilo koke iho la na hale a me na kanaka i ka pulewaia e ke kai,
                Hoolewaia aku la e ke kai kahi mau hale a me na kanaka, mai Waiolama aku a Hauna, malaila i kaiia'ku ai.
                Elua mea i make malaila, he wahine, a he keiki, pakele no ka nui o ka poe i pae malaila, ua pakele no malaila o Kanae a me kana wahine a me kana kaikamahine.
                Ma ka moana ka lilo ana o kana keiki kane uuku, a me kahi poe kanaka pu me ia, maluna o na papahale kahi o lakou i pakele ai, a pili i kahi moku o kohola e ku ana, malaila i ola'i lakou he umikumamakahi, elima wahine, eono kane.
                Ua pae no iuka kahi poe, o Kauwale ma ka moana kahi.
                Ua hiki mai keia mau mea i ka hora hookahi e like me ka mea i oleloia ma ka Hoikeana 18: 19. O kela kulanakauhale nui, o Babulona; ke kulanakauhale ikaika, i ka hora hookahi, ua hiki mai kou hoopai ana.
                Pela i lilo koke aku ai keia mau mea, na hale, na holoholona, na waa, a me na mea a pau i pili mai i ke kino, a me ke ola mai loko aku o kahi poe.
                Pela no i lilo aku ai kela loko o Waiakea, i ka hora hookahi no i lilo aku ai keia mau mea a pau. BARENABA.
 

KAI MIMIKI.
Wailuku, Nov. 8, 1837.

                Eia keia mea hou ma Wailuku nei. He mea kupanaha loa. Ua pau kekahi kulanakauhale o makou i ke kai. O Kahului ka inoa o ua wahi la. I ka po nei ma ka hora 7 paha kona hina ana. I kinohou, mimiki aku la ke kai, a hiki iwaho he 20 anana paha, a ku iho la e like me he pali la. Moe wale no ia ma ka lepo, aole kai. Aia no malaila ka moku o Kuakini e ku ana iloko o ke ka emi ana o ke kai, a hea nui aku kekahi poe me ka makau. Aole nae holo aku lakou iuka, me ka manao e pii mai ana lakou iuka, me ka manao e pii mai ana ke kai maluna o ka honua. Noho lakou a liuliu iki, a o ka hoi hou mai no ia o ke kai e like me he nalu nui la; pii mai la maluna o ka honua, a holo mauka i 100 anana paha. Eono, ewalu paha, kapuai ka hohonu o ke kai maluna o ka honua ma kela wahi. Pau loa kela kulanakauhale i ke kai i pii mua mai. Hookahi wale no hale i koe, e ku ana ma kahi kiekie iki, 26 na hale i pau i ua kai nei, a aia pau na waa i ka nahaha, hookahi wale no koe, ua nui na haha, hookahi wale no koe, ua nui na upena i haehaeia. Ua helelei liilii ua mau hale la no kela wahi keia wahi, iloko o ka loko kekahi, a maluna o ke one kekahi.
                Elua wale no mea i make i ke kai. He mau luwahine. Pii kekahi o laua la maluna o ke kua o kana keiki, e au ae, aka, ua make i ke anu paha. He