Ke Kumu Hawaii, Volume III, Number 22, 28 March 1838 — No ke kakaulima. [ARTICLE]

No ke kakaulima.

Hilo, Novemaba 25, 1837

Manomano ka maikai o ka ike i ke kakaulima. Aole hoi i loihi ka loaa ana ke hoao a hooikaika. Hiki no i ka poe elemakule, hiki no i ke keiki nuku, hiki no i na wahine a me na mea lima a pau loa. Eia kekahi pono o ke kakaulima. O ke kakau i ka manao a paa ina ka pepa a lilo i palapala e ao aku ai ia hai e like me ka Hoikehonua, a nie ke Anahonua, a me ka olelo a ke Akua. O ka palapala aku o kekahi kanaka i kekahi ma kahi loihi aku, a maopopo ka manao. He mea lealea no hoi ke kakaulima, ke manao ae kekahi pela. He mea waiwai ke kakaulima, a he mea hanohano hoi, a he mea hoi e pono nui ai na kanaka, aia i ka manao o ka mea nana e palapala aku. Eia kekahi mau mea. e pono ai ke kakaulima I 0 ka pepa maikai nakolo ole i ka inika. 2 O ka pahi koli peni oioi loa. 3 He rula, oia ka laau e hoopololei ai i ke kaha.

He mau hulu, hulu nene paha, hulu pelehu paha. He pepa palapala, i ole ia he pa- . hupalapala, he papa e like me ka papaaina. 7 He ipu inika. Eia ka mea e ao mua ai. O ke kolikoli hulu a maikai ka peni. Penei keano. 1 ka hoomaka ana e koli i ka hulu, e lalau iho ka lima i ka hulu. e oki kapakahi ma ke kua o ka hulu; a pau ia, e hoohuli ae ke alo o ka hulu, a oki kepa iho e like me kela oki ana mamua, , e hoonui iki aku nae keia. I ka pau ana oia, hoohuli hou ke kua, alaila, e ma- ■ hele iki iho ka pahi i nahae ae ka maka o ka hulu, a i maikai ai hoi ka wai o ke kakau ana; aka i manoanoa ka maka o ka hulu e kolikoli pahi aku, i lahilahi iki ai, a pau ia haua ana e hoohuli ae i ke alo a koli iho ma kela aoao ma keia aoao i oioi ai ka maka; a pau ia koli ana, e paepae ae ka maiau o ka manamana nui ma lalo ae o ka maka o ua hulu la. Alaila, ooki a pahuiho la ka pahi ma kahi winiwini o ua hulu la i poe, a i mimo, a maikai ke kakau ana. O ka hope loa o ke koli ana i ka hulu e hoʻohuli hou ae ke alo, akoli iki i ka pahi ma ka puʻukole nui o ke oki mua ana, ma ke alo, maluna o ia oki ana e koli hou ai ʻoia hoi ka mea e mimo loa ai. 1 ke kakau ana, ea, e noho pololei i luna ke kino, mai moe ilalo ma ka moena, aole hoi e hilinai nui ma ka papa palapala. E kahakaha me ka lima mama. E nana pinepine i ke kumu a e hoohalike a like loa. I ka palapala ana mahope o kēia buke kakau lima; penei ka hana ana. Ma ke I e hoomaka ai a e hoomanawanui malaila a maikai kela kaha a me kona pela ana malalo e like me ke kumu. Alaila, e kakau hou mahope o ka 2 a like loa ia me ke kumu. Alaila, e kakau hou mahope o ke 3 a maikai, a pela aku no a hiki i ka 11. Alaila, e hui pu ia mau kaha a lilo i poe hua e like me a, e, i, o, u. I ke kakau ana, e hookaawale pono i na huaolelo a me na huaolelo. Mai hui pu i kekahi mau huaolelo okoa i huaolelo hookahi, aole hoi e hookaawale i ka huaolelo okoa a lilo i mau huaolelo elua. E malama hoi e kau pono i na hua nui ma ko lakou wahi ponoi; aia ma ka piliolelo ka hoakaka ana. Eia kekahi mau hua e kakau ai. Akamai ka mea kakau pololei loa. Enaena na ahi o Kilauea i Hawaii. huoimo? na hoku i ke po aeae. Ono ka hewa i ka poe hana kolohe.

Ulu Ka news kepioka maikai. Eia kekahi. Apopo e make paha. E mihi oukou i ola. I ka lani ka olioli. Ololi ke ala e ola ai. Laula ke ala e make ai. He mea ino ka hewa. He mea maikai ka pono. Kakaikahi nae. Lapuwale ka naaupo. Make ka uhane ola. Noho wale he hewa ia. Pili ka hewa i ka ino Pili ka pono i ka maikai. Wahahee he hewa ia. Hoopunipuni he hewa ia. Aihue he hewa ia. Moekolohe he hewa ia. Kuko wale he hewa ia. Hoopalaleha he hewa ia. Eia kekahi. Berena he mea ai. Diabolo he uhane ino. Eiku he hua ai ia. Gaberiela ka lunaanela. Roma he kauhale nui. Samesona ka ikaika. Talena he waiwai ia. Vinega he wai awahia. Zizania he hua ino. Eia kekahi wahi manao oʻu ia oukou, e ka poe e heluhelu ana i keia olelo. E heluhelu oukou me ka noonoo pono i ke ano o na hua olelo i hoakakaia ma keia palapala. E ala e ala, e aahui ka ikaika. "O wai ka mea i loaa ia ia ka wahine pono. Aka i hoolohe ole oe i ka leo o Iehova kou Akua, e malama, a e hana hoi i kana mau kauoha a pau, a kona mau kanawai aʻu e kauoha aku nei ia oe i keia la; alaila e ili mai ai maluna iho ou keia mau poino a pau, a loaa aku oe ia lakou. E poino oe ma ke kulanakauhale, e poino hoi oe ma ke kula. E poino oe i kou komo ana iloko,e poino hoi oe i kou hele ana iwaho. O ke kanaka i ao pinepine ia a hoolea i kona ai, e make koke ia aole mea e ola'i. O ke kanaka e ake ana i ka naauao, hoohauoli oia i kona makuakane. Na Iehova e hooili mai maluna iho ou ka poino, ka weliweli, a me ka hoino ma na mea a pau a kou lima e lawe ai e hana, a e luku ia mai oe a make koke oe; no ka hewa o kau hana i haalele mai ai oe ia'u. Mai haawi aku i kou ikaika i na wa hine, aole hoi i kou aoao i ka mea e make ai na alii. Na'u keia wahi manao. Na'u na Haanio.