Ke Kumu Hawaii, Volume III, Number 23, 11 April 1838 — Page 92
92 KUMU HAWAII. (APERILA.
kapu ka puaa o Kohala, o Hamakua, o Hilo, o Puna, o Kau, o Kona nei, na na'kua kii. Eia na heiau no na kua kii, o Mookini, o Honuaula, o Kanoa, o Wahaula, o Punaluu, o Hikiau. I ka manawa e hookupu ai ka puaa, ina i nele ka aina i ka puaa o ka hemo no ia; i ka la e kapu ai ka heiua, o ka puaa o, ke kanaka lawehala, mohai aku la ia i kona akua. Penei kana mohai ana, Eia ka puaa, e ke akua, a me ke kanaka, na'u na ka lani, e ola, molia i kipi aina, e make, amama ua noa. Alaila kau aku la i ka puaa a me ke kanaka i luna o ka lele. O ka puaa ua kapaia he akua no ka poe mahiai i ka wa wi. Penei ka lakou pule, E kane puaa, e eku iuka, e eku i kai, e eku i waena nei o kaua, e kane puaa, ua noa. Nani ka lokomaikai o ke Akua i kona haawi ana mai i ke kanawai akahi. Aole ou akua e ae imua o ko'u alo. E ka puaa, ua noa i keia manawa ua aiia e ka wahine, o ka puaa oia ka mea e oluolu ai ka naau o konohiki ai aina, a me na'lii no hoi, a me na lanakanawai hoi i keia manawa. Ina aole he puaa a ke konohiki he poi wale no i ka wa e hiki mai ai kona haku aina, he lii paha, aole loa oluolu iki kona naau i ka nele o ka puaa, he poi wale no, ina paha e moekolohe ua konohiki la ikeia kana mau puaa nui ekolu, no ke kanawai, ekolu hoi a ka wahine; ina eha moekolohe he kanaono na kala noloko mai o na puaa 12; o na hewa e ae hoi pakahi ka puaa no ke kanawai, o ke kanawai ua kapaia he aina puaa.
Nani ka lokomaikai o ke Akua i kanaka o Hawaii, i kona haawi ana mai i ka anoano ipu, i ke kanu ana a ke kanaka a ulu a mai la, he umeke, he huewai, he hokeo: o ka umeke oia kahi e waiho ai o ka ai; o ka hue hoi oia kahi e waihoia o ka wai: o ka hokeo hoi oia kahi e waiho ai o na wahi kapa a me na wahi malo. Nani ka lokomaikai o ke Akua. Nani ka pomaikai o kanaka molowa o Hawaii nei i ka loaa wale ana mai o keia mau mea aole i hanaia e na lima o kanaka, aohe kamana, aohe kupa, aohe pokela, ma e nei. Nani ka lokomaikai o ke Akua.
Na SOLOMONA.
NO KE KANAWAI O KE KULA.
Auhea oukou, e na kumu ao kamalii mai Hawaii a Oahu. Ua ikaika ka manao o ko makou Alii e kau i kanawai no ka makou mau kula, ua oolea ke kanawai, penei, ina i aua ka makua i kana keiki e pili no ia i ke kanawai o ke Alii; a ina o ke keiki i hele lalau, a nui kona mau kiko, e pili no ia ke kanawai o ke Alii. Aia i ka ke Alii hana e hana ai na keiki a pau. Eia keia kanawai no Kauai nei, o ke kapu ana o na lei Hawaii, ina i lei kekahi, a ikeia kona lei ana, e pili no ia ia kanawai
Na lei Hawaii, ka hala, ka malie, ka lehua, ka hinalo.
O na lei nahelehele a pau, ua huipuia ia mau mea a pau i keia olelo hookahi. Na AMARA.
KAHI MELE.
NO KE KEIKI MAKUWAHINE OLE.
1 Ke Akua e, e nana mai
'Ke keiki hua haule nei,
Nau no e hoonana mai ia'u,
O kuu waimaka, e hoopau.
2 E hoomanao a alu mai
'Kau keiki hemahema nei;
Ua makamaka ole wau,
Ua hewa, hune, nele no.
3 Eia no wau imua ou,
Popilikia, a luuluu,
Maliu mai, a lawe ae
I kuu kaumaha nui nei.
4 Nau no i lawe iho nei
I kuu makua aloha e;
Na ia la wau i malama'e,
Mai kuu wa no i hanau ai.
5 Ke ae nei au a hoomaikai
'Ka hana au i hana nei.
Nau i hoeha aloha mai,
I mea e pomaikai ai.
6 Pokole no kuu ola nei,
E Iesu, e hoopili mai,
Kuu makamaka i keia ao,
O kuu makua oia mau. L.L.
KA PALAPALA HEMOLELE.
Palapala hemolele!
Momi nani ano e!
Pomaikai ke keiki ike
Ia alakai maikai.
Na ia nei i hoakaka,
Ka ka Haku i hana'i,
A me kona mau kauoha,
A me kona kanawai.
Ua ao mai ia kakou e pule,
Pale i ka hewa a pau,
Kuhikuhi i ka lani,
Kahi o ke ola mau.
Palapala Hemolele!
Kei! ke kumu akamai!
Nana i hai ko Iesu make,
I alana e ola'i.
NO NA MOKU.
HOLO MAI.
Mar. 26. Suffolk, Allen, mai Bosetona mai, 139 la.
Nereide, Brotchie, mai Kolomehia mai.
27. Nile, Stall, Nubedefoda, 7 mal, 350.
28. Swallow, Fooughlin, Mazatlan, 27 la.
31. Superior, Crocker, Wilmington 26, 1200.
Aperila 7. Hurlequin - Mazatlan.
MAKE.
Ua make o HONOLII i ka la 21 o Feberuari. Oia ko kakou hanau mua, ma Amerika kona komo ana iloko o ko Iesu ekalesia, oia no kekahi i holo pu mai la me na kumu mua.
Ua noho ekalesia oia mai kona hoi ana mai, a hiki i kona make ana.
Aole i ikea kona hihia ana e na kanaka, aka, o ke Akua wale no ka i ike i kona naau.
Eia ke kumu o kona mai, o ka hano me ke kunu, ua loihi kona mai ana i keia mai a hala kekahi makahiki. Ua emi mai kona kino a wiwi loa, he like no kona make ana me ka hiamoe maoli.
I ka malama o Maraki i ka la 2 ua make kekahi hoahanau wahine o UNULAU kona inoa, oia kekahi i komo pu me kela poe 31. Alua hoahanau i make o ia komo hookahi ana, o Keaweikekahialii ka lua.
OAHU: MISSION PRESS. - R. TINKER, Editor. E.O. HALL, Printer.