Ke Kumu Hawaii, Volume IV, Number 5, 1 August 1838 — Page 17

KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia'i na aina."
Buke 4. HONOLULU, OAHU, AUGATE 1, 1838. Pepa 5.

NO NA MANU.
KE KASOWARI.

                He kamaaina ke Kasowari, o na mokupuni ma ka moana Iniana; a ua lawe mua ia mai lava i Europa, e ko laila poe kalepa. Ua loihi ka ai o ka Oseterika, a ua pokole ko keia; ua manoanoa kona kino, a ua kaumaha; uuku loa kona mau eheu, a ua uhiia laua i na hulu o ke kua.
                Maluna o ke poo, aia he wahi iwi eleele aneane like me he papale koa la, nolaila, ua kapaia ke poo o ke Kasowari, he poo mahiole. Ua nui na make, a ua lenalena hinuhinu hoi, nolaila, i ke nana'ku, he manu hihiu loa.
                Elima kapuai, eono paha, ke kiekie o ua manu nei. Aole hulu ma kona poo, a ma ka ai hoi; aka, ua ahinahina maluna, a ulaula malalo. He manu ikaika loa keia; a ua mama hoi i ka holo, me he Oseterika la; ua makau nae i kona poe enemi, a ua hilinai nui oia ma kona mama, aole ma kona ikaika iho.
Na'u na E. O. H.
 

HILO, FEBERUARI 14, 1838.

                A haia ka ahaaina a ka Haku, hoakakaia he mau pule hoomau ma Puna. I ka 9 o ka la, hoi aku la au ma Puna, ma ko'u haawina, e hoomakaukau e no ka pule hoomau. Ian H. I ka poaha, hele aku o Mi. Koana ma Keaau, a halawai malaila i ke ahiahi lulumi mai la na kanaka a pau o ia wahi, hai aku la ke kahuna pule i ka Iesu olelo, ma Ioane 9: 4. "E hiki mai auanei ka po; aohe kanaka e hiki ke hana ilaila, komo iho la keia pahi kaua a ke Akua iloko o ka naau o ia lahuikanaka, me ka nani o ka Uhane Hemolele; ua hoikeia mai ka manao o na naau lehulehu, iloko iho o lakou, i ka lohe ana o ia poe make i ka leo o ke keiki a ke Akua. Ua ikaika kana hana malaila, ua loohia ka poe aia e ka hoolulu nui; aole anei i ue haaloulou o Petero no kona hewa, e nana kakou ua hanu mai