Ke Kumu Hawaii, Volume IV, Number 16, 2 January 1839 — POHAKU LELE. [ARTICLE]

POHAKU LELE.

Aloha oe ke K. H. akahi no au na launa ia oe, a no kau ninau mai i na kamaaina no ua mea kani la i loheia ma Honolulu nei, i ka makahiki 1825 la, he oiaio, Owau no kekahi i lohe i ua mea kani la. Ma na la 25 la o Sep. i ka hora umi paha, lohe aku la wau ma ko'u hale i ke kakani ana me he pu kuniahi la, mao aku o Leahi i ko'u manao, me he pae pu kaupoohiwi la i ki lokahiia la nae i ka minute hookahi ke kakani ana. Kuhi aku la wau he mau moku kana e kaua'na la malaila; pii koke ae la wau i luna o ka pa hale e nana i ike ia mea. A i kuu ku ana iluna olaila e nana'na, lohe koke ae la wau i ka hihio anae o ka makani me he poka la, mai luna mai he kokoke ia'u, a koele koke mai la ma ke kua o ko'u mau hale ua pohaku la. Noonoo koke iho la wau i ka lele pono oile mai io'u la. Alaila naholo aku la makou i kahi i haule ua poka la, ike makou e paaia mai ana e kanaka kekahi apana, ua like paha me ka pupuu ana mai o na manamanalima a poepoe ka nui o ua apana la, a olelo kekahi poe, ua lele aku ka nui o na apana iloko o ka muliwai, a ike iho la makou i kahi i pa'i ua pohaku la, ua poopoo iho ka paapaakea. No ka helelei ana mai o na pohaku mai i ua mea kani mai la, he wawa nui maluna o Puawaina, no ka mea, ua helelei paha kekahi mau pohaku malaila, pela ia mai hoi. Aka, he hana kupaianaha no keia, no ka mea, ua kuhi aku au he moku e kaua ana, a

hiki mai ka poka *****, ua eleele o waho a he *** iki o loko i ko'u ike ana. Kakali ho'u manao a me ka nana'ku no hoi i ua mau moku kaua nei i ka hoea ae ma Leahi, aole loa he moku. He kupanaha loa keia hana ana mai la. Na'u na IOANE II.