Ke Koo o Hawaii, Volume I, Number 5, 10 October 1883 — Page 15
NA MEA HOOULU NOONOO.
He 1141 kapuai ka lele ana o ka leo i ke sekona akahi ma ke ea. He 4960 kapuai iloko o ka wai. He 11000 iloko o ka hao hoohehee ia. He 17000 iloko o ka hao kila. He 18000 kapuai iloko o ke aniani.
A mai ka 4636 kapuai a i ka 17000 kapuai iloko o ka laau. O ka avariga kiekie loa o kahi a ke ao e hiki ai ke ike aku me ka maka, aole e oi aku i ka 10 mile.
He pa 800 a me ka 16 ka oi aku o ka mama o ka ea, mamua o ka wai.
Ua pili no ma keia poo hookahi na mea Hoonui Ikaika, e laa ke Pokakaa, ka Holua, ka Une, a me ka Papae. A e komo pu ana ilaila na mea Hooulu Noonoo e ae.
Ke hoomakaukau nei o T. A. Lloyd e kukulu hou a paa i ka uwapo o Waialua Oahu nei. E laula ae ana a e hiki i ka lio me ke kaa ke hele maluna.
Ke hoolala ia mai la no ke kukulu ana i ka uwapo hou ma ka muliwai o Wailua i Kauai; a he eleu na nanaina; wahi a ko makou hoa mikiala James H. K. Kaiwi oia mokupuni.
Ninau mai la kekahi kumukula Sabati i kana mau haumana. "Heaha ka mea he mau niho konaaole nae i hoohana ia no na mea ai? Oiai na haumana e nune ana; ua pane koke mai la kekahi wahi Lelewa: He kahi lauoho. Pololei maoli.
Heaha kau mea hou, i ninau aku ai kekahi hele po i kona hoa. "Eia ka'u wahi mea hou: I ka wa i make iho nei o kuu wahine, ua onou mai la kela a me keia o ka ohana o kuu wahine i na kaikaina a me na pili o kuu wahine i wahine na'u; a i ka make ana iho nei hoi o kuu lio, aohe hookahi o lakou i haawi iki mai "Eia mai ko lio;" a oia keia o'u i loaa mai la ia oe e koele wawae ana i ka loa. Kakani ae la na aka!
Nane ae la kekahi kaikamahine i kona hoa kula. "Heaha ka'u mea lele, aohe ona mau eheu?" No ke ano mahaoi mau o Pinaau, ua wini koke aku la ia ia ka haina: He Pua pana.
"Pa no ne i i ka miloholu o Waiakea
E-o ana i ka nahele o Malio e ila-ila
Ilaila au i ka papap lohi o Maukele."
I ka wa a kekahi kanaka i komo aku ai i ka pa o kona ipo; he oki loa oia ma na mea kani hoolealea, e laa ka Pila, Ohe, Waiolina, a he oki loa pu hoi ma ka mele maoli ana me kona leo iho ma na mele hoinainau, o kahi hokiokio ano ole wale no kai loaa iaia. A i ua po nei ana i komo ai, ua hoomaka aku la ia e hokiokio me ke ano pupuka, a he nani nae iaia iho—oiai oia e hoomau ana i ka hokiokio, ua puoho like mai la na leo o na ilio o ka hale o ua ipo nei ana; a na ia mea i hoala i ka hiamoe o ka makuakane o ua ipo la, a holo mai e hahau me ka pauku laau. Ea! kupilikii maoli kahi hepa.
Ua hoike ae kekahi kilo kaulana i ka imi i na mea kahiko i kapaia kona inoa Carl Vogt "he keko o Adamu mamua aku o ka hana ia ana o Ewa, no ka mea, o ke Gorila he umikumamakolu ona mau iwi aoao, a he umikumamalua wale no iwi aoao o ke kanaka, ua unuhiia kekahi iwi aoao ona no ka hana ia ana i wahine."
Ua minamina makou i ka hoike ana mai o ka leta a ka makamaka E. D. W. o Hilo, ua kau hou iho la ka loohia ana o ka mai uluku pupule maluna o P. Haupu, a ke holapu hou ala oia. O keia ka Lunamakaainana elua o Hilo i ka 1882. Ua hoike pu mai oia no kekahi Popoki hanau kupanaha i hanau ia, 4 maka, 2 waha, 2 ihu. He nui ka ia ma Hilo iloko o kela mau la iho nei. Ua hoomalamalama ae ke Aliiwahine o ka lua i ka aina Ua Kanilehua iloko o na la i hala.
Hele aku la kekahi Kauka me kana haumana ao Kauka e ike i na mai ma ka Halemai. I ka ike ana o ke kauka i kekahi mai aole i hoolohe i kana olelo; nuku aku la ke kauka, "He keu no oe o ka mai hookuli, heaha la kou mea ai i ka Papaua?" A no keia mea, mihi mai la ka mai no kona hewa. Hoi aku la laua a ka hale, ninau aku la ka haumana; pehea oe i ike ai ua i ka Papaua? Pane mai la ke kauka, ua ike au e mokaki ana ka iwi papaua malalo o kona moe. Ma kekahi mau la mai, hoouna aku la ke kauka i ua haumana la e ike i na mai. A i kona hoi ana mai, hai mai la oia i ke kauka, he keu no kela a ka mai hookuli nui wale, hele aku nei au o ka ai ana iho no ia i ka lio. Ninau aku la ke Kauka, pehea oe i maopopo ai? Hai aku la ka haumana, ua ike au i ke kaulawaha a me ka noholio malalo iho o kona moe. Hu ae la ka aka i nei mau haumana a Kuauau.
O keia Kowa Hakahaka
UA WAIHO IA NO
DILLINGHAM & CO.
HE
Hoolaha Akea no keia Helu ae.
OLELO HOOLAHA.
E ike auanei na kanaka a pau ma keia Palapala, owau o ka mea nona ka inoa malalo nei, ka hope oiaio i hookohu ponoi ia ma ke Kanawai, no na waiwai o Tai Cheu o Honolulu, Oahu, a ma keia, ke hoike ia aku nei, ua hoopau loa ia ko Tai Cheu kuleana maloko o ka hui i kapaia o BOW HING CO., e ku la ma ke alanui Hotele, Helu 16, mamuli o kekahi palapala hoolilo i hanaia ma ka la 18 o Sept. M. H. 1883. E hoolilo ana i ke kuleana a pau loa no Kau Wang Cheu o Honolulu.
Owau no o TAI CHEU,
ma o Y. ALAU, kona Hope ma ke Kanawai.
Honolulu, Oct. 8, 1883. [1t*]