Ka Lanakila, Volume I, Number 1, 1 July 1909 — KA HOME O KA LANAKILA. [ARTICLE]

KA HOME O KA LANAKILA.

E loaa ana Ka Lanakila ma ka poli pumehana o na ledo oiaio. Mai na omaka waiu mai o na makuahine makee kamalei Mai ka umauma mai o na makuakane pulama ohana. Mai ka home mai o ka ohana i poniia e ke aloha. Mai ka papaaina mai a na kamaiki aloha a hoolohe makua Mai ka waihona ike mai o ke keiki huli akamai Mai ke anaina mai o ka puali i makee i ka oiaio. Mai ka malu mai o na kumu ao hoonui naauao, Mai na« kuahu laahia mai o na hoomana. Mai ka waha mai o na elele hai evane]io. Mai na kapuai mai o ka mea kukala i ka Nu Oiaio. Mai ka puuwai mai o ka mea i hoowehiwehiia me na hana aloha i ka hoakanaka. Mai na kahawai, na puu, na kuahiwi, na mauna a mai na kula uliuli mai o keia Ao. Ke hele pualu a puukiuki mai nei Ka Lanakila. He Auna nui elike me na hoku o ke Aouli. Ae, oia la e Hawaii Lahui. Hookipa aku a aahu iho. —G. K. K.