Ka Lanakila, Volume I, Number 1, 1 July 1909 — KA WEHEWEHE MOEUHANE A ka Madame de Barose, ke Kilokilo Ouli Kamahao a Kaulana o na Palani. [ARTICLE]

KA WEHEWEHE MOEUHANE A ka Madame de Barose, ke Kilokilo Ouli Kamahao a Kaulana o na Palani.

(Unuhiia e ka Anela o Mekiko^ B ka makamaka nui a maikai, ke waihoia aku nei imua ou na wehewehe ana no na mea e pili ana i kela ame keia moeuhane, a oiai, o oe no ka lunakanawai no ka wae akahele ana i ke ano maoli elike me na hoike pakahi malalo iho nei, nolaila, i ku i ka i-i a loko, hoomanao iho ua pono; a i kapae ka pono ua hemo ma ka apua, alaila, hoomanao iho ua i'keia ka ia a Umiamaka he one a-e oloko. E ka makamaka heluhelu o KA LANAKILA, e hoomanao he oiaio ka moeuhane i kahi wa, a aole nae i na wa apau. Aka, e hoomanao nae he mea io ka hoike a ka moeuhane i kahi wa. KOKUA ANA. O ka moeuhane ana ua ike aku oe 1 kekahi mea a mau mea paha e noi mai ana i kau mau kokua ana aku, a ua hoole aku oe i ua noi la, alaifa: he hoike ana mai ia i kou makemake nui ana e loaa mai kekahi mea au i li'a nui ai, eia nae; aole e ko ana ia manao ou; aka, o ka moeuhane ana, ua kokua manawalea aku oe elike me ka mea i noiia, he hoike ana ia o ka hauoli nui; a he ola loihi no hoi. KUAHU. O ka loaa ana o ka moeuhane *a oe, ua ike aku oe i kekahi kuahu, he hoike ana ia i ka pomaikai ame ka hauoli. HELEUMA. He hoike ana mai ia i ka manaolana nui no ka holopono o kau mea i makemake ai e hana aku, a e loaa mai ai paha. HUA APALA. O kou ai ana i ka hua apala maikai, he hoike ana ia o ka hauoli, ka pomaikai ame ka oluolu; aka, ina i kou ai ana a he awaawa, alaila, ua maikai ole ka hopena o ka moeuhane. EKAKE. I kou ike ana i keia holoholom» ma ka moeuhane, he hoike ana mai ia e ulu mai ana he mau manao uluku maikai ole iloko ou. Ina ma ka moeuhane ua lohe aku oe i kona uwo ana, lie hoike ana ia o kou poho ma kekahi hana. I iko aku oe he ekake e hoounaunaia ana e 00, he ikaika a hoolohe. he hoike ana ia no ka nui o kou mau hoaloha. AHAAINA. Ina o oe kekahi ma kekahi ahaaina a papaaina paha, he hoike ana ir. o ke kulana maikai, ka holomua ma ka\» hana, a i ole, ma kahi mea paha au i makemake ai. ' MELI. O ka ike ana i ka meli hana hone, he hoailona maikai ame ke ino pu: he maikai na, h? wina e loaa ana ia oe ina aole i lele mai ka meli e ki-ki ia oe, a]-a, he hoailona ihoino ke ki-kiia oe e ka meli, nolaila, o ka nalo meli he hoailona ia o ka enemi; a ke i\s.e oe he

hoike ana mai ia eia he mau enemi lehulehu ke hoohalua nei ia oe; aka, i luku aku oe i na nalo-meli a auhee mai ia oe aku, he hoailona ia o kou lanakila nui mi'luna o kou mau enemi. Ina ua ike aku oe i na nalo-meli e hana momona ana he hoike ana mai ia e loaa aku ana ia oe na pomaikai he nui, ka hanohano ame ka mahaloia mai; a he holopono no hoi no kau mau lawelawe oihana ana. KOKO. O ka moeuhane ua puka mai ke koko mailoko mai o kou waha, he moeuhane hoopomaikai mai ia i ka mea nana ka moe ina he nele oia, a no ka mea e, loaa koke aku ana iaia he huina dala mahuahua. He haawina maikai i ka mea keiki ole, a no ka mea, e hoohua mai no auanei kona puhaka he hua nana; a ina hoi he malihini noho ma ka aina e ka inea i loaa ai o keia haawina, e hiki koke mai no na la, e ike hou ai oia i kona one hanau. W\APA. Ina maluna oe o kekahi waapa ma ka muliwai a moana paha, a he lana malie a aiai ka wai, h'e hoike ana mai ia i ka pomaikai e loaa nui mai ana ia oe, he hauoli a he holopono no kau mau lawelawe oihana ana; a ina aole au hana, alaila, e loaa mai ana he hana kupono ia oe iloko o na la aole he nui Inu he okaikai ka muliwai a o ka moana paha, a he halepolepo pu hoi, he hoailona maikai ole ke halawai mai ana me ka *nea nana ka moeuhane. UWAPO. I hele kekahi maluna o kekahi uwapo popopo a nohaha, he hoailona ia o kona noonoo mau i kekahi mea me ka hopohopo a maka'u; a ina ma keia liele ana au maiuna o keia uwapo ua hina oe ilalō, he hoailona ia o ke poho e loaa mai ana ia oe ma kau hana e lawelawe ana. BIPI-BULU. O ka loaa ana ia oe o ka moeuhane o oe ka ona o kekahi bipibulu, he hoike ana mai ia 1 ka pomaikai e loaa mai ana ia oe ma ke dala, a ina he oihana kalepa kau e lawelawe ana e mahuahua auanei ka holomua. Ina ua ike aku oe i ka bipibulu e inu ana i ka wai, e pono oe e makaala i kou waiwai, a no ka mea, eia he enemi ke hoohalua nei no ka makemake ana e kaili i kou waiwai mai ia oe aku. BIPIKEIKI. O ka moeuhane o keia ano, he pomaikai no ka mea nana ka moe KAMELO. Ike i ke kamelo, a huakai kaahele paha maluna o na kamelo, he hoike ana mai ia, aole e loihi na la, e pii aku ana oe a noho ma kekahi kulana kiekie iloko o kou aina. KE AOULI. O ka moeuhane ua ike aku kou uhane i ke aouli keokeo, he hoiko ana mai ia i ka pomaikai ame ka lioloipua ma kau hana. Ina he ulaula ke an, he manaolana poho ke loaa ia oe no kau hana. [Aole i pau.]