Ka Lanakila, Volume I, Number 2, 8 July 1909 — KA LA HOOMANAO O KE KUOKOA O AMERIKA HUIPUIA. [ARTICLE]

KA LA HOOMANAO O KE KUOKOA O AMERIKA HUIPUIA.

Ma ka La Dominika i hala, ka La o kk Haku, oia hoi ka la 4 o Julai, i malamaia ae ai he mau anaina haipule hoomanao lehulehu maloko o kekahi mau luakini o kakou a ma na home no hoi, no ka alana ana i na leo hoomaikai imua o ka Makua Lani no ka loaa ana ia Amerika Huipuia o ka nohona kuokoa ana iloko o na makahiki he 133 i hala ae nei—ka aina i kapaia o "Ka Aina o ka Lanakila" ame <4 Ka Home o ka Wiwo Ole." 0 Amerika, kekahi o na aupuni holomua a pookela o ke ao nei i piha me ka ikaika, ka mana ame ka waiwai, ua kukuluia oia ma o ka makemake lokahi o ka lehulehu, a ua oleloia nona, he <f aupuni no ka lehulehu, ma o ka lehulehu, a no ka lehulehu. ,, u O ke aupuni i kukuluia aole ma o ka makemake ame ka leo lokahi o ka lehulehu, aole loa ia e mau iloko o ke kulana maluhia. ,, 0 ke Kumukanawai o Amerika Huipuia, ua hookahuaia ia no ka pono kaulike o na kanaka apau mai o a o. Mamuli o ko Hawaii nei lilo ana i Panalaau no Amerika Huipuia, ua komohia pu aku kakou ma ka hoomanao ana i ua la kulaia hanohano 'la o keia aupuni pookela. Ua malamaia na hana hookahakaha paikau ma ke kakahiaka Poakahi, Iulai 5, ua ma-ki ae na pualikoa kau-lio o ka Mahele 5, o lalo o Leilehua me ko lakou mau keiki ohe malūna o na lio, na pualikoa Hawaii e alakaiia ana e ka Eana Hawaii, na koa marina o ka puali pale kahakai o Kakaako, ma na alanui o ke kulanakauhale a hoea i ke kuea o ka Pa Alii, no ka hoikeike ana imua o Kiaaina Firia, Meia Fern, ame kekahi poe hanohano e ae. Mahope iho o ka pau ana o na hana hookahakaha, ua malamaia he anaina haiolelo maloko o ka Hale Mele Hou ma o ke alakai ana a Makua Kiaaina Firia. Na ka puali puhi ohe o Leilehua i hoomaikai mua na hana me ka ho\)kani ana i ke Mele Lahui o Amerika Huipuia, a o Ilamuku Darrack o ka Oihana Kaua Amerika ka mea nana i heluhelu mai na olelo e pili ana i_ke Kuokoa o Amerika Huipuia ame ke Kumukanawai, a o Kauka Thomas Greene ka mea nana i.wehe ka haiolelo e hoikeike ana i ke kulana oi pookela o Amerika mamua o kekahi mau aupuni mana nui e' ae o ke ao nei, ka pii mahuāhua o kona lahui-kanaka ame ka holo-

mua ma ka waiwai. Ua -nui ka mahaloia o kaiia haiolelo. Ma ka panina hope o na hana, ua mele ia ka himeni—"iKu'u Aina Hanau e.'' Mawaho o Kapiolani Paka, i malama ia ae kekahi mau lealea kinipopo, a pela aku. Ma ka hora 7 me hapa o ke ahiahi, he mau hooMe ahi-kao ma ka Pa Alii, i hoohauoliia e na leo o ka Bana Hawaii.